Top 10 News: ଦୁର୍ଘଟଣାରେ ଚାଲିଗଲା ଦଶମ ଶ୍ରେଣୀ ଛାତ୍ରଙ୍କ ଜୀବନ, ସେମିଫାଇନାଲରେ ପହଞ୍ଚିଲା ଭାରତ, ପଢ଼ନ୍ତୁ ଆଜିର ୧୦ ବଡ଼ ଖବର

Top 10 News Headlines 26 January 2025: H1. Banki Road Accident: ଗଣତନ୍ତ୍ର ଦିବସରେ ପରେଡ୍ ଗ୍ରାଉଣ୍ଡକୁ ନେଇ ଯାଉଥିବା ଏକ ପିକ୍-ଅପ୍ ଭ୍ୟାନ କଟକରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାର ସମ୍ମୁଖୀନ ହୋଇଛି। ଯାହା ଫଳରେ ଜଣେ ଦଶମ ଶ୍ରେଣୀ ଛାତ୍ରଙ୍କ ମୃତ୍ୟୁ ଘଟିଛି। ଏହା ସମେତ ଛାତ୍ରଙ୍କ ୨୦ ରୁ ଅଧିକ ସହପାଠୀ ମଧ୍ୟ ଗୁରୁତର ହୋଇଛନ୍ତି। ଏହି ଘଟଣାରେ ମୁଖ୍ୟମନ୍ତ୍ରୀ ଗଭୀର ଶୋକ ପ୍ରକାଶ କରିବା ସହ ଦୁର୍ଘଟଣାରେ ମୃତକଙ୍କ ପରିବାର ପ୍ରତି ସମବେଦନା ଜଣାଇଛନ୍ତି। ରାଜ୍ୟ ସରକାରଙ୍କ ପକ୍ଷରୁ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିରୁ ₹୩ଲକ୍ଷ ଏବଂ ଶିକ୍ଷା ବିଭାଗ ପକ୍ଷରୁ ₹୨ଲକ୍ଷ ଅନୁକମ୍ପାମୂଳକ ସହାୟତା ରାଶି ଘୋଷଣା କରାଯାଇଛି।

H2. 57 receive Police Medals from Odisha Governor: ରବିବାର ଦିନ ସାରାଦେଶ ୭୬ତମ ସାଧାରଣତନ୍ତ୍ର ଦିବସ ପାଳନ କରିଛି। ଏହି ଅବସରରେ ଓଡିଶା ପୋଲିସର ୪୧ ଜଣ ଅଧିକାରୀ ରାଜ୍ୟପାଳ ପୋଲିସ ପଦକରେ ସମ୍ମାନିତ ହୋଇଛନ୍ତି। ଆଜି ରାଜ୍ୟପାଳ ହରିବାବୁ କାମ୍ଭମପତି ଲୋକସେବା ଭବନରେ ଆୟୋଜିତ ରାଜ୍ୟସ୍ତରୀୟ ପୁରସ୍କାର ପ୍ରଦାନ ସମାରୋହରେ ଏହି ଅଧିକାରୀମାନଙ୍କୁ  ସେବା ମେଡାଲରେ ସମ୍ମାନିତ କରିଛନ୍ତି।

H3. OSRTC bus accident in Angul: ରବିବାର ଦିନ ବିଳମ୍ୱିତ ସଂଧ୍ୟାରେ ଅନୁଗୋଳ ଜିଲ୍ଲା ସମଲ ଥାନା ଗହମ ଗ୍ରାମ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏଠାରେ ଭାରସାମ୍ୟ ହରାଇ ରାସ୍ତାକଡ଼କୁ OSRTC  ଓଲଟି ପଡିଥିଲା। ଏହି ସମୟରେ ବସ୍‌ରେ ପ୍ରାୟ ୪୦ରୁ ଅଧିକ ଯାତ୍ରୀ ଥିଲେ । ଘଟଣାସ୍ଥଳରେ ଦୁଇଜଣଙ୍କ ମୃତ୍ୟୁ ହୋଇଥିବା ବେଳେ ୧୫ରୁ ଅଧିକ ଆହତ ହୋଇଛନ୍ତି। ଆହତ ମାନଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଉଛି।

H4. Subhadra Yojana 2025 2nd Installment: ମାର୍ଚ୍ଚ ୮ରେ ସୁଭଦ୍ରା ଯୋଜନାର ଦ୍ବିତୀୟ କିସ୍ତି ମିଳିବ। ୭୬ତମ ଗଣତନ୍ତ୍ର ଦିବସ ଉପଲକ୍ଷେ କଟକରେ ପତାକା ଉତ୍ତୋଳନ ପରେ ମୁଖ୍ୟମନ୍ତ୍ରୀ ଏହି ସୂଚନା ଦେଇଛନ୍ତି। ସମାଜ ଗଠନରେ ମହିଳାଙ୍କ ଭୂମିକା ଏବଂ ବିକାଶ ବେଶ୍ ଗୁରୁତ୍ୱପୂର୍ଣ୍ଣ। ମହିଳାମାନେ ଆମ ସମାଜର ମୁଖ୍ୟ ଅଙ୍ଗ। ସୁଭଦ୍ରା ଯୋଜନା ରାଜ୍ୟର ଏକ କୋଟିରୁ ଅଧିକ ମା’ମାନଙ୍କୁ ଛୋଟ ଛୋଟ ବ୍ୟବସାୟ କରି ନିଜ ପରିବାର ପାଇଁ କିଛି ରୋଜଗାର କରିବାରେ ସହାୟକ ହେବ ବୋଲି ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଆଶାବ୍ୟକ୍ତ କରିଛନ୍ତି।

H5. Loot from Niranjan Patnaik's Residence: ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରୁ ଚୋରି ହୋଇଛି। କିଛି ଦୁର୍ବୃତ୍ତ ଶ୍ରୀ ପଟ୍ଟନାୟକଙ୍କ ଘରେ ପଶି ସୁନା ଗହଣା ସହ ନଗଦ ଟଙ୍କା ଲୁଟିନେଇଛନ୍ତି। ଏହି ଚୋରି ଘଟଣା ମଧ୍ୟ CCTVରେ କଏଦ ହୋଇଛ୍ । କହିରଖୁଛୁ ଯେ ନିରଞ୍ଜନ ପଟ୍ଟନାୟକଙ୍କ ନୟାପଲ୍ଲୀ ସ୍ଥିତ ଆଇ.ଆର.ସି ଭିଲେଜ-N 2/29 ବାସଭବନରୁ ଗତକାଲି ରାତିରେ ଏହି ଚୋରି ହୋଇଛି।

H6. Republic Day 2025: ରବିବାର ଭାରତ ଏହାର ୭୬ତମ ଗଣତନ୍ତ୍ର ଦିବସ ପାଳନ କରିଛି। ଗଣତନ୍ତ୍ର ଦିବସ ୨୬ ଜାନୁଆରୀ ୧୯୫୦ ରେ ଭାରତର ସମ୍ବିଧାନ ପ୍ରଣୟନକୁ ସ୍ମରଣ କରେ। ଏହି ଗୁରୁତ୍ୱପୂର୍ଣ୍ଣ ଦିନଟି ଆମକୁ ଭାରତର ଗଣତାନ୍ତ୍ରିକ ଆଦର୍ଶ, ସମୃଦ୍ଧ ଇତିହାସ ଏବଂ ଏହାର ବିବିଧ ଜନସଂଖ୍ୟାକୁ ବାନ୍ଧି ରଖିଥିବା ଏକତାକୁ ମଧ୍ୟ ମନେ ପକାଇଥାଏ। ୭୬ତମ ଗଣତନ୍ତ୍ର ଦିବସରେ ସାରା ଦେଶରେ ଉତ୍ସାହଜନକ ଉତ୍ସବ, ମହାନ ପରେଡ୍ ଏବଂ ସାଂସ୍କୃତିକ କାର୍ଯ୍ୟକ୍ରମ ଦେଖିବାକୁ ମିଳିଥିଲା। କର୍ତ୍ତବ୍ୟ ପଥରେ ଗଣତନ୍ତ୍ର ଦିବସ ପରେଡରେ ଅନେକ ରାଜ୍ୟ ଏବଂ ମନ୍ତ୍ରଣାଳୟର ଢାଞ୍ଚା ଦେଖିବାକୁ ମିଳିଥିଲା। 

H7. Howrah Train Accident: ପଶ୍ଚିମବଙ୍ଗରେ ଜାନୁଆରୀ ୨୬ ତାରିଖରେ ଏକ ବଡ଼ ଟ୍ରେନ୍ ଦୁର୍ଘଟଣା ଘଟିବାର ଖବର ଆସିଛି। ରବିବାର ଦିନ ଅପରାହ୍ନରେ ହାଓଡ଼ା ଜିଲ୍ଲାର ପଦ୍ମପୁକୁର ରେଳପଥ ୟାର୍ଡ ନିକଟରେ ଖାଲି ଟ୍ରେନ୍ ପରସ୍ପର ମଧ୍ୟରେ ଧକ୍କା ହେବା ଫଳରେ ତିରୁପତି-ଶାଲିମାର ଏକ୍ସପ୍ରେସର ଦୁଇଟି କୋଚ୍ ଏବଂ ପାର୍ସଲ ଟ୍ରେନର ଗୋଟିଏ କୋଚ୍ ଲାଇନଚ୍ୟୁତ ହୋଇଥିଲା। ଯଦିଓ ଏହି ଦୁର୍ଘଟଣାରେ କୌଣସି ମୃତାହତଙ୍କ ବିଷୟରେ କୌଣସି ସୂଚନା ନାହିଁ। ଅନେକ ଟ୍ରେନର ରୁଟ୍ ପରିବର୍ତ୍ତନ କରାଯାଇଛି।

H8. Uttarakhand to implement Uniform Civil Code: ୨୭ ଜାନୁଆରୀ ଅର୍ଥାତ୍ ଆସନ୍ତାକାଲି ଉତ୍ତରାଖଣ୍ଡ ପାଇଁ ଏକ ଐତିହାସିକ ଦିନ ହେବାକୁ ଯାଉଛି। କାରଣ ଆସନ୍ତାକାଲି ଉତ୍ତରାଖଣ୍ଡରେ ସମାନ ନାଗରିକ ସଂହିତା (UCC) ଲାଗୁ ହେବ। ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ରବିବାର କହିଛନ୍ତି ଯେ ଆମେ ରାଜ୍ୟବାସୀଙ୍କୁ ଦେଇଥିବା ପ୍ରତିଶ୍ରୁତି ପୂରଣ କରୁଛୁ। ଉତ୍ତରାଖଣ୍ଡ ସ୍ୱାଧୀନ ଭାରତର ପ୍ରଥମ ରାଜ୍ୟ ହେବ ଯେଉଁଠାରେ ଏହି ଆଇନ କାର୍ଯ୍ୟକାରୀ ହେବ।

H9. Saif Ali Khan Attack Case: ବଲିଉଡ ଅଭିନେତା ସୈଫ୍ ଅଲ୍ଲୀ ଖାନଙ୍କ ଉପରେ ହୋଇଥିବା ଆକ୍ରମଣ ମାମଲାରେ ଏକ ନୂଆ ମୋଡ଼ ଆସିଛି। ଆକ୍ରମଣ ପାଇଁ ମୁମ୍ବାଇ ପୋଲିସ ଦ୍ୱାରା ଗିରଫ ହୋଇଥିବା ବାଂଲାଦେଶୀ ନାଗରିକ ସରିଫୁଲ୍ ଇସଲାମ୍ ଶାହଜାଦର ଫିଙ୍ଗର ପ୍ରିଣ୍ଟ ଘଟଣାସ୍ଥଳରୁ ମିଳିଥିବା ଫିଙ୍ଗର ପ୍ରିଣ୍ଟ ସହିତ ମେଳ ଖାଉ ନାହିଁ। ରାଜ୍ୟ CID ଶରିଫୁଲ ଇସଲାମଙ୍କ ଫିଙ୍ଗରପ୍ରିଣ୍ଟ ନମୁନାର ନେଗେଟିଭ୍ ରିପୋର୍ଟ ଦାଖଲ କରିଛି। ଏପରି ପରିସ୍ଥିତିରେ ଏହାକୁ ମୁମ୍ବାଇ ପୋଲିସ ପାଇଁ ଏକ ବଡ଼ ଝଟକା ବୋଲି ବିବେଚନା କରାଯାଉଛି।

H10. India into the U19WC 2025 semis: ନିକି ପ୍ରସାଦଙ୍କ ଅଧିନାୟକତ୍ୱରେ ଭାରତୀୟ ଦଳର ବିଜୟ ଅଭିଯାନ ଜାରି ରହିଛି। ୨୬ ଜାନୁଆରୀ ରବିବାର ଦିନ ଏକ ସୁପର ସିକ୍ସ ଗ୍ରୁପ୍-୧ ମ୍ୟାଚ୍‌ରେ ବାଂଲାଦେଶକୁ ପରାସ୍ତ କରି ଭାରତ ୧୯ ବର୍ଷରୁ କମ୍ ମହିଳା ଟି୨୦ ବିଶ୍ୱକପ୍ ୨୦୨୫ର ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିଛି। ବର୍ଷା ପ୍ରଭାବିତ ମ୍ୟାଚ୍‌ରେ ଭାରତ ୭.୧ ଓଭରରେ ଦୁଇଟି ୱିକେଟ୍ ହରାଇ ବାଂଲାଦେଶ ଦେଇଥିବା ୬୫ ରନର ଲକ୍ଷ୍ୟ ହାସଲ କରି ନେଇଥିଲା।