Government Employees Retirement Age Hike: ସରକାରୀ କର୍ମଚାରୀଙ୍କ ପାଇଁ ବଡ଼ ଖୁସି ଖବର, ଅବସର ବୟସରେ ୨ ବର୍ଷର ବୃଦ୍ଧି

Government Employees Retirement Age Hike: ଚଣ୍ଡିଗଡ଼ (Chandigarh) ସହରର ୨୦,୦୦୦ରୁ ଅଧିକ ସରକାରୀ କର୍ମଚାରୀ (Central Government Employees) ଙ୍କ ପାଇଁ ଏକ ଖୁସି ଖବର ଅଛି । UT ପ୍ରଶାସକ ବନୱାରିଲାଲ ପୁରୋହିତ ଚଣ୍ଡିଗଡ଼ରେ କେନ୍ଦ୍ରୀୟ ସେବା ନିୟମ  (Central Service Rules) କୁ ଲାଗୁ କରିଛନ୍ତି । ସୂଚନା ଅନୁଯାୟୀ, ଏହି ବିଜ୍ଞପ୍ତି ପ୍ରକାଶ ପାଇବା ପରେ ସରକାରୀ କର୍ମଚାରୀଙ୍କ ଅବସର ବୟସ ବର୍ତ୍ତମାନ ୬୦ ବର୍ଷ ହେବ (Government Employees Retirement Age Hike) । ଶିକ୍ଷକମାନଙ୍କୁ ଯାତ୍ରା କରିବା ପାଇଁ ମାସିକ ୪ ହଜାର ପର୍ଯ୍ୟନ୍ତ ଭତ୍ତା ମିଳିବ । ଏହାସହ ପ୍ରାୟ ପେ-ସ୍କେଲ ଓ ମହଙ୍ଗା ଭତ୍ତା କେନ୍ଦ୍ର କର୍ମଚାରୀଙ୍କ ସହ ପାଇବେ । ବିଦ୍ୟାଳୟଗୁଡ଼ିକରେ ବର୍ତ୍ତମାନ ଡେପୁଟି ପ୍ରିନ୍ସିପାଲ୍ ପଦବୀ ରହିବ, ବରିଷ୍ଠତା ଆଧାରରେ ନିଯୁକ୍ତି କରାଯିବ । ମହିଳା କର୍ମଚାରୀମାନେ ଶିଶୁ ଯତ୍ନ ପାଇଁ ଦୁଇ ବର୍ଷ ଛୁଟି ପାଇବେ । ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଦୁଇ ପିଲାଙ୍କ ଅଭିଭାବକଙ୍କୁ ଶିକ୍ଷା ଭତ୍ତା ମିଳିବ ।

ଏହି ବିଜ୍ଞପ୍ତି UT କର୍ମଚାରୀଙ୍କ ବେତନ ସ୍କେଲ୍ ଓ ସେବା ସର୍ତ୍ତରେ ମଧ୍ୟ ପରିବର୍ତ୍ତନ କରିବ । ବିଭିନ୍ନ ଗ୍ରେଡ୍ ପାଇଁ ଦେୟ ସାରଣୀ ନିର୍ଦ୍ଦିଷ୍ଟ ରହିଛି । ଯେମିତିକି ଗୃହ ମନ୍ତ୍ରଣାଳୟ ଗତ ବର୍ଷ ମାର୍ଚ୍ଚ ୨୯,୨୦୨୨ରେ ଚଣ୍ଡିଗଡ଼ କର୍ମଚାରୀ (ସେବା ସର୍ତ୍ତ) ନିୟମ, ୨୦୨୨କୁ ଅଧିସୂଚିତ କରିଥିଲା । ଏହାସହ ପଞ୍ଜାବ ସେବା ନିୟମକୁ କେନ୍ଦ୍ରୀୟ ସେବା ନିୟମ ସହିତ ବଦଳାଇ ଦିଆଯାଇଥିଲା । ବିଜ୍ଞପ୍ତି ଅନୁଯାୟୀ କର୍ମଚାରୀମାନେ ବକେୟା ପାଇବାକୁ ହକଦାର୍ ହେବେ । କେବଳ ଏତିକି ନୁହେଁ, କେନ୍ଦ୍ରୀୟ ସେବା ନିୟମ ପ୍ରଣୟନ ହେବା ସହିତ ଅବସର ବୟସ ମଧ୍ୟ ୨୦୨୨ରୁ ୫୮ ବର୍ଷରୁ ୬୦ ବର୍ଷକୁ ବୃଦ୍ଧି କରାଯାଇଛି ।

କେନ୍ଦ୍ର ସେବା ନିୟମ ଲାଗୁ ହେବା ସହିତ କର୍ମଚାରୀଙ୍କ ଦରମା ମାପ କେନ୍ଦ୍ର ସରକାରଙ୍କ ନିୟମ ଅନୁଯାୟୀ ହେବ, ଯାହା ବର୍ତ୍ତମାନ ପଞ୍ଜାବ ସରକାରୀ କର୍ମଚାରୀଙ୍କ ସମ୍ପୃକ୍ତ ବର୍ଗ ସହିତ ଅନୁରୂପ ଥିଲା । ବର୍ତ୍ତମାନ ଏହା ରାଷ୍ଟ୍ରପତିଙ୍କ କେନ୍ଦ୍ରୀୟ ସିଭିଲ୍ ସର୍ଭିସେସରେ ସମ୍ପୃକ୍ତ ସେବା ଓ ପଦବୀରେ ନିଯୁକ୍ତ ବ୍ୟକ୍ତିଙ୍କ ସେବା ସର୍ତ୍ତ ସହିତ ସମାନ ହେବ । ଏହାସହ ସମାନ ନିୟମ ଓ ନିର୍ଦ୍ଦେଶ ଦ୍ୱାରା ପରିଚାଳିତ ହେବ । ଏହି ନିୟମ କେନ୍ଦ୍ର ଶାସିତ ଅଞ୍ଚଳ ଚଣ୍ଡିଗଡ଼ କ୍ଷେତ୍ରରେ କାର୍ଯ୍ୟରତ ଅଲ୍ ଇଣ୍ଡିଆ ସର୍ଭିସେସ୍ ସଦସ୍ୟ, ପଞ୍ଜାବ ଏବଂ ହରିୟାଣା ହାଇକୋର୍ଟର କର୍ମଚାରୀ, UT ଚଣ୍ଡିଗଡ଼ର ପୂର୍ଣ୍ଣକାଳୀନ ଚାକିରିରେ ନଥିବା ବ୍ୟକ୍ତି, କଣ୍ଟିଜେନ୍ସିରୁ ଦରମା ପ୍ରାପ୍ତ ବ୍ୟକ୍ତିଙ୍କ ପାଇଁ ଏହି ନିୟମ ପ୍ରଯୁଜ୍ୟ ହେବ ନାହିଁ । ଇଞ୍ଜିନିୟରିଂ ବିଭାଗର ଇଲେକ୍ଟ୍ରିକାଲ୍ ୱିଙ୍ଗ୍ ଯାହାର ବେତନ ସ୍କେଲ୍ ବର୍ତ୍ତମାନ ପଞ୍ଜାବ ଷ୍ଟେଟ୍ ପାୱାର୍ କର୍ପୋରେସନ୍ ଲିମିଟେଡ୍ ରେଗୁଲେସନ୍, ୨୦୨୧ ଦ୍ୱାରା ପରିଚାଳିତ । ଚଣ୍ଡିଗଡ଼ର ଇଞ୍ଜିନିୟରିଂ ବିଭାଗର ଇଲେକ୍ଟ୍ରିକାଲ୍ ୱିଙ୍ଗ୍ ସମ୍ବନ୍ଧରେ ଏକ ପୃଥକ ବିଜ୍ଞପ୍ତି ଜାରି କରାଯିବ ବୋଲି ସୂଚନା ଦିଆଯାଇଛି ।

ଅଧିକ ପଢ଼ନ୍ତୁ-IPL ମଝିରେ କ୍ରିକେଟ୍ ଜଗତରେ ଶୋକର ଛାୟା, ଏହି ଭେଟେରାନ୍ ଖେଳାଳିଙ୍କ ନିଧନ

ଅଧିକ ପଢ଼ନ୍ତୁ-ଏପ୍ରିଲରେ ହେବ ୪ଟି ବଡ଼ ଗ୍ରହର ରାଶି ପରିବର୍ତ୍ତନ; ଏହି ୫ଟି ରାଶିର ଲୋକଙ୍କ ଲାଗିବ ଲଟେରୀ, ଧନ ଲାଭର ରହିଛି ଯୋଗ

ଅଧିକ ପଢ଼ନ୍ତୁ:-ପଞ୍ଜାବଠୁ ହାରିବା ପରେ KKRକୁ ମିଳିଲା ଆଉ ଏକ ଖରାପ ଖବର, ପୂରା ସିଜନରେ ଖେଳିବେନି ଏହି ୨ ବଡ଼ ମ୍ୟାଚ୍ ୱିନର!

ସୂଚନାଯୋଗ୍ୟ, ପଞ୍ଜାବରେ AAP ସରକାର ଗଠନର ପ୍ରାୟ ୧୪ ଦିନ ପରେ ଗୃହମନ୍ତ୍ରୀ ଅମିତ ଶାହ ଚଣ୍ଡିଗଡ଼ରେ କେନ୍ଦ୍ର ସେବା ନିୟମ ଲାଗୁ କରିବାକୁ ଘୋଷଣା କରିଥିଲେ । ଯଦିଓ ଏହାକୁ ପଞ୍ଜାବରେ ଦୃଢ଼ ବିରୋଧ କରାଯାଇଥିଲା । ଲୋକସଭାରେ ପଞ୍ଜାବର ବହୁ ସାଂସଦ ବିଜ୍ଞପ୍ତି ପ୍ରକାଶ ନକରିବାକୁ ଦାବି କରିଥିଲେ ।