ଭଡାରେ ଉପକରଣ ନେଇ ଟି-୨୦ ବିଶ୍ୱକପ ଆୟୋଜନ କରିବ ଆମେରିକା, ICC କଲା ଆଶ୍ଚର୍ଯ୍ୟଜନକ ଖୁଲାସା

T20 World Cup 2024: ଟି-୨୦ ବିଶ୍ୱକପ୍ ୨୦୨୪ ଆମେରିକା ଓ ୱେଷ୍ଟଇଣ୍ଡିଜ୍ ଦ୍ୱାରା ଆୟୋଜିତ ହେବ। ଚଳିତ ବର୍ଷ ଜୁନ୍ ମାସରେ ହେବାକୁ ଥିବା ଟି-୨୦ ବିଶ୍ୱକପ ସମ୍ପର୍କରେ ଆଇସିସି ଏକ ବଡ଼ ଖୁଲାସା କରିଛି, ଯେଉଁଥିରେ କୁହାଯାଇଥିଲା ଯେ ଟୁର୍ଣ୍ଣାମେଣ୍ଟ ଆୟୋଜନ କରୁଥିବା ଆମେରିକା ସାମୟିକ ପ୍ରସ୍ତୁତି କରିବ, ଯେଉଁଥିରେ ପିଚ୍ ମେଲବୋର୍ଣ୍ଣରୁ ଅଣାଯିବ ଓ ଦର୍ଶକଙ୍କ ପାଇଁ ଚେୟାରଗୁଡ଼ିକ ଲାସ୍ ଭେଗାସ୍ ରୁ ଆସିବ।

ଆମେରିକାରେ ଖେଳାଯିବାକୁ ଥିବା ଟି-୨୦ ବିଶ୍ୱକପ ପାଇଁ ଡ୍ରପ-ଇନ୍ ପିଚ୍ ବ୍ୟବହାର କରାଯିବ, ଯାହା ଆଡିଲେଡ୍ ଓଭାଲ୍ କ୍ୟୁରେଟର ଡାମିଆନ୍ ହଫ୍ ଦ୍ୱାରା ପ୍ରସ୍ତୁତ ହେବ। ବର୍ତ୍ତମାନ ଆପଣଙ୍କ ମନରେ ପ୍ରଶ୍ନ ଉଠିପାରେ ଯେ ଏହି ଡ୍ରପ-ଇନ୍ ପିଚ୍ କ’ଣ? ତେଣୁ ଆପଣଙ୍କୁ କହିରଖିବୁ ଯେ ଡ୍ରପ୍ ଇନ୍ ପିଚ୍ ହେଉଛି ଏପରି ପିଚ୍ ଯାହା ପଡିଆ ଠାରୁ କିଛି ଦୂରରେ ତିଆରି ହୁଏ ଓ ପରେ ଏହାକୁ ଅଣାଯାଇ ପଡ଼ିଆରେ ରଖାଯାଏ। ଏହା ବ୍ୟତୀତ ଟୁର୍ଣ୍ଣାମେଣ୍ଟ ଜୁନ୍ ୯ ରେ ଭାରତ ଓ ପାକିସ୍ଥାନ ମଧ୍ୟରେ ଏକ ମ୍ୟାଚ୍ ଖେଳାଯିବ, ଯେଉଁଥି ପାଇଁ ୩୪,୦୦୦ ଦର୍ଶକଙ୍କ କ୍ଷମତା ବିଶିଷ୍ଟ ଏକ ଅସ୍ଥାୟୀ ଗ୍ୟାଲେରୀ ନିର୍ମାଣ ହେବ ଏବଂ ବ୍ୟବହାର ପରେ ଏହାକୁ ହଟାଇ ଦିଆଯିବ।

ଆଇସିସି ଇଭେଣ୍ଟ ନିର୍ଦ୍ଦେଶକ କ୍ରିସ୍ ଟେଟଲି କହିଛନ୍ତି, "ଆମେ ପୂର୍ବରୁ ନିର୍ମାଣ ହୋଇଥିବା ଡ୍ରପ୍-ଇନ୍ ପିଚ୍ ବ୍ୟବହାର କରିବୁ। ଆମେ ଆଡିଲେଡ୍ ଓଭାଲ୍ କ୍ୟୁରେଟର ଡାମିଆନ୍ ହଫଙ୍କ ପାରଦର୍ଶିତାକୁ ବ୍ୟବହାର କରୁଛୁ, ଯିଏ ଏହି ପ୍ରସଙ୍ଗରେ ବିଶେଷଜ୍ଞ। ସେ ଟ୍ରେ ନିର୍ମାଣ ଏବଂ ପରିଚାଳନା କରୁଛନ୍ତି। ଯାହା ଫ୍ଲୋରିଡା ରେ ଅଛି। ମ୍ୟାଚ୍ ପାଇଁ ପର୍ଯ୍ୟାପ୍ତ ସଂଖ୍ୟକ ଟ୍ରେ ରହିବ, ଯାହା ନ୍ୟୁୟର୍କରେ ଆବଶ୍ୟକ ହେବ। ଏଥିସହ ଅଭ୍ୟାସ ପିଚ୍ ପାଇଁ ଟ୍ରେ ମଧ୍ୟ ରହିବ। ଯେଉଁ ମ୍ୟାଚ୍ ଗୁଡିକ ଖେଳାଯିବ ସେହି ପିଚ୍ ଅଲଗା ହେବ। ଏହା ବ୍ୟତୀତ, ବର୍ଷା ହେଲେ ଆମେ ଜଳ ନିଷ୍କାସନ ପାଇଁ ମଧ୍ୟ ବ୍ୟବସ୍ଥା କରୁଛୁ।"

ଆଇସିସି ଇଭେଣ୍ଟ ନିର୍ଦ୍ଦେଶକ ଆହୁରି ମଧ୍ୟ କହିଛନ୍ତି, "କ୍ରୀଡା ଜଗତରେ ଯେପରି ଘଟେ, ସମସ୍ତ ଭିତ୍ତିଭୂମି ସାମୟିକ ହେବ। କିଛି ସଂରଚନା ଉପକରଣ ଲାସ୍ ଭେଗାସ୍ ରୁ ଅଣାଯିବ, ଯାହା ମ୍ୟାଚ୍ ପରେ ସ୍ଥାପିତ ହୋଇ ଅପସାରଣ କରାଯିବ। ଆମେରିକାରେ ୩୦ ନିୟୁତ କ୍ରିକେଟ୍ ପ୍ରଶଂସକ ଅଛନ୍ତି। ଏବଂ ଏହା ହେଉଛି ତୃତୀୟ ବୃହତ୍ତମ ବଜାର। ଫେବୃଆରୀରୁ ସଂରଚନା ନିର୍ମାଣ କାର୍ଯ୍ୟ ଆରମ୍ଭ ହେବ ଏବଂ ମେ' ମାସ ସୁଦ୍ଧା ଏହି ସମସ୍ତ କାର୍ଯ୍ୟ ଶେଷ ହେବ।"