UP Glass Bridge: ଧନୁ-ତୀର ପରି ଏହି ରାଜ୍ୟରେ ତିଆରି ହେଉଛି 'ଗ୍ଲାସ୍ ବ୍ରିଜ୍'; ଜାଣନ୍ତୁ ସାଧାରଣ ଜନତାଙ୍କ ପାଇଁ କେବେ ଖୋଲିବ?

UP First Glass Bridge: କଂକ୍ରିଟ କିମ୍ବା କୌଣସି ଧାତବ ପଦାର୍ଥ ନୁହେଁ ବରଂ କାଚ ବ୍ୟବହାର ନିର୍ମାଣ କରାଯାଉଛି ପୋଲ। ଯାହାର ଆକାର ଧନୁ-ତୀର ଭଳି ହେବ। ଉତ୍ତର ପ୍ରଦେଶର ଚିତ୍ରକୂଟ ଜିଲ୍ଲାରେ ତୁଳସୀ (ଶବରୀ) ଜଳପ୍ରପାତ ଠାରେ ରାଜ୍ୟର ପ୍ରଥମ ଗ୍ଲାସ୍ ସ୍କାଏୱାଲ୍ ବ୍ରିଜ୍ ନିର୍ମାଣ କରାଯାଉଛି। କୋଦଣ୍ଡ ଜଙ୍ଗଲରେ ଅବସ୍ଥିତ ଏହି ଜଳ ପ୍ରପାତ ଉପରେ ପ୍ରାୟ ୩.୭୦ କୋଟି ଟଙ୍କା ବ୍ୟୟରେ ପ୍ରଭୁ ଶ୍ରରାମଙ୍କ ଧନୁ-ତୀର ଆକାରରେ ଏକ କାଚ ପୋଲ ନିର୍ମାଣ କରାଯାଇଛି।

ଚଳିତ ବର୍ଷ ଅନୁଷ୍ଠିତ ହେଉଥିବା ଲୋକସଭା ନିର୍ବାଚନ ପରେ ଏହି ଗ୍ଲାସ୍ ସ୍କାଏ ୱାଲ୍ ବ୍ରିଜ୍ (UP First Glass Skywalk Bridge) ପର୍ଯ୍ୟଟକଙ୍କ ପାଇଁ ଖୋଲାଯିବ। ଆଗାମୀ ସମୟରେ ଏହା ସବୁଠାରୁ ସୁନ୍ଦର ପରିବେଶ ପର୍ଯ୍ୟଟନ କେନ୍ଦ୍ରରେ (Eco Tourism Centre in UP) ପରିଣତ ହେବ। ପାର୍କ ଏବଂ ହର୍ବାଲ୍ ବଗିଚା ସହିତ ଏଠାରେ ରେସ୍ତୁରାଁ ମଧ୍ୟ ନିର୍ମାଣ କରାଯାଉଛି।

ଜଙ୍ଗଲ-ପର୍ଯ୍ୟଟନ ବିଭାଗ ପକ୍ଷରୁ ନିର୍ମିତ ହୋଇଛି କାଚ ପୋଲ
ଜଙ୍ଗଲ (UP Forest Dept) ଏବଂ ପର୍ଯ୍ୟଟନ ବିଭାଗ (UP Tourism Dept) ଦ୍ୱାରା ଗ୍ଲାସ୍ ସ୍କାଏ ୱାଲ୍ ବ୍ରିଜ୍ (Bow Arrow shape Glass Bridge of UP) ନିର୍ମାଣ କରାଯାଇଛି। ଯାହାର ନିର୍ମାଣ ଗାଜିପୁର ସ୍ଥିତ ପୱନ ସୁତ ନିର୍ମାଣକାରୀ କମ୍ପାନୀ ଦ୍ୱାରା କରାଯାଇଛି। ମରକୁଣ୍ଡି ରେଞ୍ଜ ଅଧିନରେ ଅବସ୍ଥିତ ରହିଥିବା ତୁଳସୀ ଜଳପ୍ରପାତ (Tulsi Waterfall Chitrakoot UP) ଠାରେ ଗ୍ଲାସ୍ ସ୍କାଏ ୱାଲ୍ ବ୍ରିଜ୍ ନିର୍ମିତ ହୋଇଛି। ଏହି ଜଳ ପ୍ରପାତ ପୂର୍ବରୁ ଶବରୀ ଜଳପ୍ରପାତ ନାମରେ ପରିଚିତ ରହିଥିଲା। ଗତ ବର୍ଷ ପ୍ରଭୁ ଶ୍ରୀରାମଙ୍କ ମନ୍ଦିର ସହିତ ରାଜପୁର ଗୋସ୍ୱାମୀ ତୁଳସୀ ଦାସଙ୍କ ଜନ୍ମସ୍ଥାନ ହୋଇଥିବାରୁ ଉତ୍ତର ପ୍ରଦେଶ ସରକାର ଏହାର ନାମ ତୁଳସୀ ଜଳପ୍ରପାତରେ ପରିବର୍ତ୍ତନ କରିଥିଲେ।

ଧନୁ-ତୀର ଆକାରରେ ନିର୍ମିତ ହୋଇଛି କାଚ ପୋଲ
ଧନୁ-ତୀର ଆକାରରେ ନିର୍ମିତ ହେଉଥିବା ପୋଲରେ ଖାତ ଆଡ଼କୁ ରହିଥିବା ତୀରର ଲମ୍ବ ୨୫ ମିଟର ହୋଇଥିବାବେଳେ ଦୁଇ ସ୍ତମ୍ଭ ମଧ୍ୟରେ ଧନୁର ମୋଟେଇ ୩୫ ମିଟର ରହି। ଏହି ପୋଲର ଭାର କ୍ଷମତା ବର୍ଗ ମିଟର ପ୍ରତି ୫୦୦ କିଲୋଗ୍ରାମ ହେବ। ତୁଳସୀ ଜଳ ପ୍ରପାତରେ ପଥରରୁ ତିନୋଟି ଭାଗର ଜଳ ପ୍ରବାହିତ ହୋଇଥାଏ। ପ୍ରାୟ ୪୦ ଫୁଟ ଉଚ୍ଚରେ ଏକ ପ୍ରଶସ୍ତ ଜଳ ଶଯ୍ୟାରେ ପଡ଼ି ଜଙ୍ଗଲରେ ଅଦୃଶ୍ୟ ହୋଇଯାନ୍ତି। ଏଠାକୁ ଆସୁଥିବା ପର୍ଯ୍ୟଟକ ଲୋକ ସ୍କାଏ ୱାଲ୍ ବ୍ରିଜ୍ ଉପରେ ଚାଲିବା ମାତ୍ରେ ସେମାନେ ପଥର ଏବଂ ତଳେ ଥିବା ଜଙ୍ଗଲ ଉପରେ ପାଣି ପଡୁଥିବାର ଦୃଶ୍ୟ ଦେଖିପାରିବେ।