BJP MP Ranjeeta Koli: ବିଜେପି ସାଂସଦଙ୍କ ଉପରେ ଖଣି ମାଫିଆଙ୍କ ମାରଣାନ୍ତକ ଆକ୍ରମଣ

BJP MP Ranjeeta Koli: ରାଜସ୍ଥାନରୁ ଦିଲ୍ଲୀ ଫେରିବା ବେଳେ ଭରତପୁର ଲୋକସଭା ଆସନର ବିଜେପି ସାଂସଦ ରଞ୍ଜିତା କୋଲିଙ୍କ ଉପରେ ହୋଇଛି ମାରଣାନ୍ତକ ଆକ୍ରମଣ। ଖଣି ମାଫିଆଙ୍କ ଏକ ଟ୍ରକ୍ ସାହାଯ୍ୟରେ ତାଙ୍କ ଗାଡ଼ିକୁ ଭାଙ୍ଗିଦେବାକୁ ଚେଷ୍ଟା କରିଥିଲା। ସେମାନେ ସାଂସଦଙ୍କ ଗାଡିର କାଚ ମଧ୍ୟ ଭାଙ୍ଗିଥିଲେ। କାମାଁ-କୋସି ରାସ୍ତାରେ ଲେୱଡା ଠାରେ ଏହି ଘଟଣା ଘଟିଥିଲା।

ଏହି ଦୁର୍ଘଟଣାରୁ ରାଜସ୍ଥାନ (Rajasthan) ଭରତପୁର ଲୋକସଭା ଆସନର (Bharatpur Lok Sabha Seat) ବିଜେପି ସାଂସଦ ରଞ୍ଜିତା କୋଲି (BJP MP Ranjeeta Koli) ଅଳ୍ପକେ ବର୍ତ୍ତି ଯାଇଛନ୍ତି। ଦଳୀୟ ସାଂସଦଙ୍କ ଉପରେ ହୋଇଥିବା ଆକ୍ରମଣ ବାବଦରେ ପାଇବା ମାତ୍ରେ ବିଜେପି ନେତା ଏବଂ ସ୍ଥାନୀୟ ଲୋକେ ଘଟଣାସ୍ଥଳରେ ଏକାଠି ହୋଇ ଯାଇଥିଲେ। ଦୁର୍ଘଟଣା ପରେ ସାଂସଦ ରାସ୍ତାରେ ଥିବା ଏକ ଧାରଣା ଦେଇଥିଲେ। ପ୍ରାୟ ୮ ଘଣ୍ଟା ଧରି ରାସ୍ତାରେ ଧାରଣା ଦେଇଥିଲେ ସାଂସଦ। ଜିଲ୍ଲପାଳ ଏବଂ ଏସପି (Bharatpur Collector and SP) କ୍ରମାଗତ ଭାବରେ ସେମାନଙ୍କୁ ମନାଇବା ପାଇଁ ଚେଷ୍ଟା କରୁଛନ୍ତି। ଏହି ସମୟ ମଧ୍ୟରେ ସାଂସଦ ସ୍ଥାନୀୟ ପ୍ରଶାସନ (Bharatpur District Administration) ବିରୋଧରେ ଗମ୍ଭୀର ଅଭିଯୋଗ ଆଣିଛନ୍ତି। ଏହାକୁ ମିଶାଇ ଚତୁର୍ଥ ଥର ପାଇଁ ବିଜେପି ସାଂସଦ ରଞ୍ଜିତା କୋଲିଙ୍କ ଉପରେ ଆକ୍ରମଣ କରାଯାଇଛି। 

भरतपुर लोकसभा क्षेत्र में अवैध खनन एवं खनन माफिया इस कदर हावी है कि सूचना मिलने पर जब मैं कामां पहुंची तो रात के अंधेरे में अवैध खनन से जुड़ी 100 से भी अधिक गाड़ियां मुझे मौके पर मिली और मेरे द्वारा रोकने पर आज फिर एक बार मुझ पर जानलेवा हमला किया गया। pic.twitter.com/IPnJp1LE3D

— Ranjeeta Koli MP (@RanjeetaKoliMP) August 7, 2022

ଏହି ଘଟଣାରେ ପ୍ରତିକ୍ରିୟା ରଖି ଏଏସପି ଆର.ଏସ କବିୟା କହିଛନ୍ତି ଦୁର୍ଘଟଣା ପରେ ସାଂସଦ କହିଥିଲେ ଯେ ସେ ଦିଲ୍ଲୀ ଫେରୁଛନ୍ତି। ସେତେବେଳେ ସେ ଭାରସାମ୍ୟ ହରାଉଥିବା ଟ୍ରକ ଦେଖିଥିଲେ। ସେମାନେ ଟ୍ରକକୁ ଅଟକାଇବାକୁ ଚେଷ୍ଟା କରିଥିଲେ। ୨-୩ ଟ୍ରକ ଅଟକି ଯାଇଥିଲା। ସେତେବେଳେ କିଛି ଲୋକ ପଳାଇ ଯାଇଥିଲେ। ସେ ଆହୁରି ମଧ୍ୟ କହିଛନ୍ତି ଯେ ଟ୍ରକ ରୁ ଖସି ପଳାଇବା ବେଳେ ସେମାନେ ତାଙ୍କ କାର ଉପରେ ପଥର ଫିଙ୍ଗି ତାଙ୍କ ଉପରେ ଆକ୍ରମଣ କରିଥିଲେ।

ସାଂସଦ କହିଛନ୍ତି ମୁଁ ପ୍ରାୟ ୧୫୦ ଓଭରଲୋଡ୍ ଟ୍ରକ୍ ଦେଖିଲି। ମୁଁ ତାଙ୍କୁ ଅଟକାଇବାକୁ ଚେଷ୍ଟା କଲି କିନ୍ତୁ ସେମାନେ ପଳାଇଥିଲେ। ସେମାନେ ଭାବିଲେ ମୁଁ କାର ରେ ଅଛି। ସେମାନେ ପଥର ଫିଙ୍ଗିବା ଆରମ୍ଭ କଲେ ଏବଂ ଗାଡିର କାଚ ଭାଙ୍ଗି ଦେଇଥିଲେ। ଏହି ଦୁର୍ଘଟଣାରେ ମୁଁ ମୋର ଜୀବନ ହରାଇଥାନ୍ତି। ମୋ ଉପରେ ହୋଇଥିବା ଆକ୍ରମଣକୁ ନେଇ ମୁଁ ଭୟଭୀତ ନୁହେଁ।