Asteroid Alert! ପୃଥିବୀ ଆଡକୁ ଦ୍ରୁତ ଗତିରେ ମାଡି ଆସୁଛି ବିଶାଳ ଆଷ୍ଟେରଏଡ୍

NASA Alert on Asteroid YH3: ମହାକାଶରୁ ୨୯୦ ଫୁଟର ଏକ ବିଶାଳ ଗ୍ରହ ପୃଥିବୀ ଆଡକୁ ବହୁତ ଦ୍ରୁତ ଗତିରେ ମାଡି ଆସୁଛି । ଆମେରିକାର ସ୍ପେସ୍ ଏଜେନ୍ସି ନାସା ଏ ବିଷୟରେ ସତର୍କ କରାଇଛି । ତେବେ ନାସା ଏହା ମଧ୍ୟ କହିଛି ଯେ ଏହି ମେଟେରାଇଟ୍ ରୁ ପୃଥିବୀ ପାଇଁ କୌଣସି ବିପଦ ନାହିଁ, କାରଣ ଏହା ପୃଥିବୀର ପାଖ ଦେଇ ଚାଲିଯିବ । 

ନାସାର ଜେଟ୍ ପ୍ରପୁଲସନ୍ ଲାବୋରେଟୋରୀ (JPL) ଏହା ମଧ୍ୟ କହିଛି ଯେ ଏହି ୨୯୦ ଫୁଟ ବଡ଼ ଆଷ୍ଟେରଏଡକୁ 2022 ରେ YH3 ନାମ ଦିଆଯାଇଛି । ଏହି ଗ୍ରହ ଗ୍ରହ ପୃଥିବୀ ଆଡକୁ ୫୮୫୭୨ କିଲୋମିଟର ବେଗରେ କିମ୍ବା ପ୍ରତି ସେକେଣ୍ଡରେ ୧୬.୨୬ କିଲୋମିଟର ଗତି କରୁଛି । ଯଦିଓ, ଭୟଭୀତ ହେବାର କିଛି ନାହିଁ, କାରଣ ଏହି YH3 ଆଷ୍ଟେରଏଡ୍ ଆଜି  ଅର୍ଥାତ ୧୪ ଜାନୁୟାରୀ ୨୦୨୩ ରେ ପୃଥିବୀ ଠାରୁ ପ୍ରାୟ ୭୨ ଲକ୍ଷ କିଲୋମିଟର ଦୂରତ୍ୱ ଦେଇ ଚାଲିଯିବ ।

ଏହି ଆଷ୍ଟେରଏଡ୍ 2022 YH3 ବ୍ୟତୀତ, ନାସା JPL 2014 LJ ନାମକ ଅନ୍ୟ ଏକ ଗ୍ରହ ବିଷୟରେ ରିପୋର୍ଟ କରିଛି । ଏହି ଆଷ୍ଟେରଏଡ୍ 2014 LJ ହେଉଛି ୨୨ ଫୁଟ, ଅର୍ଥାତ୍ ଏକ ବସ୍ ଆକାରର । ଏହା ଘଣ୍ଟା ପ୍ରତି ୧୨,୫୨୮ କିଲୋମିଟର ବେଗରେ ଗତି କରୁଛି ଓ ଏହି ଗ୍ରହ ପୃଥିବୀଠାରୁ ପ୍ରାୟ ୧୮ ଲକ୍ଷ ୨୦ ହଜାର କିଲୋମିଟର ଦୂରତା ଦେଇ ଗତି କରିବ ।

ଆଷ୍ଟ୍ରୋଏଡକୁ ବେଳେବେଳେ ଛୋଟ ଗ୍ରହ ମଧ୍ୟ କୁହାଯାଏ । ସେଗୁଡିକ ହେଉଛି ୪.୬ ବିଲିୟନ ବର୍ଷ ପୂର୍ବେ ଆମର ସୌର ପ୍ରଣାଳୀର ପ୍ରାରମ୍ଭିକ ଗଠନରୁ ଅବଶିଷ୍ଟ ପଥର, ବାୟୁହୀନ ଅବଶିଷ୍ଟାଂଶ । ଏଥିମଧ୍ୟରୁ କିଛି ଆକାରରେ ବହୁତ ବଡ (ବ୍ୟାସ ୫୩୦ କିଲୋମିଟର) ଓ ଅନ୍ୟଗୁଡ଼ିକ ତୁଳନାତ୍ମକ ଭାବରେ ଛୋଟ (୩୩ ଫୁଟ କିମ୍ବା ୧୦ ମିଟରରୁ କମ୍) । ନାସା ଅନୁଯାୟୀ, ଏପର୍ଯ୍ୟନ୍ତ ୧୧ ଲକ୍ଷରୁ ଅଧିକ ଆଷ୍ଟେରଏଡ ବିଷୟରେ ସୂଚନା ଗ୍ରହଣ କରାଯାଇଛି । ଆମ ପୃଥିବୀର ମାଧ୍ୟାକର୍ଷଣ ଶକ୍ତି ଥିବା ଯୋଗୁଁ, ଏହା ଅନେକ ଗ୍ରହକୁ ନିଜ ଆଡକୁ ଟାଣି ଆଣେ ।

ଏଥିମଧ୍ୟରୁ କିଛି ବାୟୁମଣ୍ଡଳୀୟ ଘର୍ଷଣ ଯୋଗୁଁ ମହାକାଶରେ ଛୋଟ ଆକାରର ଆଷ୍ଟେରଏଡ ଜଳିଯାଏ, କିନ୍ତୁ ଏହି ବୃହତ ଆକାରର କେତେକ ଗ୍ରହ ପୃଥିବୀ ପୃଷ୍ଠରେ ପହଞ୍ଚେ । ପୃଥିବୀରେ ଏକ ବିରାଟ ଗ୍ରହର ଧକ୍କା ଅତ୍ୟନ୍ତ ବିପଜ୍ଜନକ ହୋଇପାରେ ।

ଏହା ବି ପଢ଼ନ୍ତୁ: Nitin Gadkari: କେନ୍ଦ୍ର ମନ୍ତ୍ରୀ ନିତିନ ଗଡକରୀଙ୍କୁ ହତ୍ୟା ଧମକ, ଦାଉଦଙ୍କ ନାମରେ ଆସିଛି ତିନିଟି କଲ୍

ଏହା ବି ପଢ଼ନ୍ତୁ: Prithvi Shaw New Girlfriend: ଏହି ସୁନ୍ଦରୀ ଅଭିନେତ୍ରୀଙ୍କୁ ଡେଟ୍ କରୁଛନ୍ତି ପୃଥ୍ୱୀ ଶ', ନିଜେ କଲେ କନଫର୍ମ!

ଏହା ବି ପଢ଼ନ୍ତୁ: Team India: କେବଳ ରାହୁଲ ନୁହଁନ୍ତି, ଟିମ୍ ଇଣ୍ଡିଆର ଏହି ଷ୍ଟାର ଅଲରାଉଣ୍ଡର ମଧ୍ୟ ହେବାକୁ ଯାଉଛନ୍ତି ବର, BCCI ଦେଲା ଛୁଟି