ବଡ଼ ଝଟକା, ବୁଡ଼ିଯିବ LIC ଟଙ୍କା!

LIC Anil Ambani: ଭାରି ଋଣ ଭାରରେ ଗ୍ରସ୍ତ ଶିଳ୍ପପତି ଅନିଲ ଅମ୍ବାନୀଙ୍କ କମ୍ପାନୀ (Anil Ambani Company) ରେ ଭାରତୀୟ ଜୀବନ ବୀମା (LIC) ର ମୋଟା ଅଙ୍କର ଅର୍ଥ ବୁଡ଼ି ଯାଇପାରେ । ରିଲାଏନ୍ସ କ୍ୟାପିଟାଲ୍ (Reliance Capital) ଉପରେ LIC ର ୩,୪୦୦ କୋଟି ଟଙ୍କାର ଋଣ ଭାର ଅଛି । କିନ୍ତୁ ଏଥିରୁ ଏଲଆଇସିକୁ କେବଳ ୭୮୨ କୋଟି ଟଙ୍କା ମିଳିପାରେ । ଅବଶିଷ୍ଟ ପରିମାଣର ଅର୍ଥ ବୁଡ଼ି ଯାଇପାରେ । ବିଜନେସ୍ ଷ୍ଟାଣ୍ଡାର୍ଡର ଏକ ରିପୋର୍ଟ ଅନୁଯାୟୀ, ଏଲଆଇସି ରିଲାଏନ୍ସ କ୍ୟାପିଟାଲ (RCAP) ରେ ନିଜର ଋଣ ବିକ୍ରୟ କରିବା ପାଇଁ ସ୍ୱିସ୍ ଚ୍ୟାଲେଞ୍ଜ (Swiss Challenge) ର ସାହାରା ନେଇଥିଲା ।​ କିନ୍ତୁ କେହି ଏହାକୁ ଗୁରୁତ୍ୱ ଦେଇ ନାହାଁନ୍ତି, ଯେଉଁ କାରଣରୁ ଷ୍ଟ୍ରେଷ୍ଡ ଏସେଟ୍ ଫର୍ମ ACRE SSGର ଏହି ଋଣ କିଣିବା ପାଇଁ ରାସ୍ତା ସଫା ହୋଇଯାଇଛି । କିନ୍ତୁ ଏଥିପାଇଁ LIC କୁ ଭାରି ମୂଲ୍ୟ ଦେବାକୁ ପଡ଼ିବ । ACRE SSG ୭୩ ପ୍ରତିଶତ ଡିସ୍କାଉଣ୍ଟ ବା ରିହାତି ସହ LIC ର ଋଣ କିଣିବାକୁ ପ୍ରସ୍ତାବ ଦେଇଛି ।

ଏଠାରେ କହି ରଖୁଛୁ ଯେ, ସ୍ୱିସ୍ ଚ୍ୟାଲେଞ୍ଜ (Swiss Challenge) ହେଉଛି ବିଡିଂର ଏକ ପଦ୍ଧତି । ଏଥିରେ ଏକ ପାର୍ଟି କୌଣସି ସମ୍ପତ୍ତି ପାଇଁ ଟେଣ୍ଡର କରେ । ଏହାର ସବିଶେଷ ତଥ୍ୟ ସାର୍ବଜନୀନ କରାଯାଏ ଓ ଅନ୍ୟ ଲୋକଙ୍କଠାରୁ ବିଡ୍ ମଗା ଯାଏ । ଯଦି କୌଣସି ପାର୍ଟି ଅଧିକ ବିଡ୍ ରଖନ୍ତି, ତେବେ ମୂଳ କଣ୍ଟ୍ରାକ୍ଟରକୁ ସମାନ ଭାବେ ବିଡ୍ ଲଗାଇବାକୁ  ସୁଯୋଗ ଦିଆଯାଏ । କିନ୍ତୁ ରିଲାଏନ୍ସ କ୍ୟାପିଟାଲ୍ କ୍ଷେତ୍ରରେ କେହି ବିଡ୍ ଲଗାଇ ନାହାଁନ୍ତି । ସୂଚନାନୁସାରେ, ପ୍ରକ୍ରିୟା ପରାମର୍ଶଦାତା IDBI ଟ୍ରଷ୍ଟିସିପ୍ LIC ରଣ ବିକ୍ରୟ ପାଇଁ କୌଣସି ବିଡ୍ ପାଇନାହିଁ । ଏଥିପାଇଁ ଟେଣ୍ଡର ଶେଷ ତାରିଖ ଶୁକ୍ରବାର ଶେଷ ହୋଇଛି । ACRE SSG ର ଅଫର ଉପରେ ଆଧାର କରି ରିଲାଏନ୍ସ କ୍ୟାପିଟାଲର ମୂଲ୍ୟ ପ୍ରାୟ ୪,୪୦୦ କୋଟି ଟଙ୍କା । ଉଭୟ LIC ଓ ACRE SSG ରିଲାଏନ୍ସ କ୍ୟାପିଟାଲର କ୍ରେଡିଟର୍ସ କମିଟିର ସଦସ୍ୟ ଅଟନ୍ତି । ACRE ର କମ୍ପାନୀ ଉପରେ ୧,୩୫୦ କୋଟି ଟଙ୍କାର ଋଣ ଅଛି । Duff & Phelps ରିଲାଏନ୍ସ କ୍ୟାପିଟାଲର ଏକ ନିରପେକ୍ଷ ମୂଲ୍ୟାଙ୍କନ କରିଛି । କିନ୍ତୁ ଆଇବିସି ନିୟମ ଅନୁଯାୟୀ, ବାଧ୍ୟତାମୂଳକ ବିଡର ଗୋଟିଏ ଦିନ ପରେ ସିଓସି ଏହାର ରିପୋର୍ଟ ପାଇବ । ଜଣେ ବ୍ୟାଙ୍କର କହିଛନ୍ତି ଯେ, ଯଦି ସ୍ୱତନ୍ତ୍ର ମୂଲ୍ୟର ଭେଲ୍ୟୁଏଶନ୍ ACRE-LIC କାରବାରଠାରୁ ଅଧିକ ରହିଥାଏ, ତେବେ LIC ର ଡେଟ୍ ସେଲର କମ୍ ଭେଲ୍ୟୁଏଶନ୍ ଉପରେ ପ୍ରଶ୍ନ କରାଯାଇପାରେ ।

ଅଧିକ ପଢ଼ନ୍ତୁ:-ଫିଫା ବିଶ୍ୱକପ ୨୦୨୨ ପାଇଁ ୪୦୦ରୁ ୫୦୦ ଶ୍ରମିକଙ୍କ ମୃତ୍ୟୁ, କାତାର ଅଧିକାରୀ କଲେ ଖୁଲାସା

ଅଧିକ ପଢ଼ନ୍ତୁ:-ସଞ୍ଜୁ ସାମସନଙ୍କୁ ଟିମ୍ ଇଣ୍ଡିଆରେ ସ୍ଥାନ ନ ମିଳିବାରୁ ରାଗିଗଲେ ଶଶି ଥରୁର, ଏହି ଖେଳାଳିଙ୍କୁ କଲେ ଟାର୍ଗେଟ

ଅଧିକ ପଢ଼ନ୍ତୁ:-BCCI ଅଧ୍ୟକ୍ଷ ରୋଜର ବିନ୍ନିଙ୍କୁ ମିଳିଲା ନୋଟିସ୍, ବୋହୂ ମୟନ୍ତୀ ଲେଙ୍ଗରଙ୍କ ସହ ଜଡ଼ିତ ମାମଲା

ରିଲାଏନ୍ସ କ୍ୟାପିଟାଲରେ ପ୍ରାୟ ୨୦ଟି ଆର୍ଥିକ ସେବା କମ୍ପାନୀ ଅଛି । ଏଥି ମଧ୍ୟରେ ସିକ୍ୟୁରିଟି ବ୍ରୋକିଂ, ବୀମା ଏବଂ ଏକ ARC ସାମିଲ ରହିଛି । ୩୦ ନଭେମ୍ବର ୨୦୨୧ରେ ଭାରତୀୟ ରିଜର୍ଭ ବ୍ୟାଙ୍କ (RBI) ଭାରି ଋଣଗ୍ରସ୍ତ ରିଲାଏନ୍ସ କ୍ୟାପିଟାଲର ବୋର୍ଡକୁ ଭଙ୍ଗ କରିଦେଇଥିଲା । ଏହା ବିରୁଦ୍ଧରେ Insolvancy Proceeding  ଆରମ୍ଭ କରିଥିଲା । କେନ୍ଦ୍ରୀୟ ବ୍ୟାଙ୍କ ନାଗେଶ୍ୱରା ରାଓଙ୍କୁ କମ୍ପାନୀର ପ୍ରଶାସକ ଭାବେ ନିଯୁକ୍ତି କରିଥିଲା । ରାଓ ବିଡରମାନଙ୍କୁ ସମଗ୍ର କମ୍ପାନୀ କିମ୍ବା ବ୍ୟକ୍ତିଗତ କମ୍ପାନୀ ପାଇଁ ବିଡ୍ କରିବାକୁ ଏକ ବିକଳ୍ପ ଦେଇଥିଲେ । ରିଲାଏନ୍ସ କ୍ୟାପିଟାଲକୁ ଅଗଷ୍ଟ ୨୯ ପର୍ଯ୍ୟନ୍ତ ବିଡ୍ କରିବାକୁ ସମୟ ଦିଆଯାଇଥିଲା ।