8th Pay Commission: ୧ କୋଟି କେନ୍ଦ୍ରୀୟ କର୍ମଚାରୀଙ୍କ ପାଇଁ ଖୁସି ଖବର, ଅଷ୍ଟମ ବେତନ କମିଶନକୁ ଅନୁମୋଦନ କଲେ ସରକାର, ଏହି ତାରିଖରୁ ଲାଗୁ ହେବ

8th Pay Commission: ଦେଶର ୧ କୋଟି କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ଏକ ବଡ଼ ଖବର। ପ୍ରଧାନମନ୍ତ୍ରୀ ୮ମ କେନ୍ଦ୍ରୀୟ ବେତନ କମିଶନକୁ ଅନୁମୋଦନ କରିଛନ୍ତି। କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ ଏହାର ସୂଚନା ଦେଇଛନ୍ତି। ଏହି କମିଶନ କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ସାଲାରି ଷ୍ଟ୍ରକ୍ଚର ଉପରେ ନିଷ୍ପତ୍ତି ନେବ। ଅଷ୍ଟମ ବେତନ କମିଶନ ଆସିବା ସହିତ ସମସ୍ତ କେନ୍ଦ୍ର ସରକାରୀ କର୍ମଚାରୀଙ୍କ ଦରମା ଏବଂ ପେନସନଭୋଗୀଙ୍କ ପେନସନ ବୃଦ୍ଧି ପାଇବ। କର୍ମଚାରୀ, ପେନସନଭୋଗୀ ଏବଂ ଟ୍ରେଡ ୟୁନିଅନଗୁଡ଼ିକ ଦୀର୍ଘ ଦିନ ଧରି ଅଷ୍ଟମ ବେତନ କମିଶନର ଘୋଷଣାକୁ ଅପେକ୍ଷା କରିଥିଲେ। ଆସନ୍ତା ସପ୍ତାହରେ ଉପସ୍ଥାପିତ ହେବାକୁ ଥିବା କେନ୍ଦ୍ରୀୟ ବଜେଟରେ ଏ ସମ୍ପର୍କିତ ଗୁରୁତ୍ୱପୂର୍ଣ୍ଣ ସୂଚନା ପ୍ରକାଶ ପାଇବ ବୋଲି ଆଶା କରାଯାଉଛି।

ଶ୍ରମିକ ସଂଗଠନଗୁଡ଼ିକର ବର୍ଦ୍ଧିତ ଚାପ ଯୋଗୁଁ ସରକାର ସେମାନଙ୍କୁ ଖୁସି କରିଛନ୍ତି। ପରବର୍ତ୍ତୀ ବେତନ କମିଶନ ଗଠନ ସମ୍ପର୍କରେ ନିଷ୍ପତ୍ତି ନିଆଯାଇଛି। ପ୍ରଧାନମନ୍ତ୍ରୀ ମୋଦି ଏହାକୁ ଅନୁମୋଦନ କରିଛନ୍ତି। ଏପର୍ଯ୍ୟନ୍ତ ଅଷ୍ଟମ ବେତନ କମିଶନ ସମ୍ପର୍କରେ ଅନିଶ୍ଚିତତା ଥିଲା। ସପ୍ତମ ବେତନ କମିଶନ ପରେ ଏବେ ପରବର୍ତ୍ତୀ ବେତନ କମିଶନ ପାଇଁ ପ୍ରସ୍ତୁତି ଚାଲିଛି। ସରକାର ମଧ୍ୟ ଏହାକୁ ନିଶ୍ଚିତ କରିଛନ୍ତି।

#WATCH | Delhi: Union Minister Ashwini Vaishnaw says, "Prime Minister has approved the 8th Central Pay Commission for all employees of Central Government..." pic.twitter.com/lrVUD25hFu

— ANI (@ANI) January 16, 2025

ଅଷ୍ଟମ ବେତନ କମିଶନ ଗଠନକୁ ଅନୁମୋଦନ କରାଯାଇଛି। ଏବେ ଏହା ୨୦୨୬ ପୂର୍ବରୁ ଗଠିତ ହେବ। ସପ୍ତମ ବେତନ କମିଶନର କାର୍ଯ୍ୟକାଳ ଶେଷ ହେବା ପରେ ଏହାର ସୁପାରିଶଗୁଡ଼ିକ କାର୍ଯ୍ୟକାରୀ ହେବ। ବିଶେଷଜ୍ଞଙ୍କ ମତରେ ଯଦି ଏହା ହୁଏ ତେବେ କେନ୍ଦ୍ରୀୟ କର୍ମଚାରୀଙ୍କ ଦରମାରେ ଏକ ବଡ଼ ବୃଦ୍ଧି ହେବାର ସମ୍ଭାବନା ରହିଛି। ସପ୍ତମ ବେତନ କମିଶନ ତୁଳନାରେ ଅଷ୍ଟମ ବେତନ କମିଶନରେ ଅନେକ ପରିବର୍ତ୍ତନ ସମ୍ଭବ। ଫିଟମେଣ୍ଟ ଫ୍ୟାକ୍ଟର ସମ୍ପର୍କରେ ମଧ୍ୟ କିଛି ପରିବର୍ତ୍ତନ ହୋଇପାରେ। ଆପଣଙ୍କୁ କହିରଖୁଛୁ ସରକାର ପ୍ରତି ୧୦ ବର୍ଷରେ ଥରେ ବେତନ କମିଶନ ଗଠନ କରନ୍ତି।

କେତେ ବୃଦ୍ଧି ପାଇବ ଦରମା?
ସପ୍ତମ ବେତନ କମିଶନ ତୁଳନାରେ ଅଷ୍ଟମ ବେତନ କମିଶନରେ କର୍ମଚାରୀଙ୍କ ପାଇଁ ଏକ ଲଟେରୀ ହେବାକୁ ଯାଉଛି। ଯଦି ସବୁକିଛି ଠିକ୍ ଠାକ୍ ରହେ ତେବେ କର୍ମଚାରୀଙ୍କ ଦରମାରେ ସବୁଠାରୁ ବଡ଼ ବୃଦ୍ଧି ଆଶା କରାଯାଉଛି। କର୍ମଚାରୀଙ୍କ ଫିଟମେଣ୍ଟ ଫ୍ୟାକ୍ଟର ୩.୬୮ ଗୁଣକୁ ବୃଦ୍ଧି ପାଇବ। ଏହା ସହିତ ଫର୍ମୁଲା ଯାହା ହେଉନା କାହିଁକି କର୍ମଚାରୀଙ୍କ ମୂଳ ଦରମା ୪୪.୪୪% ବୃଦ୍ଧି ପାଇପାରେ।

Also read: IIT Baba ଅଭୟ ସିଂହଙ୍କ କେତେ ଥିଲା ଦରମା, କାନାଡାରେ ଲକ୍ଷାଧିକ ଟଙ୍କାର ପ୍ୟାକେଜ୍ ଛାଡି କାହିଁକି ହେଲେ ବୈରାଗୀ?