ನವದೆಹಲಿ : ನೀವು ಮನೆ ಖರೀದಿಸುವ ಬಗ್ಗೆ ಯೋಚಿಸುತ್ತಿದ್ದರೆ ನಿಮಗೆ ಒಳ್ಳೆಯ ಸುದ್ದಿ ಇದೆ. ಎಚ್‌ಡಿಎಫ್‌ಸಿ (Home Loan) ಗೃಹ ಸಾಲಗಳ ಬಡ್ಡಿದರಗಳಲ್ಲಿ ಕಡಿತವನ್ನು ಘೋಷಿಸಿದೆ. ಬುಧವಾರ ಷೇರು ವಿನಿಮಯ ಕೇಂದ್ರಕ್ಕೆ ಮಾಹಿತಿ ನೀಡುವಾಗ, ಚಿಲ್ಲರೆ ಪ್ರಧಾನ ಸಾಲ ದರವನ್ನು 5 ಬೇಸಿಸ್ ಪಾಯಿಂಟ್‌ಗಳಿಂದ ಕಡಿತಗೊಳಿಸಲಾಗಿದೆ ಎಂದು ಬ್ಯಾಂಕ್ ಹೇಳಿದೆ, ಬಡ್ಡಿದರದಲ್ಲಿನ ಈ ಕಡಿತವು ಇಂದಿನಿಂದ ಅಂದರೆ ಮಾರ್ಚ್ 4, 2021 ರಿಂದ ಪರಿಣಾಮಕಾರಿಯಾಗಲಿದೆ. ಎಚ್‌ಡಿಎಫ್‌ಸಿ ಗೃಹ ಸಾಲದ ಬಡ್ಡಿದರವನ್ನು ಕಡಿಮೆ ಮಾಡಿದ ನಂತರ, ಎಚ್‌ಡಿಎಫ್‌ಸಿಯಲ್ಲಿ ಗೃಹ ಸಾಲದ ದರವು ಕನಿಷ್ಠ 6.75 ಕ್ಕೆ ಇಳಿದಿದೆ. ಗೃಹ ಸಾಲದಲ್ಲಿನ ಈ ಕಡಿತವು ಬ್ಯಾಂಕಿನ ಚಿಲ್ಲರೆ ಗ್ರಾಹಕರಿಗೆ ಪ್ರಯೋಜನವನ್ನು ನೀಡುತ್ತದೆ ಎಂದು ಹೇಳಲಾಗಿದೆ.
ಕೊಟಕ್ ಮಹೀಂದ್ರಾ ಬ್ಯಾಂಕ್ (Kotak Mahindra Bank) ಕೂಡ ಬಡ್ಡಿದರವನ್ನು ಕಡಿಮೆ ಮಾಡಿತು :
ಕೊಟಕ್ ಮಹೀಂದ್ರಾ ಬ್ಯಾಂಕ್ (Kotak Mahindra Bank) ಇತ್ತೀಚೆಗೆ ಗೃಹ ಸಾಲದ ಬಡ್ಡಿಯನ್ನು ಶೇ 0.10 ರಷ್ಟು ಕಡಿತಗೊಳಿಸುವುದಾಗಿ ಘೋಷಿಸಿದೆ. ಈ ಸೀಮಿತ ಅವಧಿಯ ಕಡಿತದ ನಂತರ ಬಡ್ಡಿದರವು ಶೇಕಡಾ 6.65 ಕ್ಕೆ ಇಳಿದಿದೆ. ಈ ಕಡಿತದೊಂದಿಗೆ, ಮಾರುಕಟ್ಟೆಯಲ್ಲಿ ಕಡಿಮೆ ಬಡ್ಡಿಗೆ ಗ್ರಾಹಕರಿಗೆ ಗೃಹ ಸಾಲವನ್ನು (Home Loan) ಒದಗಿಸುವುದಾಗಿ ಬ್ಯಾಂಕ್ ಹೇಳಿಕೊಂಡಿದೆ. ಈ ವಿಶೇಷ ಕೊಡುಗೆಯಡಿಯಲ್ಲಿ ಮಾರ್ಚ್ 31 ರೊಳಗೆ ಗ್ರಾಹಕರು ಶೇಕಡಾ 6.65 ರಷ್ಟು ಬಡ್ಡಿದರದಲ್ಲಿ ಸಾಲ ತೆಗೆದುಕೊಳ್ಳಲು ಸಾಧ್ಯವಾಗುತ್ತದೆ ಎಂದು ಬ್ಯಾಂಕ್ ಹೇಳಿಕೆಯಲ್ಲಿ ತಿಳಿಸಿದೆ. ದೇಶದ ಅತಿದೊಡ್ಡ ಬ್ಯಾಂಕ್ ಎಸ್‌ಬಿಐ (SBI) ಬಡ್ಡಿದರವನ್ನು ಶೇಕಡಾ 6.70 ಕ್ಕೆ ಇಳಿಸಿದ ಕೆಲವೇ ಗಂಟೆಗಳ ನಂತರ ಕೋಟಕ್ ಬ್ಯಾಂಕ್ ಇದನ್ನು ಪ್ರಕಟಿಸಿದೆ. ಬಡ್ಡಿದರವು ಸಾಲಗಾರನ 'ಕ್ರೆಡಿಟ್ ಸ್ಕೋರ್' ಮತ್ತು ಸಾಲದಿಂದ ಮೌಲ್ಯ ಅನುಪಾತ (LTV)ದ ಮೇಲೆ ಅವಲಂಬಿತವಾಗಿರುತ್ತದೆ ಎಂದು ಕೊಟಕ್ ಮಹೀಂದ್ರಾ ಬ್ಯಾಂಕ್ ತಿಳಿಸಿದೆ.
ಇದನ್ನೂ ಓದಿ - Home Loan : ಮನೆ ಕೊಳ್ಳಲು ಇದಕ್ಕಿಂತ ಒಳ್ಳೆಯ ಟೈಮ್ ಸಿಗಲಿಕ್ಕಿಲ್ಲ.! ಯಾಕೆ ಗೊತ್ತಾ..?
ಎಸ್‌ಬಿಐ ಕೂಡ ದೊಡ್ಡ ಪರಿಹಾರ ನೀಡಿತು (SBI gave big relief):
ಎಸ್‌ಬಿಐ ಗೃಹ ಸಾಲ (SBI Home Loan): ನೀವು ಮನೆ ಖರೀದಿಸಲು ಯೋಜಿಸುತ್ತಿದ್ದರೆ, ನಿಮಗೆ ಅಗ್ಗದ ಬಡ್ಡಿ ದರದಲ್ಲಿ ಸಾಲ ಪಡೆಯಲು ಉತ್ತಮ ಅವಕಾಶವಿದೆ. ದೇಶದ ಅತಿದೊಡ್ಡ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಗೃಹ ಸಾಲವನ್ನು ಅಗ್ಗವಾಗಿಸಿದೆ. ಸುದ್ದಿಗಳ ಪ್ರಕಾರ, ಎಸ್‌ಬಿಐ ಗೃಹ ಸಾಲಗಳ ಬಡ್ಡಿದರವನ್ನು ಶೇಕಡಾ 6.70 ಕ್ಕೆ ಇಳಿಸಿದೆ. ಗೃಹ ಸಾಲ ಬಡ್ಡಿದರಗಳು 75 ಲಕ್ಷ ರೂಪಾಯಿಗಳವರೆಗಿನ ಸಾಲಗಳಿಗೆ 6.70% ಮತ್ತು 75 ಲಕ್ಷದಿಂದ 5 ಕೋಟಿ ರೂಪಾಯಿಗಳವರೆಗಿನ ಸಾಲಗಳಿಗೆ 6.75 ಪ್ರತಿಶತದಿಂದ ಪ್ರಾರಂಭವಾಗುತ್ತವೆ.
ಇದನ್ನೂ ಓದಿ - ಈಗ ಹೋಮ್ ಲೋನ್ ಇನ್ನೂ ಅಗ್ಗ.! ಹೇಗೆ ಗೊತ್ತಾ..?
ಗೃಹ ಸಾಲ ರಿಯಾಯಿತಿ (Home loan discount):
ಸುದ್ದಿಯ ಪ್ರಕಾರ, ಎಸ್‌ಬಿಐ ಸಾಲದ ಮೊತ್ತ ಮತ್ತು ಸಿಬಿಲ್ ಸ್ಕೋರ್‌ಗೆ ಅನುಗುಣವಾಗಿ ಶೇಕಡಾ 0.70 ಅಥವಾ 70 ಬೇಸಿಸ್ ಪಾಯಿಂಟ್‌ಗಳವರೆಗೆ ರಿಯಾಯಿತಿ ನೀಡುತ್ತಿದೆ. ಮಹಿಳಾ ಸಾಲಗಾರ ಗ್ರಾಹಕರಾಗಿದ್ದರೆ, ಅವರಿಗೆ 5 ಬೇಸಿಸ್ ಪಾಯಿಂಟ್‌ಗಳ ರಿಯಾಯಿತಿ ಸಿಗುತ್ತದೆ. ಇದು ಮಾತ್ರವಲ್ಲ, ನೀವು ಯೋನೊ ಎಸ್‌ಬಿಐ ಆ್ಯಪ್ ಮೂಲಕ ಗೃಹ ಸಾಲಕ್ಕೆ ಅರ್ಜಿ ಸಲ್ಲಿಸಿದರೆ, ನಿಮಗೆ 5 ಬೇಸಿಸ್ ಪಾಯಿಂಟ್‌ಗಳ ಹೆಚ್ಚುವರಿ ರಿಯಾಯಿತಿ ಸಿಗುತ್ತದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
