EPF Benefits : ಬಹುತೇಕ ಕಂಪನಿಗಳಲ್ಲಿ ಪ್ರತಿ ತಿಂಗಳು ನೌಕರರ ವೇತನದಿಂದ ಒಂದು ನಿರ್ದಿಷ್ಟ ಮೊತ್ತವನ್ನು ಕಡಿತಗೊಳಿಸಲಾಗುತ್ತದೆ. ಉದ್ಯೋಗಕ್ಕೆ ಸೇರುವಾಗ ಪ್ರತಿಯೊಬ್ಬರೂ ಉದ್ಯೋಗಿ ಭವಿಷ್ಯ ನಿಧಿ (EPFO) ಫಾರ್ಮ್‌ಗಳನ್ನು ಭರ್ತಿ ಮಾಡಿರುತ್ತಾರೆ. ಉದ್ಯೋಗಿಯ ಮಾಸಿಕ ವೇತನದಿಂದ ಕಡಿತಗೊಳಿಸಲಾದ ಈ ಹಣ ಉದ್ಯೋಗಿಗಳ ಭವಿಷ್ಯ ನಿಧಿಗೆ ಹೋಗುತ್ತದೆ. ಇದು EPFOನಿಂದ ನಡೆಸಲ್ಪಡುತ್ತದೆ. ಸಂಘಟಿತ ವಲಯದ ಉದ್ಯೋಗಿಗಳ ವೇತನದಿಂದ 12 ಪ್ರತಿಶತವನ್ನು ಕಡಿತಗೊಳಿಸುವ ಮೂಲಕ ಪ್ರತಿ ತಿಂಗಳು ಪಿಂಚಣಿ ಕಾರ್ಪಸ್ ಅನ್ನು ರಚಿಸಲಾಗುತ್ತದೆ. ಪಿಎಫ್ ಮೂಲಕ ನಿವೃತ್ತಿ ನಿಧಿಯನ್ನು ನಿರ್ಮಿಸುವುದು ಮಾತ್ರವಲ್ಲ ಇದರ ಹೊರತಾಗಿಯೂ EPFನಿಂದ ಹಲವು ಪ್ರಯೋಜನಗಳನ್ನು ಪಡೆಯಬಹುದು. ಇಪಿಎಫ್ ಖಾತೆ ಹೊಂದಿರುವ ಬಹುತೇಕ ಉದ್ಯೋಗಿಗಳಿಗೆ ಇದರ ಸಂಪೂರ್ಣ ಪ್ರಯೋಜನಗಳ ಜ್ಞಾನವೇ ಇರುವುದಿಲ್ಲ. ಇಂದು ನಾವು EPFನ 7 ವೈಶಿಷ್ಟ್ಯಗಳು ಅಥವಾ ಪ್ರಯೋಜನಗಳ ಬಗ್ಗೆ ತಿಳಿಸುತ್ತಿದ್ದೇವೆ.
1. ಪಿಂಚಣಿ ಪ್ರಯೋಜನ
ಭವಿಷ್ಯ ನಿಧಿ ಅಡಿಯಲ್ಲಿ, ನಿಮ್ಮ ಹಣವನ್ನು ಎರಡು ಭಾಗಗಳಲ್ಲಿ ಠೇವಣಿ ಮಾಡಲಾಗುತ್ತದೆ. ಒಂದು ಇಪಿಎಫ್ ಅಂದರೆ ಉದ್ಯೋಗಿಗಳ ಭವಿಷ್ಯ ನಿಧಿ ಮತ್ತು ಇನ್ನೊಂದು ಇಪಿಎಸ್ ಅಂದರೆ ಉದ್ಯೋಗಿಗಳ ಪಿಂಚಣಿ ಯೋಜನೆ. ನಿಮ್ಮ ವೇತನದಿಂದ 12 ಪ್ರತಿಶತ ಹಣ ಕಡಿತಗೊಳಿಸಿದರೆ ಇನ್ನು 12 ಪ್ರತಿಶತ ಹಣವನ್ನು ಕಂಪನಿಯು ಪಾವತಿಸುತ್ತದೆ. ಪಿಂಚಣಿ ಕಾರ್ಪಸ್ ಅನ್ನು ಕಂಪನಿಯ ಕೊಡುಗೆಯಿಂದ ರಚಿಸಲಾಗುತ್ತದೆ. ಆದರೆ 58 ವರ್ಷ ದಾಟಿದ ನಂತರವಷ್ಟೇ ಪಿಂಚಣಿ ಪ್ರಯೋಜನ ಸಿಗುತ್ತದೆ. ಇದಕ್ಕಾಗಿ ನೀವು ಕನಿಷ್ಟ 10 ವರ್ಷಗಳ ಕಾಲ ಕೆಲಸ ಮಾಡಿರಬೇಕು.
ಇದನ್ನೂ ಓದಿ : BPL, APL ಕಾರ್ಡ್ ದಾರರಿಗೆ ಗುಡ್ ನ್ಯೂಸ್ : ಇಂದಿನಿಂದಲೇ ಈ ಅವಕಾಶ ನೀಡಿದ ಸರ್ಕಾರ
2. ನಾಮಿನಿಗೆ ಸಿಗುವುದು ಪ್ರಯೋಜನ :
ಇತ್ತೀಚಿನ ದಿನಗಳಲ್ಲಿ, ಈ ಸೌಲಭ್ಯಕ್ಕಾಗಿ ನಾಮನಿರ್ದೇಶನ ಅಥವಾ ನಾಮಿನಿ ಯನ್ನು ಸೂಚಿಸಲು EPFO ಪದೇ ಪದೇ ಚಂದಾದಾರರಿಗೆ ಸೂಚಿಸುತ್ತದೆ. ನಿಮ್ಮ EPF ಖಾತೆಗೆ ನಿಮ್ಮ ಅನುಕೂಲಕ್ಕೆ ತಕ್ಕಂತೆ ಯಾರನ್ನು ಬೇಕಾದರೂ ನಾಮನಿರ್ದೇಶನ ಮಾಡಬಹುದು. ಒಂದು ವೇಳೆ ಚಂದಾದಾರರು ಮೃತಪಟ್ಟರೆ ಆಗ ನಾಮಿನಿಗೆ ಪಿಎಫ್ ಹಣ ಸಿಗುತ್ತದೆ.
3.VPFನಲ್ಲಿ ಹೂಡಿಕೆ :
ಇಪಿಎಫ್ ಹೊರತುಪಡಿಸಿ , ಉದ್ಯೋಗಿಗಳು ಸ್ವಯಂಪ್ರೇರಿತ ಭವಿಷ್ಯ ನಿಧಿಯಲ್ಲಿ (Voluntary Provident Fund) ಹೂಡಿಕೆ ಮಾಡಬಹುದು. ಅಂದರೆ ವಿಪಿಎಫ್ . ನಿಮ್ಮ ಮೂಲ ವೇತನದಿಂದ ನೀವು VPF ಗೆ ಹೆಚ್ಚುವರಿ ಕೊಡುಗೆಯನ್ನು ನೀಡಬಹುದು.
4. ಹಣ ಹಿಂಪಡೆಯುವ ನಿಯಮಗಳು :
ಇಪಿಎಫ್‌ನಿಂದ ಹಣವನ್ನು ಹಿಂಪಡೆಯಲು ಹಲವಾರು ನಿಯಮಗಳಿವೆ. ನೀವು ನಿಮ್ಮ ಉದ್ಯೋಗವನ್ನು ಬದಲಾಯಿಸಿದರೆ ನಿಮ್ಮ ಇಪಿಎಫ್ ಖಾತೆಯಿಂದ ಹಣವನ್ನು ಹಿಂಪಡೆಯುವುದು ಅಷ್ಟು ಸುಲಭವಲ್ಲ. ನಿಮ್ಮ ಹಿಂದಿನ ಕೆಲಸ ಬಿಟ್ಟ ಎರಡು ತಿಂಗಳ ಕಾಲ ಬೇರೆ ಯಾವುದೇ ಕೆಲಸಕ್ಕೆ ಸೇರದಿದ್ದರೆ ಮಾತ್ರ ಇಪಿಎಫ್ ಹಣವನ್ನು ಹಿಂಪಡೆಯಬಹುದು. ಅಲ್ಲದೆ ಹೊಸ ಉದ್ಯೋಗ ಪಡೆದ ನಂತರ ಮೊತ್ತವನ್ನು ವರ್ಗಾಯಿಸಬಹುದು.
ಇದನ್ನೂ ಓದಿ : ಏಳು ತಿಂಗಳಲ್ಲಿ ಕನಿಷ್ಠ ದರಕ್ಕೆ ಇಳಿದ ಚಿನ್ನ! ಇನ್ನು ಮೈ ತುಂಬಾ ಹಾಕಬಹುದು ಬಂಗಾರ
5. ಭಾಗಶಃ ಮೊತ್ತ ಪಡೆಯುವ ಅವಕಾಶ :
ಇದಲ್ಲದೇ ಇಪಿಎಫ್ ಹಿಂಪಡೆಯಲು ಪ್ರತ್ಯೇಕ ನಿಯಮಗಳಿವೆ. ನೀವು ಸಂಪೂರ್ಣ ಮೊತ್ತವನ್ನು ಹಿಂಪಡೆಯಲು ಇಲ್ಲಿ ಸಾಧ್ಯವಾಗುವುದಿಲ್ಲ. ಆದರೆ ನಿರ್ದಿಷ್ಟ ಮಿತಿಯವರೆಗೆ ಖಾತೆಯಿಂದ ಹಣವನ್ನು ಹಿಂಪಡೆಯಬಹುದು. ನಿಮಗಾಗಿ, ನಿಮ್ಮ ಒಡಹುಟ್ಟಿದವರಿಗಾಗಿ ಮತ್ತು ನಿಮ್ಮ ಮಕ್ಕಳ ಮದುವೆ ಅಥವಾ ಶಿಕ್ಷಣಕ್ಕಾಗಿ ನೀವು ಹಣವನ್ನು ಹಿಂತೆಗೆದುಕೊಳ್ಳಬಹುದು. ಆದರೆ ಖಾತೆಯನ್ನು ತೆರೆದ 7 ವರ್ಷಗಳ ನಂತರ, ಕೇವಲ 50 ಪ್ರತಿಶತದಷ್ಟು ಮೊತ್ತವನ್ನು ಮಾತ್ರ ಹಿಂಪಡೆಯಬಹುದು ಸಾಧ್ಯವಾಗುತ್ತದೆ.
ಇದರ ಹೊರತಾಗಿ ನೀವು ಅಥವಾ ನಿಮ್ಮ ಕುಟುಂಬದ ಯಾರಿಗಾದರೂ ಪ್ರಮುಖ ಶಸ್ತ್ರಚಿಕಿತ್ಸೆ ಅಥವಾ ಇತರ ಚಿಕಿತ್ಸೆಗಾಗಿ ಹಣವನ್ನು ಹಿಂಪಡೆಯಬಹುದು. ಗೃಹ ಸಾಲವನ್ನು ತೀರಿಸಲು, ಮನೆ ನಿರ್ಮಿಸಲು ಅಥವಾ ಖರೀದಿಸಲು ಅಥವಾ ಮನೆಯನ್ನು ನವೀಕರಿಸಲು ನೀವು ಹಣವನ್ನು ಸಾಲ ಪಡೆಯಬಹುದು.
6. ಇಪಿಎಫ್ ಮೇಲಿನ ಬಡ್ಡಿ :
ನೀವು ಇಪಿಎಫ್‌ನಲ್ಲಿ ಪ್ರತಿ ವರ್ಷ ಬಡ್ಡಿಯಾಗಿ ನಿಗದಿತ ಮೊತ್ತವನ್ನು ನಿಮ್ಮ ಖಾತೆಗೆ ವರ್ಗಾಯಿಸಲಾಗುತ್ತದೆ. ಇದು ಹೆಚ್ಚುತ್ತಲೇ ಇರುತ್ತದೆ. ಪ್ರಸ್ತುತ ಸರ್ಕಾರವು PF ಚಂದಾದಾರರಿಗೆ 8.15% ದರದಲ್ಲಿ EPF ಮೇಲೆ ವಾರ್ಷಿಕ ಬಡ್ಡಿಯನ್ನು ನೀಡುತ್ತದೆ. ಆದರೆ, ಇಪಿಎಸ್ ಕಾರ್ಪಸ್‌ನಲ್ಲಿ ಯಾವುದೇ ಆದಾಯ ಇರುವುದಿಲ್ಲ. ಇದರಲ್ಲಿ ನೀವು ಠೇವಣಿ ಇಡುವ ಮೊತ್ತವನ್ನು ಮಾತ್ರ ಪಡೆಯುತ್ತೀರಿ.
ಇದನ್ನೂ ಓದಿ : ಪ್ಯಾಕೇಜ್‌ನಲ್ಲಿ ಮಾಲ್ಡೀವ್ಸ್‌ನಂತಹ ಸುಂದರ ತಾಣಕ್ಕೆ ಅಗ್ಗದ ಪ್ಯಾಕೇಜ್ ಘೋಷಿಸಿದ ಐ‌ಆರ್‌ಸಿ‌ಟಿ‌ಸಿ
7. ಜೀವ ವಿಮೆ :
ಕಂಪನಿಯು ಜೀವ ವಿಮಾ ಪ್ರಯೋಜನವನ್ನು ಹೊಂದಿಲ್ಲದಿದ್ದರೆ, ಅದರ ಉದ್ಯೋಗಿಗಳಿಗೆ EDLI (ಉದ್ಯೋಗಿ ಠೇವಣಿ ಲಿಂಕ್ಡ್ ಇನ್ಶುರೆನ್ಸ್) ಯೋಜನೆಯ ಅಡಿಯಲ್ಲಿ ಜೀವ ವಿಮೆಯನ್ನು ಒದಗಿಸಬಹುದು.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://tinyurl.com/7jmvv2nz
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್.
