Najam Sethi threatens BCCI: ପାକିସ୍ତାନ ନିଜ ଦେଶରେ ଏସିଆ କପ୍ର କିଛି ମ୍ୟାଚ୍ ଆୟୋଜନ କରିବାକୁ ନେଇ ହତାଶ ହୋଇଯାଇଛି । ବର୍ତ୍ତମାନ ଏହାକୁ ନେଇ ଭାରତକୁ ଧମକ ଦେଇଛି । ପଢ଼ନ୍ତୁ ପୂରା ଖବର ।
Trending Photos
12
12
5
12 "ସାଙ୍କେତିକ ଫଟୋ")
India vs Pakistan: ପାକିସ୍ତାନରେ ଏସିଆ କପ୍ର (Asia Cup 2023) କିଛି ମ୍ୟାଚ୍ ଆୟୋଜନ କରିବାକୁ ନେଇ ହତାଶ ହୋଇଯାଇଛି । ପାକିସ୍ତାନ କ୍ରିକେଟ୍ ବୋର୍ଡ (Pakistan Cricket Board) ବର୍ତ୍ତମାନ ଏସୀୟ କ୍ରିକେଟ୍ ପରିଷଦ (ACC) କୁ ପ୍ରଥମ ରାଉଣ୍ଡର ପ୍ରଥମ ଚାରିଟି ମ୍ୟାଚ୍ ଆୟୋଜନ କରିବାକୁ କହିଛି ଓ ଯଦି ଏହା ନ ହୁଏ ତେବେ ଏସିସିରୁ ବାହାରି ଯିବାକୁ ଧମକ ମଧ୍ୟ ଦେଇଛି । ପିସିବି ଅଧ୍ୟକ୍ଷ ନଜମ ସେଠୀଙ୍କ (Najam Sethi) 'ହାଇବ୍ରିଡ ମଡେଲ', ଯେଉଁଥିରେ ପାକିସ୍ତାନ ଭାରତ ବିପକ୍ଷ ମ୍ୟାଚ ବ୍ୟତୀତ ନିଜ ଦେଶରେ ଏହି ଟୁର୍ଣ୍ଣାମେଣ୍ଟ କରିବାକୁ ଚାହୁଁଛି, ଏହାକୁ ଅନ୍ୟ ସଦସ୍ୟ ଦେଶମାନେ ମଧ୍ୟ ପ୍ରତ୍ୟାଖ୍ୟାନ କରିଛନ୍ତି ।
ଶ୍ରୀଲଙ୍କାରେ ଏସିଆ କପ୍ ଆୟୋଜନ ପ୍ରସ୍ତାବକୁ ପିସିବି ପ୍ରତ୍ୟାଖ୍ୟାନ କରିଛି । ଏକ ବିଶ୍ୱସ୍ତ ସୂତ୍ର କହିଛି, ଚାରିଟି ମ୍ୟାଚ୍ ଆୟୋଜନ କରିବା ପାଇଁ ହାଇବ୍ରିଡ୍ ମଡେଲର ପ୍ଲାନ୍ B ର ଅଂଶବିଶେଷ ଭାବେ ନଜାମ ସେଠୀ ଏହି ସପ୍ତାହରେ ଦୁବାଇରେ ଏସିସିଙ୍କୁ ପ୍ରସ୍ତାବ ଦେଇଛନ୍ତି । ସେ କହିଛନ୍ତି ଯେ ସେଠୀ ଏସିସିଙ୍କୁ ମଧ୍ୟ କହିଛନ୍ତି ଯେ ଯଦି ପ୍ଲାନ ବି ପ୍ରତ୍ୟାଖ୍ୟାନ ହୁଏ ତେବେ ପାକିସ୍ତାନ ଏସିଆ କପରେ ଖେଳିବ ନାହିଁ ଏବଂ ଏସୀୟ କ୍ରିକେଟ୍ ପରିଷଦରୁ ମଧ୍ୟ ବାହାରି ଯିବେ ।
ଏଥି ସହିତ ପାକିସ୍ତାନ କ୍ରିକେଟ୍ ବୋର୍ଡ (PCB) ର ଅଧ୍ୟକ୍ଷ ନଜାମ ସେଠୀ ଗୁରୁବାର ୧୧ ମେ'ରେ କହିଛନ୍ତି ଯେ ଯଦି ଭାରତ ଏସିଆ କପ୍ ଖେଳିବାକୁ ପାକିସ୍ତାନ ଆସିବ ନାହିଁ, ତେବେ ପାକିସ୍ତାନ କ୍ରିକେଟ୍ ଦଳକୁ ଭାରତରେ ବିଶ୍ୱକପ୍ ଖେଳିବାକୁ ଅନୁମତି ଦେବ ନାହିଁ । ସେ ଆହୁରି ମଧ୍ୟ କହିଛନ୍ତି ଯେ ଯଦି ପାକିସ୍ତାନ ବିଶ୍ୱକପରେ ଅଂଶଗ୍ରହଣ କରିବାର ଏକମାତ୍ର ବାଟ ହେଉଛି ଯଦି ଏହାର ମ୍ୟାଚ୍ ଏକ ନିରପେକ୍ଷ ଦେଶରେ ଅନୁଷ୍ଠିତ ହେବ ।
କ'ଣ କହିଛନ୍ତି ନଜମ ସେଠୀ
ପାକିସ୍ତାନ କ୍ରିକେଟ୍ ବୋର୍ଡର ଅଧ୍ୟକ୍ଷ ନଜମ ସେଠୀ ଅଗଷ୍ଟ-ସେପ୍ଟେମ୍ବରରେ ଅନୁଷ୍ଠିତ ହେବାକୁ ଥିବା ଏସିଆ କପ୍ 'ହାଇବ୍ରିଡ୍ ମଡେଲ୍'ରେ ଟୁର୍ଣ୍ଣାମେଣ୍ଟ ଆୟୋଜନ ପ୍ରସ୍ତାବକୁ ପୁଣି ଥରେ ଦୋହରାଇଛନ୍ତି । ପାକିସ୍ତାନ କ୍ରିକେଟ୍ ବୋର୍ଡ ମୁଖ୍ୟ ନଜମ ସେଠୀ ଏକ ବୟାନରେ କହିଛନ୍ତି, 'ବିଶ୍ୱକପରେ ପାକିସ୍ତାନ ଭାରତ ଗସ୍ତ କରିବ ନାହିଁ । ଆମେ ଚାହୁଁ ଆମର ବିଶ୍ୱକପ୍ ମ୍ୟାଚ୍ କେବଳ ନିରପେକ୍ଷ ପଡ଼ିଆରେ ଖେଳାଯାଉ । ପିସିବି ମୁଖ୍ୟଙ୍କ କହିବାନୁସାରେ, ପାକିସ୍ତାନରେ କୌଣସି ସୁରକ୍ଷା ସମସ୍ୟା ନାହିଁ। ଆମେ ଭାରତ ବିପକ୍ଷରେ ନିରପେକ୍ଷ ଗ୍ରାଉଣ୍ଡରେ ମ୍ୟାଚ୍ ଖେଳିପାରିବୁ । ଆମେ ଅନ୍ୟ ଦଳ ବିପକ୍ଷରେ ନିଜ ଘରେ ମ୍ୟାଚ ଖେଳିବୁ । ଆମେ ଆପୋଷ ବୁଝାମଣା କରିବାକୁ ପ୍ରସ୍ତୁତ ।'
ଏହା ବି ପଢ଼ନ୍ତୁ: ICC ODI Rankings: ଦିନିକିଆ ର଼୍ୟାଙ୍କିଙ୍ଗରେ ଟିମ୍ ଇଣ୍ଡିଆକୁ ଝଟକା, ଉପରକୁ ଉଠିଲା ପାକିସ୍ତାନ, ଦେଖନ୍ତୁ କିଏ ରହିଛି ନମ୍ବର ୱାନ?
ଏହା ବି ପଢ଼ନ୍ତୁ: ODI World Cup 2023: ନ୍ୟୁଜଲ୍ୟାଣ୍ଡ ଓ ଇଂଲଣ୍ଡ ମଧ୍ୟରେ ହେବ ପ୍ରଥମ ମ୍ୟାଚ୍; ଜାଣନ୍ତୁ କେଉଁ ଦିନ ଲଢ଼ିବେ ଭାରତ-ପାକିସ୍ତାନ
