ಸರ್ಕಾರಿ ನೌಕರರಿಗೆ ಗುಡ್ ನ್ಯೂಸ್ ! ಡಿಎ ಹೆಚ್ಚಳದೊಂದಿಗೆ ಮೂಲ ವೇತನದಲ್ಲಿಯೂ ಏರಿಕೆ ! ಎಷ್ಟಾಗುವುದು ಸ್ಯಾಲರಿ

ಬೆಂಗಳೂರು : ಕೆಲವೇ ತಿಂಗಳುಗಳಲ್ಲಿ, ಕೇಂದ್ರ ಸರ್ಕಾರಿ ನೌಕಾರರ ತುಟ್ಟಿಭತ್ಯೆ 50 ಪ್ರತಿಶತವನ್ನು ತಲುಪುತ್ತದೆ ಎಂದು ಹೇಳಲಾಗುತ್ತದೆ. ತುಟ್ಟಿಭತ್ಯೆ  50 ಪ್ರತಿಶತವನ್ನು ತಲುಪಿದ ನಂತರ, ವೇತನ ಮತ್ತು ಇತರ ಭತ್ಯೆಗಳಲ್ಲಿಯೂ ಬದಲಾವಣೆಯಾಗುತ್ತದೆ.  

ಕಾರ್ಮಿಕ ಸಚಿವಾಲಯ ಇತ್ತೀಚೆಗೆ ಎಐಸಿಪಿಐ ಸೂಚ್ಯಂಕ ಪ್ರಕಟಿಸಿದೆ. ಇದರ ಆಧಾರದ ಮೇಲೆ ಜುಲೈ 2023 ರವರೆಗಿನ ತುಟ್ಟಿಭತ್ಯೆ ದರ ಏರಿಕೆಯಾಗುವ ಮೂಲಕ  ಶೇಕಡಾ 46 ರಷ್ಟಾಗುತ್ತದೆ ಎಂದು ಲೆಕ್ಕಹಾಕಲಾಗಿದೆ. ಸದ್ಯದಲ್ಲೇ ಕೇಂದ್ರ ಸರ್ಕಾರ ಈ ಕುರಿತು ಪ್ರಕಟಣೆ ಹೊರಡಿಸುವ ನಿರೀಕ್ಷೆ ಇದೆ. ಎಐಸಿಪಿಐ ಸೂಚ್ಯಂಕದ ಆಧಾರದ ಮೇಲೆ ಕೇಂದ್ರ ಸರ್ಕಾರವು ತುಟ್ಟಿಭತ್ಯೆ (ಡಿಎ), ಡಿಯರ್‌ನೆಸ್ ರಿಲೀಫ್ (ಡಿಆರ್), ಫಿಟ್‌ಮೆಂಟ್ ಫ್ಯಾಕ್ಟರ್ ಮತ್ತು ಸರ್ಕಾರಿ ನೌಕರರ ವೇತನದಲ್ಲಿನ ಇತರ ಹೆಚ್ಚಳಗಳನ್ನು ಮಾಡಲಾಗುತ್ತದೆ. ಪ್ರಸ್ತುತ ನೌಕರರಿಗೆ ಶೇಕಡಾ 42 ರಷ್ಟು ಡಿಎ ನೀಡಲಾಗುತ್ತದೆ. ಎಐಸಿಪಿಐ ಸೂಚ್ಯಂಕ ಪ್ರಕಟವಾದ ನಂತರ ಇದು 46 ಪ್ರತಿಶತಕ್ಕೆ ಏರಿಕೆಯಾಗುವ ನಿರೀಕ್ಷೆಯಿದೆ. 

ಇದನ್ನೂ ಓದಿ : ಆದಾಯ ತೆರಿಗೆ ಪಾವತಿದಾರರಿಗೊಂದು ಗುಡ್ ನ್ಯೂಸ್!

ಪ್ರತಿ 6 ತಿಂಗಳಿಗೊಮ್ಮೆ ತುಟ್ಟಿಭತ್ಯೆ ಹೆಚ್ಚಳ : 
ಕೇಂದ್ರ ಸರ್ಕಾರದ ಕಾರ್ಮಿಕ ಸಚಿವಾಲಯ ಪ್ರಕಟಿಸಿದ ಎಐಸಿಪಿಐ ಸೂಚ್ಯಂಕವನ್ನು ಆಧರಿಸಿ ಪ್ರತಿ 6 ತಿಂಗಳಿಗೊಮ್ಮೆ ನೌಕರರ ಡಿಎ ಮತ್ತು ಪಿಂಚಣಿದಾರರ ಡಿಆರ್ ಅನ್ನು ಪರಿಶೀಲಿಸಲಾಗುತ್ತದೆ. ಇದರ ಆಧಾರದ ಮೇಲೆ ಜನವರಿಯಲ್ಲಿ ಮೊದಲ ಏರಿಕೆಯಾಗಿದೆ. ಎರಡನೆಯದು ಜುಲೈನಿಂದ ಜಾರಿಗೆ ಬರಲಿದೆ.

ಆದಷ್ಟು ಬೇಗ ಕೇಂದ್ರ ಸರ್ಕಾರ ನೌಕರರಿಗೆ 3 ದೊಡ್ಡ ಗುಡ್ ನ್ಯೂಸ್ ನೀಡಲಿದೆ. ಅವುಗಳೆಂದರೆ:

- 50% ಡಿಎ  
- ವೇತನದಲ್ಲಿ ಹೆಚ್ಚಳ
- ಮನೆ ಬಾಡಿಗೆ ಭತ್ಯೆಯಲ್ಲಿ ಬದಲಾವಣೆ

50%  ತುಟ್ಟಿಭತ್ಯೆ : 
ಮುಂದಿನ ಜನವರಿ 2024 ರಲ್ಲಿ ಮತ್ತೆ ತುಟ್ಟಿಭತ್ಯೆಯನ್ನು ಪರಿಷ್ಕರಿಸಲಾಗುವುದು. ಕಳೆದ ಕೆಲವು ಬಾರಿಯಂತೆ ಈ ಬಾರಿ ತುಟ್ಟಿಭತ್ಯೆಯಲ್ಲಿ ಶೇ.4ರಷ್ಟು ಹೆಚ್ಚಳವಾದರೆ, ನೌಕರರ ತುಟ್ಟಿಭತ್ಯೆ ಶೇ.50ಕ್ಕೆ ತಲುಪಲಿದೆ.  ತುಟ್ಟಿಭತ್ಯೆ ಶೇ.50ಕ್ಕೆ ತಲುಪಿದ ಮೇಲೆ ನೌಕರರ ವೇತನದಲ್ಲಿ ಭಾರೀ ಏರಿಕೆಯಾಗಲಿದೆ.

ತುಟ್ಟಿಭತ್ಯೆ (ಡಿಎ) 50% ಅಂದರೆ ಮೂಲ ವೇತನದ 50% ತಲುಪಿದಾಗ ಅದನ್ನು ಶೂನ್ಯಕ್ಕೆ ಇಳಿಸಲಾಗುವುದು. ತುಟ್ಟಿಭತ್ಯೆ ಶೂನ್ಯವಾದ ನಂತರ, ಮತ್ತೆ ಆ ದರದ ಶೇಕಡಾವಾರು 1, 2 ರಂತೆ ಪ್ರಾರಂಭವಾಗುತ್ತದೆ. ತುಟ್ಟಿಭತ್ಯೆಯು ಶೇಕಡಾ 50 ಕ್ಕೆ ತಲುಪಿದ ನಂತರ, ಅದನ್ನು ಮೂಲ ವೇತನಕ್ಕೆ ಲಿಂಕ್ ಮಾಡಲಾಗುತ್ತದೆ. 

ಕೇಂದ್ರ ಸರ್ಕಾರಿ ನೌಕರರ ಸಂಬಳ ಎಷ್ಟು ಹೆಚ್ಚಳ? :
ಪ್ರಸ್ತುತ, ಪೇ-ಬ್ಯಾಂಡ್ ಲೆವೆಲ್-1 ಸರ್ಕಾರಿ ನೌಕರರ ಮೂಲ ವೇತನ ರೂ. 18,000. ಇದು ಕನಿಷ್ಠ ಮೂಲ ವೇತನವಾಗಿದೆ. ಆದರೆ, ಇದೇ ಲೆಕ್ಕಾಚಾರದಲ್ಲಿ ತುಟ್ಟಿಭತ್ಯೆ ಶೇ.50 ರಂತೆ ಲೆಕ್ಕ ಹಾಕಿದಾಗ 9 ಸಾವಿರ ರೂ.ಆಗುತ್ತದೆ.  ಮೊದಲೇ ಹೇಳಿದ ಹಾಗೆ ತುಟ್ಟಿಭತ್ಯೆ  ಶೇಕಡಾ 50 ಕ್ಕೆ ತಲುಪಿದ ನಂತರ ಅದನ್ನು ಶೂನ್ಯಕ್ಕೆ ಇಳಿಸಿ ಮೂಲ ವೇತನಕ್ಕೆ ಸೇರಿಸಲಾಗುತ್ತದೆ. ಅಂದರೆ 18,000 ರೂಪಾಯಿ ಇದ್ದ ಮೂಲ ವೇತನಕ್ಕೆ 9,000 ಸೇರಿ ಅದು 27,000 ರುಪಾಯಿಗೆ ಏರಿಕೆಯಾಗುತ್ತದೆ. ಇದರ ನಂತರ, ತುಟ್ಟಿಭತ್ಯೆಯನ್ನು 27,000 ರೂ. ಮೇಲೆ  ಲೆಕ್ಕಹಾಕಲಾಗುತ್ತದೆ. 

ಇದನ್ನೂ ಓದಿ : ಶ್ರೀಸಾಮಾನ್ಯರಿಗೆ ಮತ್ತೊಂದು ಸಂತಸದ ಸುದ್ದಿ ಪ್ರಕಟಿಸಿದ ಮೋದಿ ಸರ್ಕಾರ, ದೀಪಾವಳಿಗೂ ಮುನ್ನ ಸಿಗಲಿದೆ ಈ ಉಡುಗೊರೆ

HRA: ಮನೆ ಬಾಡಿಗೆ ಭತ್ಯೆ ಯಾವಾಗ ಹೆಚ್ಚಾಗುತ್ತದೆ? :
DoPT ಯ ಜ್ಞಾಪಕ ಪತ್ರದ ಪ್ರಕಾರ, ಕೇಂದ್ರ ಸರ್ಕಾರಿ ನೌಕರರಿಗೆ ಮನೆ ಬಾಡಿಗೆ ಭತ್ಯೆಯನ್ನು ತುಟ್ಟಿಭತ್ಯೆ ಹೆಚ್ಚಳದ ಆಧಾರದ ಮೇಲೆ ಪರಿಷ್ಕರಿಸಲಾಗುತ್ತದೆ. ನಗರದ ಪ್ರಕಾರದ ಪ್ರಕಾರ, ಶೇಕಡಾ 27, ಶೇಕಡಾ 18 ಮತ್ತು ಶೇಕಡಾ 9 ರ ದರದಲ್ಲಿ HRA ಅನ್ನು ನೀಡಲಾಗುತ್ತದೆ. 2015 ರಲ್ಲಿ ನೀಡಲಾದ ಜ್ಞಾಪಕ ಪತ್ರದ ಪ್ರಕಾರ, HRA ಅನ್ನು ಕಾಲಕಾಲಕ್ಕೆ ಪರಿಷ್ಕರಿಸಲಾಗುವುದು.  ತುಟ್ಟಿಭತ್ಯೆ  50% ದಾಟಿದಾಗ  HRA ಕೂಡಾ ಬದಲಾಗುತ್ತದೆ.

HRA 3% ರಷ್ಟು ಹೆಚ್ಚಾಗುತ್ತದೆ :
ಮನೆ ಬಾಡಿಗೆ ಭತ್ಯೆಯಲ್ಲಿ ಮುಂದಿನ ಪರಿಷ್ಕರಣೆಯು 7 ನೇ ವೇತನ ಆಯೋಗದ ಅಡಿಯಲ್ಲಿ 3% ಆಗಿರುತ್ತದೆ. ಈಗಿರುವ ಗರಿಷ್ಠ ದರವಾದ ಶೇ.27ರಿಂದ ಎಚ್‌ಆರ್‌ಎ ಶೇ.30ಕ್ಕೆ ಏರಿಕೆಯಾಗಲಿದೆ. DA 50% ಮೀರಿದಾಗ, HRA 30%, 20% ಮತ್ತು 10% ಕ್ಕೆ ಏರುತ್ತದೆ. X, Y ಮತ್ತು Z ವರ್ಗದ ನಗರಗಳ ಪ್ರಕಾರ ಮನೆ ಬಾಡಿಗೆ ಭತ್ಯೆ ನೀಡಲಾಗುವುದು. 

ಇದನ್ನೂ ಓದಿ : ಅಮೃತ್ ಕಲಶ್ ಠೇವಣಿ ಕೊನೆ ದಿನ ವಿಸ್ತರಣೆ‌

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/watch?v=uzXzteRDY-k
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.