ହଠାତ୍ ରାଜ୍ୟପାଳଙ୍କ ଗାଡି ସାମ୍ନାକୁ ଆସିଥିଲେ ଜଣେ ମହିଳା । ଗାଡି ଅଟକାଇବାକୁ ଚେଷ୍ଟା କରିବାରୁ ରାଜ୍ୟପାଳ ରାସ୍ତାରେ ଅଟକିଥିଲେ ଏବଂ ମହିଳାଙ୍କ ଦୁଃଖ ଶୁଣିବା ସହ ତାଙ୍କ ଘର ପରିଦର୍ଶନ କରିଥିଲେ ।
Trending Photos
3
12
7
8 "ରାଜ୍ୟପାଳଙ୍କ ଗାଡି ଅଟକାଇ ଲକ୍ଷେ ଟଙ୍କା ପାଇଲେ ଯାଜପୁରର ଏହି ମହିଳା")
ଯାଜପୁର: ଆଜି ରାଜ୍ୟପାଳ ରଘୁବର ଦାସ ବିରଜାକ୍ଷେତ୍ର ଗସ୍ତ କରି ମାଆ ବିରଜାଙ୍କ ଆଶୀର୍ବାଦ ନେଇଛନ୍ତି । ବିରଜା ମନ୍ଦିରରେ ମାଆଙ୍କ ଦର୍ଶନ କରିବା ପରେ ରାଜ୍ୟପାଳ ଦଶରଥପୁର ବ୍ଲକ ଖଣ୍ଡରା ପଞ୍ଚାୟତ ଗସ୍ତ କରିଥିଲେ । ସେହି ସମୟରେ ହଠାତ୍ ରାଜ୍ୟପାଳଙ୍କ ଗାଡି ସାମ୍ନାକୁ ଆସିଥିଲେ ଜଣେ ମହିଳା । ଗାଡି ଅଟକାଇବାକୁ ଚେଷ୍ଟା କରିବାରୁ ରାଜ୍ୟପାଳ ରାସ୍ତାରେ ଅଟକିଥିଲେ ଏବଂ ମହିଳାଙ୍କ ଦୁଃଖ ଶୁଣିବା ସହ ତାଙ୍କ ଘର ପରିଦର୍ଶନ କରିଥିଲେ ।
Post-
ମାନ୍ୟବର ରାଜ୍ୟପାଳ ଯାଜପୁର ଜିଲ୍ଲାର ଖଣ୍ଡରା ଗ୍ରାମ ପଞ୍ଚାୟତ ପରିଦର୍ଶନ କରିବା ସମୟରେ କେତେକ ଲୋକ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ପାଇନଥିବାର ଅଭିଯୋଗ କରିଥିଲେ l ଜିଲ୍ଲା ପ୍ରଶାସନକୁ ସେମାନଙ୍କ ଅଭିଯୋଗ ଉପରେ ବିହିତ ପଦକ୍ଷେପ ନେବାକୁ ନିର୍ଦ୍ଦେଶ ଦେବା ପର୍ଯ୍ୟାୟ କ୍ରମେ ସମସ୍ତଂକୁ ଘର ମିଳିବ ବୋଲି ଆଶ୍ଵାସନା ଦେଇଥିଲେ। pic.twitter.com/kq65yyo9XZ
— Governor Odisha (@GovernorOdisha) January 21, 2024
ସୂଚନା ମୁତାବକ, ରାଜ୍ୟପାଳଙ୍କ ଗାଡି ଅଟକାଇଥିବା ମହିଳାଙ୍କ ନାମ ସରୋଜୀନି ରାଉତ । ସେ ଖୁବ ଦୟନୀୟ ଭାବରେ ଏକ ଭଙ୍ଗା କୁଡିଆ ଘରେ ଚଳୁଥିଲେ । ତାଙ୍କର ପରିସ୍ଥିତି ଭଲ ନଥିବାରୁ ସେ ରାଜ୍ୟପାଳଙ୍କ ଦୃଷ୍ଟି ଆକର୍ଷଣ କରିବାକୁ ଚାହୁଁଥିଲେ । ରାଜ୍ୟପାଳ ନିକଟ ଅଞ୍ଚଳକୁ ଆସୁଥିବାର ଖୁବ ପାଇବା ପରେ ସରୋଜୀନି ନିଜ ଅବସ୍ଥା ସମ୍ପର୍କରେ ରାଜ୍ୟପାଳଙ୍କୁ ଜଣାଇବାକୁ ଗାଡି ଅଟକାଇଥିଲେ । ରାଜ୍ୟପାଳଙ୍କ ଆଗରେ କାନ୍ଦି କାନ୍ଦି ନିଜ ଦୁଃଖର କଥା କହିଥିଲେ ।
Post-
ଶ୍ରୀମତୀ ସରୋଜିନୀ ରାଉତ ନିଜ କଚ୍ଚା ଘରର ଦୁର୍ଦ୍ଦଶା ଦେଖାଇବାରୁ ମାନ୍ୟବର ରାଜ୍ୟପାଳ ସମବେଦନା ପ୍ରକାଶ କରି ଏକ ଲକ୍ଷ ଟଙ୍କା ସହାୟତା ଘୋଷଣା କରିଥିଲେ l pic.twitter.com/bXisEbX8l6
— Governor Odisha (@GovernorOdisha) January 21, 2024
ସରୋଜୀନିଙ୍କୁ ଘର ମିଳିବା ନେଇ ରାଜ୍ୟପାଳ ପ୍ରତିଶୃତି ଦେଇଥିଲେ । ଏଥିସହ ତାଙ୍କ ଦୁଃଖ ଦେଖି ୧ ଲକ୍ଷ ଟଙ୍କାର ସହାୟତା ରାଶି ଘୋଷଣା କରିଥିଲେ । ଏଥିସହ ଅନ୍ୟ ଲୋକଙ୍କ ସହିତ ରାଜ୍ୟପାଳ ଆବାସ ମିଳିବା ନେଇ ଆଲୋଚନା କରିଥିବା ଦେଖିବାକୁ ମିଳିଛି । ଅନେକ ଲୋକ ବିଭିନ୍ନ ସରକାରୀ ସୁବିଧାରୁ ବଞ୍ଚିତ ଥିବା ରାଜ୍ୟପାଳଙ୍କ ଆଗରେ ଅଭିଯୋଗ କରିଥିଲେ ।
Also Read- ମିଡିଆ ଆଣ୍ଡ ଏଣ୍ଟରଟେନମେଣ୍ଟ ସ୍କିଲ୍ସ କାଉନସିଲ୍ ତରଫରୁ 'ଇଣ୍ଡଷ୍ଟ୍ରି ପାର୍ଟନର୍ସ ମିଟ୍'
