Board Exam 2023: ଝିଅକୁ ଭୁଲ୍ ପରୀକ୍ଷା କେନ୍ଦ୍ରରେ ଛାଡି ଦେଇଥିଲେ ପିତା, ହେଲେ ପୋଲିସ୍ କଲା ଏମିତି କାମ, ଲୋକେ କହିଲେ ରିୟଲ ସିଙ୍ଗମ୍!

Gujarat Cop Takes Student To Exam Centre: ଏବେ ଚାଲିଛି  ବୋର୍ଡ  ପରୀକ୍ଷା(Board Exam 2023)  । ବୋର୍ଡ ପରୀକ୍ଷାକୁ (Exam) ନେଇ ଛାତ୍ରଛାତ୍ରୀଙ୍କ ସହ ଅଭିଭାଭକମାନେ ମଧ୍ୟ ଚିନ୍ତାରେ ଅଛନ୍ତି । କିଭଳି ପରୀକ୍ଷାରେ ନିଜ ପିଲାମାନେ ଭଲ ନମ୍ବର ଆଣିବେ ସେନେଇ ଚିନ୍ତାରେ ଅଛନ୍ତି ପିତାମାତା ।  ଅଭିଭାବକମାନେ ଠିକ୍ ସମୟରେ ପରୀକ୍ଷା କେନ୍ଦ୍ରରେ ପହଞ୍ଚିବା ପର୍ଯ୍ୟନ୍ତ ପିଲାମାନଙ୍କୁ ବୋର୍ଡ ପରୀକ୍ଷା ପାଇଁ ପ୍ରସ୍ତୁତିର ଯତ୍ନ ନେଉଛନ୍ତି। ତେବେ, ଏହାରି ଭିତରେ ଏକ ବଡ଼ ଖବର ସାମ୍ନାକୁ ଆସିଛି । ବୋର୍ଡ ପରୀକ୍ଷା(Board Exam)  ଦେଉଥିବା ଜଣେ ଛାତ୍ରୀଙ୍କୁ ତାଙ୍କ ବାପା ଭୁଲ ପରୀକ୍ଷା କେନ୍ଦ୍ରରେ ଛାଡି ଦେଇଛନ୍ତି। ଏହା ପରେ ସେ ଘାବରେଇ ଯାଇଥିଲେ ଆଉ କାନ୍ଦିଥିଲେ। ସେହି କେନ୍ଦ୍ରରେ ପୋଷ୍ଟ ହୋଇଥିବା ଜଣେ ପୋଲିସ ଅଫିସର(Gujarat Cop )ତାଙ୍କୁ ସାହାଯ୍ୟ କରିଛନ୍ତି। ଏହି ଖବର ସୋସିଆଲ ମିଡିଆରେ ଭାଇରାଲ୍‌ ହେବା ପରେ ପୋଲିସ ଅଧିକାରୀଙ୍କୁ ବହୁତ ପ୍ରଶଂସା କରାଯାଉଛି।

ତେବେ, ଏହି ଘଟଣାଟି ହେଉଛି ଗୁଜୁରାଟର । ଜଣେ ଛାତ୍ରୀଙ୍କୁ ତାଙ୍କ ବାପା ତାଙ୍କୁ ଭୁଲ୍ ପରୀକ୍ଷା କେନ୍ଦ୍ରରେ ଛାଡି ଦେଇଥିଲେ। ଯେତେବେଳେ ଝିଅଟି ସ୍କୁଲ ବୋର୍ଡରେ ତାଙ୍କ ରୋଲ୍ ନମ୍ବର ଏବଂ ସିଟ୍ ନମ୍ବର ଖୋଜି ପାଇଲେ ନାହିଁ, ସେତେବେଳେ ସେ ଜାଣିବାକୁ ପାଇଲେ ଯେ ସେ ଭୁଲ ପରୀକ୍ଷା କେନ୍ଦ୍ରରେ ପହଞ୍ଚିଛନ୍ତି। ଏହାପରେ ସେ ଡରିଯାଇ ଭୋ -ଭୋ ହୋଇ କାନ୍ଦିବାକୁ ଲାଗିଲେ। ଏହାପରେ ସେ ଜାଣିବାକୁ ପାଇଲେ ଯେ ତାଙ୍କ ପ୍ରକୃତ ପରୀକ୍ଷା କେନ୍ଦ୍ର ସେଠାରୁ ୨୦ କିଲୋମିଟର ଦୂର। ଏହା ପରେ ସେ ଭୟଭିତ ହୋଇଗଲେ କାରଣ ପରୀକ୍ଷା ଆରମ୍ଭ ହେବାକୁ ଅଧିକ ସମୟ ନଥିଲା। 

Also Read : Odisha News: ଆଜି ପବିତ୍ର ବାରୁଣୀ, ବୈତରଣୀରେ ବୁଡ଼ ପକାଇଲେ ମିଳିଥାଏ ଏହି ସବୁ ପାପରୁ ମୁକ୍ତି

Also Read : Weird News: କାର୍ କି ଘୋଡା ଗାଡି ନୁହେଁ, ଗଧ-ଗାଡିରେ ବସି ମଣ୍ତପକୁ ଗ୍ରାଣ୍ତ ଏଣ୍ଟ୍ରି ମାରିଲେ କପଲ୍

ଏହି ଖବର ଜାଣିବା ସେହି ପରୀକ୍ଷା କେନ୍ଦ୍ରରେ ପୋଷ୍ଟ୍‌ ହୋଇଥିବା ଜଣେ ପୋଲିସ୍ ତାଙ୍କୁ ଡରିବାର କାରଣ ପଚାରିଲେ। ସେ ପୋଲିସ ଅଧିକାରୀଙ୍କୁ(police officer ) କହିଥିଲେ ଯେ ତାଙ୍କ ବାପା ତାଙ୍କୁ ଭୁଲ ପରୀକ୍ଷା କେନ୍ଦ୍ରରେ ଛାଡି ଚାଲିଗଲେ। ଯେତେବେଳେ ପୋଲିସ୍ ହଲ୍ (exam centre) ଟିକେଟ୍ ଯାଞ୍ଚ କଲେ ଜାଣିବାକୁ ପାଇଲେ ଯେ ତାଙ୍କ ପରୀକ୍ଷା କେନ୍ଦ୍ର ସେଠାରୁ ୨୦ କିଲୋମିଟର(20 km ) ଦୂର। ଏହା ପରେ ସେ ବ୍ୟକ୍ତିଗତ ଭାବେ ଝିଅଟିକୁ ସଠିକ୍ ପରୀକ୍ଷା କେନ୍ଦ୍ରକୁ ଛାଡିବାକୁ ନିଷ୍ପତ୍ତି ନେଇଥିଲେ। ଠିକ୍ ସମୟରେ ପରୀକ୍ଷା କେନ୍ଦ୍ରରେ (correct exam centre)ପହଞ୍ଚିବା ପାଇଁ ସେ ପୋଲିସ୍ ଜିପ୍‌ରେ ସାଇରନ୍ ବଜାଇ ଝିଅଟିକୁ ନେଇଗଲେ। ତାଙ୍କୁ ତାଙ୍କୁ କେନ୍ଦ୍ରରେ ପହଞ୍ଚାଇଦେଲେ। ପିଲାଟି ସଠିକ୍ ପରୀକ୍ଷା କେନ୍ଦ୍ରରେ ପହଞ୍ଚିବା ମାତ୍ରେ ତାଙ୍କ ଆଖି ଖୁସି ଭରିଗଲା,ସେ ପୋଲିସ୍ କର୍ମଚାରୀଙ୍କୁ ଧନ୍ୟବାଦ ଦେଲେ। ଏହା ପରେ ସେ ଯଥା ଶୀଘ୍ର ପରୀକ୍ଷା ଦେବା ପାଇଁ ନିଜ କେନ୍ଦ୍ରରେ ଥିବା ଶ୍ରେଣୀ ଆଡକୁ ଦୌଡିଗଲେ। ତେବେ, ପୋଲିସ ବାବୁଙ୍କ ଏପରି କାର୍ଯ୍ୟକୁ ବିଭିନ୍ନ ମହଲରୁ ପ୍ରଶଂସା କରାଯାଉଛି ।  କେବଳ ସେତିକି ନୁହେଁ, ଖାକି ବାବୁଙ୍କୁ ଫଟୋ ମଧ୍ୟ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।