ରାହୁଲ ଗାନ୍ଧିଙ୍କ ବଡ଼ ଫ୍ୟାନ: ଶୁଣାଇଲେ ନନଷ୍ଟପ୍ ସାୟରୀ

Rahul Gandhi Fan: ଗତ ୨ଦିନ ତଳେ କଂଗ୍ରେସ ନେତା ରାହୁଲ ଗାନ୍ଧୀ ନିଜର ୫୩ ତମ ଜନ୍ମଦିନ (Birthday) ପାଳନ କରିଥିଲେ । ଏହି ଅବସରରେ ଅନେକ ନେତା ଓ ଫ୍ୟାନ୍ସମାନେ ରାହୁଲଙ୍କୁ ଶୁଭେଚ୍ଛା ଜଣାଇଥିଲେ । କିଛି ବ୍ୟକ୍ତି ସୋସିଆଲ ମିଡିଆ (Social media)ରେ ଶୁଭେଚ୍ଛା ଦେଇଥିବାବେଳେ ଆଉ କିଛି ବ୍ୟକ୍ତି ବିଶେଷ ବ୍ୟକ୍ତିଗତ ଭାବରେ ସାକ୍ଷାତ କରି ରାହୁଲଙ୍କୁ ଶୁଭେଚ୍ଛା ବାର୍ତ୍ତା ଦେଇଥିଲେ । ରାହୁଲଙ୍କ ଜନ୍ମ ଦିବସରେ ପ୍ରଶଂସକମାନଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି । ଯାହାକୁ ନେଇ ଅନେକ ଚର୍ଚ୍ଚା ଆଲୋଚନା ମଧ୍ୟ ଲାଗି ରହିଛି । କାରଣ ଭିଡିଓରେ ରାହୁଲଙ୍କର ଜଣେ ପ୍ରଶଂସକ ତାଙ୍କ ପାଇଁ ଶୁଭ ମନାସି ଅନେକ ସାୟରୀ ଲଗାତାର ଭାବରେ ଗଣମାଧ୍ୟମ ସାମ୍ନାରେ କହିଛନ୍ତି ।

ଦେଖନ୍ତୁ ଭିଡିଓ- 

हमें आप पर गर्व है #RaGapic.twitter.com/t60c1k4GPb

— Vinay Krishna (@imvinay11421) June 21, 2023

ସଜ୍ ଧଜ୍ କେ ନିକଲେ ହେଁ ୟାର କି ପିଛେ, କାର୍ ହମନେ ଲଗାଦିଆ ରାହୁଲ୍ ତେରି କାର୍ କି ପିଛେ । ଫଲକ କୋ ଜହାଁ ଜିଲ୍ଦ ହେ ଜହାଁ ବିଜଲିୟା ଗିରାନେ କି, ହମେ ବି ଜିଦ୍ ହେ ରାହୁଲ୍ ତୁଝେ ପ୍ରଧାନମନ୍ତ୍ରୀ ବନାନେ କି... ଚାହ ପେସ୍ କରୁଁ ସାଂସ୍ ପେସ୍ କରୁ, ଏ ହିନ୍ଦ କି ସେର ମେଁ ତୁଝେ କ୍ୟା ପେସ୍ କରୁଁ ,
ବହତ ଘମଣ୍ଡ୍ ତା ସଡ଼କ ତୁଝେ ଲମ୍ୱି ହୋନେ କା, ମେରେ ଏକ ହିନ୍ଦ୍ କି ସେର ମେ ତୁଝେ ଆପନି ପାଓଁ ସେ ଖୁନ୍ଦ କର ରଖ ଦିଆ । ଏପରି କିଛି ସାୟରୀ କହି ସୋସିଆଲ ମିଡିଆରେ ଷ୍ଟାର୍ ବନିଛନ୍ତି ରାହୁଲଙ୍କର ଏହି ଫ୍ୟାନ୍ ଜଣକ । କେବଳ ଜଣେ ଏହି ଫ୍ୟାନ ନୁହଁନ୍ତି ଅନ୍ୟ ଜଣେ ଫ୍ୟାନ ମଧ୍ୟ ରାହୁଲଙ୍କ ଉଦ୍ଦେଶ୍ୟରେ ଏହା କହିଛନ୍ତି ଯେ, ଆମେ ରାହୁଲଙ୍କ ପାଇଁ ଜୀବନ ପର୍ଯ୍ୟନ୍ତ ଦେବାକୁ ପ୍ରସ୍ତୁତ । କେବଳ ସେତିକି ନୁହେଁ ରାହୁଲ ଜିନ୍ଦାବାଦ ଜିନ୍ଦାବାଦ ନାମରେ ପ୍ରକମ୍ପିତ ହେଉଥିଲା ରାହୁଲଙ୍କ ବାସ ଭବନ । 

ଅନ୍ୟପଟେ ରାହୁଲ ଗାନ୍ଧୀଙ୍କୁ ପ୍ରଶଂସା କରିବା ସହ ଜନ୍ମଦିନର ଶୁଭେଚ୍ଛା ଜଣାଇଛନ୍ତି କଂଗ୍ରେସ ସଭାପତି ମଲ୍ଲିକାର୍ଜୁନ ଖର୍ଗେ (mallikarjun kharge)। ସେ ଟୁଇଟ୍ କରି ଲେକିଛନ୍ତି ଯେ,  ରାହୁଲ ଗାନ୍ଧୀ ଜୀଙ୍କୁ ଜନ୍ମଦିନର ହାର୍ଦ୍ଧିକ ଶୁଭେଚ୍ଛା । ସାମ୍ୱିଧାନିକ ମୂଲ୍ୟବୋଧ ପ୍ରତି ତୁମର ଅଦମ୍ୟ ପ୍ରତିବଦ୍ଧତା ଏବଂ ପ୍ରତିକୂଳ ପରିସ୍ଥିତିରେ ତୁମର ସାହସ ପ୍ରଶଂସନୀୟ । ଦୟା ଏବଂ ସୌହାର୍ଦ୍ଦ୍ୟର ବାର୍ତ୍ତା ବିସ୍ତାର କରିବାବେଳେ ତୁମେ କ୍ଷମତାର ସତ୍ୟ । ଏମିତି ଭଲ କାର୍ଯ୍ୟ ଜାରି ରଖନ୍ତୁ ଏବଂ ଲକ୍ଷ ଲକ୍ଷ ଭାରତୀୟଙ୍କ ସ୍ୱର ହୁଅନ୍ତୁ ବୋଲି ସେ କହିଛନ୍ତି ।

ରାହୁଲ ଗାନ୍ଧୀଙ୍କ ରାଜନୈତିକ ଯାତ୍ରା
୨୦୦୪ ମସିହାରେ ରାହୁଲ ଗାନ୍ଧୀ ପ୍ରଥମ ଥର ପାଇଁ ତାଙ୍କ ପିତା ରାଜୀବ ଗାନ୍ଧୀଙ୍କ ଆସନ ଅମେଥିରୁ ଲୋକସଭା ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିଥିଲେ । ଉକ୍ତ ନିର୍ବାଚନରେ ​​ରାହୁଲ ଗାନ୍ଧୀ ଏକ ଲକ୍ଷରୁ ଅଧିକ ଭୋଟ୍ ବ୍ୟବଧାନରେ ଜିତିଥିଲେ। ଏହା ପରେ, ୨୦୦୭ ମସିହାରେ ରାହୁଲ ଗାନ୍ଧୀଙ୍କୁ ଦଳ ପକ୍ଷରୁ ଏକ ବଡ଼ ଦାୟିତ୍ୱ ଦିଆଯାଇଥିଲା। କଂଗ୍ରେସର ସାଧାରଣ ସମ୍ପାଦକ ଭାବରେ କାର୍ଯ୍ୟ କରିବାକୁ ଦାୟିତ୍ୱ ଦିଆଯାଇଥିଲା । ଏହା ସହିତ ତାଙ୍କୁ ଭାରତୀୟ ଯୁବ କଂଗ୍ରେସର ସାଧାରଣ ସମ୍ପାଦକ ତଥା କଂଗ୍ରେସର ଛାତ୍ର ସଂଗଠନ ଏନଏସୟୁଇ ଦାୟିତ୍ୱ ନେବାକୁ ଦିଆଯାଇଥିଲା । ୨୦୦୯ ମସିହା ସାଧାରଣ ନିର୍ବାଚନରେ ​​ରାହୁଲ ଗାନ୍ଧୀ ଆମେଥୀରୁ ଦ୍ୱିତୀୟ ଥର ପାଇଁ ଲୋକସଭା ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିଥିଲେ । ଏହି ନିର୍ବାଚନରେ ​​ସେ ବିପୁଳ ବ୍ୟବଧାନରେ ଜିତିବା ସହ ସଂସଦରେ ପହଞ୍ଚିଥିଲେ । ସବୁଠାରୁ ବଡ କଥା ହେଉଛି ୨୦୦୯ ମସିହା ସାଧାରଣ ନିର୍ବାଚନରେ ​​କଂଗ୍ରେସ ଉତ୍ତରପ୍ରଦେଶରେ ୨୧ ଟି ଲୋକସଭା ଆସନ ଜିତିବାରେ ସକ୍ଷମ ହୋଇଥିଲା । ଏହାର ସମସ୍ତ ଶ୍ରେୟ ରାହୁଲ ଗାନ୍ଧିଙ୍କୁ ଦିଆଯାଇଥିଲା । ୨୦୦୯ ଲୋକସଭା ନିର୍ବାଚନରେ ​​ଜିତିବା ପରେ, ୟୁପିଏ ପୁଣିଥରେ ୨୦୦୯ ରେ କେନ୍ଦ୍ରରେ ସରକାର ଗଠନ କରିଥିଲା । ଏହା ସହିତ ରାହୁଲ ଗାନ୍ଧୀଙ୍କୁ ମାନବ ସମ୍ବଳ ବିକାଶ ଉପରେ ସ୍ଥାୟୀ କମିଟିର ସଦସ୍ୟ ଭାବେ ନିଯୁକ୍ତି ଦିଆଯାଇଥିଲା ।

୨୦୧୧ ମସିହାରେ, ଉତ୍ତରପ୍ରଦେଶରେ ଭଟ୍ଟ ପାର୍ସଲ ଆନ୍ଦୋଳନ ଚାଲିଥିଲା । ସେତେବେଳେ ୟୁପିରେ ମାୟାବତୀ ସରକାର ଏବଂ କେନ୍ଦ୍ରରେ ମନମୋହନ ସିଂଙ୍କ ସରକାର ଥିଲା । ରାଜପଥ ପ୍ରକଳ୍ପ ନିମନ୍ତେ ଜମି ଅଧିଗ୍ରହଣ ପାଇଁ ଅଧିକ କ୍ଷତିପୂରଣ ଦାବିରେ ଲୋକମାନେ ବିରୋଧ କରିଥିଲେ। ରାହୁଲ ଗାନ୍ଧୀ ଆନ୍ଦୋଳନକାରୀଙ୍କ କଥାକୁ ସମର୍ଥନ କରିଥିଲେ ଏବଂ ନିଜେ ମଧ୍ୟ ସେ ସ୍ଥାନରେ ପହଞ୍ଚିଥିଲେ। ଏହି ସମୟରେ ଉତ୍ତର ପ୍ରଦେଶ ପୋଲିସ (UP Police) ମଧ୍ୟ ରାହୁଲ ଗାନ୍ଧୀଙ୍କୁ ଗିରଫ କରିଥିଲା। ଅନେକ ରାଜନେତା ସେହି ସମୟରେ ପ୍ରତିକ୍ରିୟା ଦେଇ କହିଥିଲେ ଯେ, ରାହୁଲ ବଡ଼ ଭୁଲ୍ କରିଛନ୍ତି । ଏହା ପରେ ପର ୨୦୧୩ ମସିହାରେ ରାହୁଲ ଗାନ୍ଧୀଙ୍କୁ କଂଗ୍ରେସର ଉପାଧ୍ୟକ୍ଷ ପଦରେ ନିଯୁକ୍ତ କରାଯାଇଥିଲା । ୨୦୧୪ରେ ଲୋକସଭା ନିର୍ବାଚନ ଅନୁଷ୍ଠିତ ହୋଇଥିଲା । 

ଆମେଥୀରୁ ପରାଜୟର ସମ୍ମୁଖୀନ ହୋଇଥିଲେ - ୨୦୧୮ ମସିହାରେ ସେ କଂଗ୍ରେସର ସଭାପତି ଭାବରେ ନିର୍ବାଚିତ ହୋଇଥିଲେ ରାହୁଲ ଗାନ୍ଧୀ । ବର୍ଷେ ପରେ, ୨୦୧୯ରେ, ସାଧାରଣ ନିର୍ବାଚନରେ ​​କଂଗ୍ରେସ ଖରାପ ଭାବରେ ହାରିଥିଲା । ଦଳର ପରାଜୟ ଘଟିବା ପରେ ରାହୁଲ ଗାନ୍ଧୀ କଂଗ୍ରେସ ସଭାପତି ପଦରୁ ଇସ୍ତଫା ଦେଇଥିଲେ । ୨୦୧୯ ସାଧାରଣ ନିର୍ବାଚନରେ ​​ପୁଣିଥରେ ରାହୁଲ ଗାନ୍ଧୀଙ୍କ ସାମ୍ନାରେ ବିଜେପି ସ୍ମୃତି ଇରାନୀଙ୍କୁ ମୌକା ଦେଇଥିଲା । କିନ୍ତୁ ରାହୁଲ ଗାନ୍ଧୀଙ୍କୁ ପରାଜୟର ସାମ୍ନା କରିବାକୁ ପଡିଲା। ଏହାସହ ରାହୁଲ ଗାନ୍ଧୀ କେରଳର ୱାୟାନାଡ ଆସନରୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ। ଏଠାରୁ ସେ ଜିତିବାରେ ସଫଳ ହୋଇଥିଲେ ।

Also read- ପୁଣି ଭାଇରାଲ ହେଲା ଖୁଲମଖୁଲା କିସ୍ ସିନ୍