ରାଜସ୍ଥାନର ସୱାଇ ମାଧୋପୁରରେ ଜଣେ ସ୍କୁଲ ଛାତ୍ରୀଙ୍କୁ ଜୟ ଶ୍ରୀରାମ କହିବା ମହଙ୍ଗା ପଡି଼ଛି । ଜୟ ଶ୍ରୀରାମ କହିବା କାରଣରୁ ତାଙ୍କୁ ସ୍କୁଲ ଶିକ୍ଷକ ଦଣ୍ଡ ଦେଇଥିଲେ। ଛାତ୍ରୀଙ୍କୁ ଗାଳିଗୁଲଜ କରିବା ସହ କ୍ଲାସ୍ ରୁମ୍ ରେ ହାତ ଉଠାଇ ବସିବାକୁ କୁହାଯାଇଥିଲା । ଛାତ୍ରୀ ଜଣକ ଏବାବଦରେ ନିଜ ପରିବାରଲୋକଙ୍କୁ ଜଣାଇବା ପରେ ଘଟଣା ସାମ୍ନାକୁ ଆସିଥିଲା ।
Trending Photos
12
5
6
7 "SOCIAL MEDIA")
Madhopur Student News: ରାଜସ୍ଥାନର ସୱାଇ ମାଧୋପୁରରେ ଜଣେ ସ୍କୁଲ ଛାତ୍ରୀଙ୍କୁ ଜୟ ଶ୍ରୀରାମ କହିବା ମହଙ୍ଗା ପଡି଼ଛି । ଜୟ ଶ୍ରୀରାମ କହିବା କାରଣରୁ ତାଙ୍କୁ ସ୍କୁଲ ଶିକ୍ଷକ ଦଣ୍ଡ ଦେଇଥିଲେ। ଛାତ୍ରୀଙ୍କୁ ଗାଳିଗୁଲଜ କରିବା ସହ କ୍ଲାସ୍ ରୁମ୍ ରେ ହାତ ଉଠାଇ ବସିବାକୁ କୁହାଯାଇଥିଲା । ଛାତ୍ରୀ ଜଣକ ଏବାବଦରେ ନିଜ ପରିବାରଲୋକଙ୍କୁ ଜଣାଇବା ପରେ ଘଟଣା ସାମ୍ନାକୁ ଆସିଥିଲା । ଏ ନେଇ ନାବାଳିକାଙ୍କ ବାପା ସ୍କୁଲରେ ଅଭିଯୋଗ କରିବା ପରେ ସ୍କୁଲ ମ୍ୟାନେଜମେଣ୍ଟ ତାଙ୍କୁ ସ୍କୁଲରେ ଜୟ ଶ୍ରୀରାମ କହିବା ମନା ବୋଲି କହିଥିଲେ ।
ପୀଡ଼ିତାଙ୍କ ବାପା ଏସପିଙ୍କ ନିକଟରେ ଅଭିଯୋଗ କରିବା ପରେ ମହିଳା ଥାନା ପୁଲିସ ଘଟଣାର ତଦନ୍ତ କରୁଛି। ସ୍କୁଲ ୍ ମ୍ୟାନେଜମେଣ୍ଟ ନିକଟରେ ଅଭିଯୋଗ ପରେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନ ଥିବା ନାବାଳିକାଙ୍କ ବାପା ଅଭିଯୋଗ କରିଛନ୍ତି। ବରଂ ସେମାନଙ୍କୁ ସ୍କୁଲରେ ଜୟ ଶ୍ରୀରାମ ନ କହିବାକୁ କହିଥିଲେ । ସ୍କୁଲରେ ସମସ୍ତ ପିଲାଙ୍କ ସାମ୍ନାରେ ତାଙ୍କ ଝିଅକୁ ଦଣ୍ଡ ିତ କରାଯାଇଥିଲା । ସେମାନେ ପୁଲିସ ନିକଟରେ ନ୍ୟାୟ ଦାବି କରିଛନ୍ତି।
ସ୍କୁଲ ବସ୍ ରେ ଜୟ ଶ୍ରୀରାମ ସ୍ଲୋଗାନ ଦେଲେ ଛାତ୍ରୀ
ନାବାଳିକାର ବାପା ମୁକେଶ ଯୋଗୀ ପୁଲିସନିକଟରେ ଅଭିଯୋଗ କରି କହିଛନ୍ତି ଯେ ତାଙ୍କ ଝିଅ ଚଞ୍ଚଲ ଯୋଗୀ ରାଧାକ୍ରିଷ୍ଣନ୍ ସ୍କୁଲରେ ଷଷ୍ଠ ଶ୍ରେଣୀରେ ପଢ଼ନ୍ତି। ପାଖାପାଖି ୪-୫ ଦିନ ତଳେ ସେ ଝିଅକୁ ସ୍କୁଲ ବସରେ ଛାଡ଼ିବାକୁ ଆସିଥିଲେ। ଏହି ସମୟରେ ଝିଅ ତାଙ୍କୁ ଶୁଭେଚ୍ଛା ଜଣାଇ ଜୟ ଶ୍ରୀରାମ କହିଥିଲେ। ଏଥିରେ କ୍ରୋଧିତ ହୋଇ ସ୍କୁଲ ବସ୍ କଣ୍ଡକ୍ଟର ମହାବୀର ଓ ଶିକ୍ଷୟିତ୍ରୀ ତାଙ୍କୁ ଗାଳିଗୁଲଜ କରିବା ସହ ବିରକ୍ତ ହୋଇଥିଲେ । ସ୍କୁଲରେ ପହଞ୍ଚିବା ପରେ ଝିଅକୁ ଦଣ୍ଡ ସ୍ୱରୂପ ହାତ ଉଠାଇ ବସିବାକୁ କୁହାଯାଇଥିଲା ।
ବାପାଙ୍କ ନିକଟରେ ଅଭିଯୋଗ କଲେ ଛାତ୍ରୀ
ଛାତ୍ରୀ ଜଣକ ଘରେ ପହଞ୍ଚି ପରିବାର ଲୋକଙ୍କୁ ପୂରା ଘଟଣା ଜଣାଇଥିଲେ। ଖବର ପାଇ ମୁକେଶ ଯୋଗୀ ପରଦିନ ସ୍କୁଲରେ ପହଞ୍ଚିଥିଲେ ମଧ୍ୟ ସ୍କୁଲର ନିର୍ଦ୍ଦେଶକ ୩-୪ ଦିନ ଛୁଟିରେ ଯାଇଥିଲେ। ପାଖାପାଖି ୪ ଦିନ ପରେ ସେ ପୁଣି ସ୍କୁଲରେ ପହଞ୍ଚି ନିର୍ଦ୍ଦେଶକଙ୍କୁ ପୂରା କଥା କହିଥିଲେ। ଏହି ଅବସରରେ ପ୍ରଧାନଶିକ୍ଷୟିତ୍ରୀ ମମତା ମାହେଶ୍ୱରୀ ତାଙ୍କୁ କହିଥିଲେ ଯେ ଯଦି ପିଲାମାନଙ୍କୁ ସ୍କୁଲରେ ପାଠ ପଢ଼ାଇବାକୁ ଚାହୁଁଛନ୍ତି ତେବେ ସେମାନଙ୍କୁ ସ୍କୁଲରେ ଗୁଡ୍ ମର୍ଣ୍ଣିଂ କହିବାକୁ ପଡିବ ।
