Smartphone Apps: ମୋବାଇଲରେ ଏସବୁ ଆପ୍ ଥିଲେ ତୁରନ୍ତ କରନ୍ତୁ ଡିଲିଟ୍, Google ଏବଂ Apple କୁ ମଧ୍ୟ ନିର୍ଦ୍ଦେଶ ଦେଇଛନ୍ତି ସରକାର

Smartphone Apps: ଆପଣ ଯଦି ସ୍ମାର୍ଟଫୋନ୍ ବ୍ୟବହାର କରନ୍ତି ତେବେ ଏହି ଖବରଟି ଆପଣଙ୍କ ପାଇଁ ଉପଯୋଗୀ। ସମସ୍ତେ ପ୍ରାୟ ବିଭିନ୍ନ ଉଦ୍ଦେଶ୍ୟରେ ସ୍ମାର୍ଟଫୋନରେ ବିଭିନ୍ନ ପ୍ରକାର ଆପ୍ ବ୍ୟବହାର କରନ୍ତି। ଭାରତ ସରକାର ବର୍ତ୍ତମାନ କିଛି ପ୍ରକାରର ଆପ୍ ପ୍ରତି କଠୋର ମନୋଭାବ ଗ୍ରହଣ କରିଛନ୍ତି। କହିରଖୁଛୁ ଯେ ଭିପିଏନ୍ ଆପ୍ ବିରୋଧରେ ସରକାର ପ୍ରମୁଖ ଆକ୍ସନ ନେଇଛନ୍ତି। ଏ ସମ୍ପର୍କରେ ସରକାର ଉଭୟ ଆପଲ ଏବଂ ଗୁଗୁଲକୁ ନିର୍ଦ୍ଦେଶ ମଧ୍ୟ ଦେଇଛନ୍ତି।

ଟେକ୍ କ୍ରଞ୍ଚର ରିପୋର୍ଟ ଅନୁଯାୟୀ ଭାରତ ସରକାରଙ୍କ ଗୃହ ମନ୍ତ୍ରଣାଳୟ ଦ୍ୱାରା ଭିପିଏନ୍ ଆପ୍ ହଟାଇବାକୁ ନିର୍ଦ୍ଦେଶ ଦିଆଯାଇଛି। ଏହି ପରିପ୍ରେକ୍ଷୀରେ ଆପଲ୍ ଏବଂ ଗୁଗୁଲକୁ ଏହି ଆପ୍ଗୁଡ଼ିକୁ ସେମାନଙ୍କ ଆପ୍ ଷ୍ଟୋରରୁ ହଟାଇବାକୁ ସରକାର ନିର୍ଦ୍ଦେଶ ଦେଇଛନ୍ତି। ରିପୋର୍ଟ ଅନୁଯାୟୀ ଆପର ଡେଭଲପର୍ସ କୁ ପଠାଯାଇଥିବା ବାର୍ତ୍ତାରେ ଆପଲ୍ ଗୃହ ମନ୍ତ୍ରଣାଳୟର ଏକ ବିଭାଗ ଭାରତୀୟ ସାଇବର କ୍ରାଇମ ସମନ୍ୱୟ କେନ୍ଦ୍ରର ଏକ “ଚାହିଦା” ବିଷୟରେ ଉଲ୍ଲେଖ କରିଛି।

ଭାରତ ସରକାରଙ୍କ ଦ୍ୱାରା ଅପସାରଣ କରିବାକୁ ନିର୍ଦ୍ଦେଶ ଦିଆଯାଇଥିବା VPN ଆପ୍ଲିକେସନ୍ ସହିତ କ୍ଲାଉଡ୍ ଫ୍ଲେୟାରର ଲୋକପ୍ରିୟ VPN ପ୍ରୟୋଗ VPN 1.1.1.1 ଏବଂ ଅନ୍ୟାନ୍ୟ ଆପ୍ ଅନ୍ତର୍ଭୁକ୍ତ। ରିପୋର୍ଟ ଅନୁଯାୟୀ ଭିପିଏନ୍ ଆପ୍ ଅପସାରଣ ପଛରେ ଆଇନଗତ ଉଲ୍ଲଂଘନ କରାଯାଉଛି। କେନ୍ଦ୍ର ସରକାର କହିଛନ୍ତି ଯେ ଡେଭଲପର୍ସ ମାନଙ୍କ କଣ୍ଟେଣ୍ଟ ଭାରତୀୟ ନିୟମକୁ ଉଲ୍ଲଂଘନ କରୁଛି।

ଭାରତରେ ଭିପିଏନ୍ ଆପ୍ ପାଇଁ କେନ୍ଦ୍ର ସରକାର ଅନେକ ନିୟମ ସ୍ଥିର କରିଛନ୍ତି। ବର୍ତ୍ତମାନ ଏହି ଆପ୍ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସରକାର ମନୋଭାବ ପୋଷଣ କରୁଥିବା ଜଣାପଡିଛି  ଯେଉଁମାନେ ଭାରତୀୟ ଆଇନ୍ ପାଳନ କରୁନାହାଁନ୍ତି। VPN ଆପ୍ଲିକେସନ୍ ପାଇଁ ସବୁଠାରୁ ବାଧ୍ୟତାମୂଳକ ନିୟମ ଥିଲା ଯେ VPN ସେବା ପ୍ରଦାନକାରୀ ଏବଂ କ୍ଲାଉଡ୍ ସେବା ଅପରେଟରମାନଙ୍କ ପାଇଁ ସେମାନଙ୍କ ଉପଭୋକ୍ତାମାନଙ୍କର ବିବରଣୀ ରେକର୍ଡ କରିବା ବାଧ୍ୟତାମୂଳକ ଥିଲା। ଏଥିରେ ଉପଭୋକ୍ତା ଆଡ୍ରେସ୍, IP ଆଡ୍ରେସ୍ ଏବଂ ପାଞ୍ଚ ବର୍ଷ ପର୍ଯ୍ୟନ୍ତ ଟ୍ରେନ୍ଜେକ୍ସନ ହିଷ୍ଟ୍ରିର ରେକର୍ଡ ରଖାଯିବ।

Also read: Ambulance in 10 minutes: ୧୦ ମିନିଟରେ ଆପଣଙ୍କ ଘରେ ପହଞ୍ଚିବ ଆମ୍ବୁଲାନ୍ସ, Blinkit ଲଞ୍ଚ କଲା ନୂଆ ସେବା