TVS Jupiter 110: ಟಿವಿಎಸ್ ಮೋಟಾರ್ ಕಂಪನಿ ಇತ್ತೀಚೆಗೆ ಭಾರತದಲ್ಲಿ ಜುಪಿಟರ್ 125 (Jupiter 125) ಅನ್ನು ಬಿಡುಗಡೆ ಮಾಡಿದೆ ಮತ್ತು ಈಗ ಕಂಪನಿಯು ತನ್ನ ಜನಪ್ರಿಯ ಜೂಪಿಟರ್ 110 ಸ್ಕೂಟರ್‌ನ ಬೆಲೆಗಳನ್ನು ಹೆಚ್ಚಿಸಲಿದೆ. ಕಂಪನಿಯು ಶೀಘ್ರದಲ್ಲೇ ಈ ಸ್ಕೂಟರ್‌ನ ಬೆಲೆಯನ್ನು ಕನಿಷ್ಠ 600 ರೂ. ಗಳಷ್ಟು ಹೆಚ್ಚಿಸುವುದಾಗಿ ಘೋಷಿಸಿದೆ ಮತ್ತು ಜುಪಿಟರ್ 110 ನ ಎಲ್ಲಾ ರೂಪಾಂತರಗಳ ಬೆಲೆಗಳನ್ನು ಹೆಚ್ಚಿಸಲಾಗುವುದು. ಈ ಸ್ಕೂಟರ್‌ನಲ್ಲಿ ಬೆಲೆಗಳನ್ನು ಹೆಚ್ಚಿಸಿರುವುದನ್ನು ಹೊರತುಪಡಿಸಿ ಕಂಪನಿಯು ಯಾವುದೇ ಬದಲಾವಣೆಗಳನ್ನು ಮಾಡಿಲ್ಲ. ಹಾಗಾಗಿ ಇಲ್ಲಿ ನೀವು ಯಾವುದೇ ತಾಂತ್ರಿಕ ಅಥವಾ ಯಾಂತ್ರಿಕ ಬದಲಾವಣೆಗಳನ್ನು ಪಡೆಯುವುದಿಲ್ಲ ಮತ್ತು ವೈಶಿಷ್ಟ್ಯಗಳ ವಿಷಯದಲ್ಲಿ, ಈ ಸ್ಕೂಟರ್ ಮೊದಲಿನಂತೆಯೇ ಇರಲಿದೆ. 110 ಸಿಸಿ ವಿಭಾಗದಲ್ಲಿ ಹೆಚ್ಚು ಮಾರಾಟವಾಗುವ ಸ್ಕೂಟರ್‌ಗಳಲ್ಲಿ ಜುಪಿಟರ್ 110 ಅನ್ನು ಸಹ ಸೇರಿಸಲಾಗಿದೆ.
ಸ್ಟ್ಯಾಂಡರ್ಡ್ ವೇರಿಯಂಟ್ ಬೆಲೆ 69,298 ರೂ.
ಭಾರತದಲ್ಲಿ ಜುಪಿಟರ್ 110 (TVS Jupiter 110) ರ ಶೀಟ್ ಮೆಟಲ್ ಚಕ್ರಗಳ ಪ್ರಸ್ತುತ ಎಕ್ಸ್ ಶೋ ರೂಂ ಬೆಲೆ 66,273 ರೂ. ಆಗಿದ್ದು, ಸ್ಟ್ಯಾಂಡರ್ಡ್ ರೂಪಾಂತರದ ಬೆಲೆ 69,298 ರೂ. TVS ಜುಪಿಟರ್ 110 ZX ಡ್ರಮ್ ಬ್ರೇಕ್ ರೂಪಾಂತರದ ಬೆಲೆಯನ್ನು 72,773 ರೂ.ಗಳಲ್ಲಿ ಇರಿಸಲಾಗಿದ್ದು, ಅದರ ZX ಡಿಸ್ಕ್ ಬ್ರೇಕ್ ರೂಪಾಂತರದ ಬೆಲೆ ರೂ. 76,573 ಆಗಿದೆ. ಅಂತಿಮವಾಗಿ, ಸ್ಕೂಟರ್‌ನ ಕ್ಲಾಸಿಕ್ ರೂಪಾಂತರದ ಬೆಲೆಯನ್ನು 76,543 ರೂ.ಗೆ ನಿಗದಿಪಡಿಸಲಾಗಿದೆ.
ಇದನ್ನೂ ಓದಿ- Ottobike: ಒಂದು ಬಾರಿ ಫುಲ್ ಚಾರ್ಜ್ನಲ್ಲಿ 230 ಕಿಮೀ ಚಲಿಸುತ್ತೆ ಈ ಎಲೆಕ್ಟ್ರಿಕ್ ಬೈಕ್
ಭಾರತೀಯ ಮಾರುಕಟ್ಟೆಯಲ್ಲಿ (Indian Market), ಜುಪಿಟರ್ 110 ನೇರವಾಗಿ ಹೋಂಡಾ ಆಕ್ಟಿವಾ 6G ಯೊಂದಿಗೆ ಸ್ಪರ್ಧಿಸುತ್ತಿದೆ. ಹೊರಭಾಗದಲ್ಲಿ ಪೆಟ್ರೋಲ್ ಸುರಿಯುವ ಕ್ಯಾಪ್, ದೊಡ್ಡ ಫುಟ್‌ಬೋರ್ಡ್ ಮತ್ತು ಸೀಟಿನ ಕೆಳಗೆ 21-ಲೀಟರ್ ಸ್ಟೋರೇಜ್ ಒಳಗೊಂಡಂತೆ ಹಲವಾರು ವೈಶಿಷ್ಟ್ಯಗಳೊಂದಿಗೆ ಸ್ಕೂಟರ್ ಹೆಚ್ಚು ಜನಮನ್ನಣೆ ಪಡೆದಿದೆ.
ಇದನ್ನೂ ಓದಿ- Driving License New Rules: ಡ್ರೈವಿಂಗ್ ಲೈಸೆನ್ಸ್ ಬಗ್ಗೆ ಸರ್ಕಾರದ ಹೊಸ ನಿಯಮವನ್ನು ತಪ್ಪದೇ ತಿಳಿಯಿರಿ
TVS ಜುಪಿಟರ್ 110 109.7 CC ಎಂಜಿನ್:
ಸ್ಕೂಟರ್‌ನ ಕೆಲವು ದುಬಾರಿ ರೂಪಾಂತರಗಳು ಯುಟಿಲಿಟಿ ಬಾಕ್ಸ್ ಮತ್ತು ಮುಂಭಾಗದಲ್ಲಿ USB ಚಾರ್ಜರ್‌ನೊಂದಿಗೆ ಬರುತ್ತವೆ. ಟಿವಿಎಸ್ ಜೂಪಿಟರ್ 110 ಅನ್ನು 109.7 ಸಿಸಿ ಏರ್ ಕೂಲ್ಡ್ ಎಂಜಿನ್‌ನೊಂದಿಗೆ ಸಿವಿಟಿ ಗೇರ್‌ಬಾಕ್ಸ್‌ಗೆ ಜೋಡಿಸಿದೆ. ಈ ಎಂಜಿನ್ 7.37 bhp ಪವರ್ ಮತ್ತು 8.4 Nm ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಸ್ಕೂಟರ್‌ನ ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಫೋರ್ಕ್‌ಗಳನ್ನು ಅಳವಡಿಸಲಾಗಿದ್ದು, ಹಿಂಭಾಗದಲ್ಲಿ ಮೊನೊಶಾಕ್ ಸಸ್ಪೆನ್ಷನ್‌ ನೀಡಲಾಗಿದೆ. ಸಾಮಾನ್ಯವಾಗಿ, ಈ ಸ್ಕೂಟರ್ ಡ್ರಮ್ ಬ್ರೇಕ್‌ನೊಂದಿಗೆ ಬರುತ್ತದೆ ಮತ್ತು ಅದರ ಆಯ್ದ ರೂಪಾಂತರಗಳನ್ನು ಕಂಪನಿಯು ಡಿಸ್ಕ್ ಬ್ರೇಕ್ ರೂಪಾಂತರಗಳೊಂದಿಗೆ ಪರಿಚಯಿಸಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ
