Malaika Arora:'ଛେୟା ଛେୟା' ଗୀତରେ ନାଚିବା ବେଳେ ମଲାଇକାଙ୍କ ଅଣ୍ଟାରୁ ବାହାରିଥିଲା ରକ୍ତ, ଦେଖନ୍ତୁ ଫଟୋ

ପ୍ରାୟ ୨୪ ବର୍ଷ ପୂର୍ବେ ଶାହରୁଖ ଖାନ ଓ ମଲାଇକା ଅରୋରାଙ୍କ ଫିଲ୍ମ ଦିଲ ସେ ରେ ଥିବା 'ଛୟା-ଛୟା' ଗୀତର ସୁଟିଂ କରାଯାଇଥିଲା। ଯାହା ବଲିଉଡର ଏକ ସୁପରହିଟ୍ ଗୀତ ହୋଇଗଲା। 

ଏହି ଗୀତରେ ଚଳନ୍ତା ଟ୍ରେନ ଉପରେ ଶାହାରୁଖ ଏବଂ ମଲାଇକାଙ୍କର ଏକ ଜବରଦସ୍ତ ଡ୍ୟାନ୍ସ ଦେଖିବାକୁ ମିଳିଥିଲା। ମଲାଇକା ଏହି ଗୀତର ଏକ ଭୟଙ୍କର କାହାଣୀକୁ ଡ୍ୟାନ୍ସ ରିଅଲିଟି ସୋ 'ଡ୍ୟାନ୍ସ ଇଣ୍ଡିଆ ଡ୍ୟାନ୍ସ'ରେ ସେୟାର କରିଥିଲେ ।

ଯେଉଁଥିରେ ସେ କହିଥିଲେ ଯେ ଏହି ଗୀତର ସୁଟିଂ ବହୁତ କଷ୍ଟରେ ହୋଇଥିଲା। ଚଳନ୍ତା ଟ୍ରେନ ଉପରେ ଗୀତଟି ସୁଟିଂ ହେଉଥିବାରୁ ତାଙ୍କ ଅଣ୍ଟାରେ ଏକ ଦଉଡ଼ି ବନ୍ଧାଯାଇଥିଲା। ବାର୍ ବାର୍ ମୁଭ ବା ଷ୍ଟେପ୍ ଚେଞ୍ଜ କରୁଥିବାରୁ ତାଙ୍କ ଅଣ୍ଟାରୁ ରକ୍ତ ବାହାରିବାକୁ ଲାଗିଥିଲା।

ମଲାଇକା ଏହା ମଧ୍ୟ କହିଥିଲେ ଯେ ସୁଟିଂ ସମୟରେ ସେ ବହୁତ ଥର ଗଳିପଡିଛନ୍ତି। ସେଥିପାଇଁ ଶାହାରୁଖ ଭୟ କରୁଥିଲେ ଯେ ସୁଟିଂ ସମୟରେ ମୁଁ ଯେମିତି ଉଡ଼ିନଯାଏ ତେଣୁ ସନ୍ତୁଳନ ରକ୍ଷା ପାଇଁ ଦଉଡି ବନ୍ଧା ହୋଇଥିଲା । କିନ୍ତୁ ଯେତେବେଳେ ମୋ ଅଣ୍ଟାରୁ ରକ୍ତ ବାହାରିବା ଆରମ୍ଭ ହେଲା, ସେଟରେ ଥିବା ସମସ୍ତେ ଚିନ୍ତିତ ହେଲେ ।

ଏହି ଦୁର୍ଘଟଣା ପରେ ଶାହାରୁଖଙ୍କ ଠାରୁ ଆରମ୍ଭ କରି ଚଳଚ୍ଚିତ୍ରର ପୂରା ଟିମ ସମସ୍ତେ ମୋର ବହୁତ ଯତ୍ନ ନେଇଥିଲେ। ସେଥିପାଇଁ ଆଜି ବି ଯେତେବେଳେ ମୁଁ ଏହି ଗୀତକୁ ମନେ ପକାଉଛି ସେତେବେଳେ ମୁଁ ଖୁସି ଅନୁଭବ କରେ ...

ଏଠାରେ କହିରଖୁଛୁ ଯେ, ଆଜିକାଲି ମଲାଇକା ତାଙ୍କ ବ୍ୟକ୍ତିଗତ ଜୀବନକୁ ନେଇ ବେଶ୍ ଚର୍ଚ୍ଚାରେ ରହିଛନ୍ତି। ଏହି ଅଭିନେତ୍ରୀ ନିଜ ଅପେକ୍ଷା ବହୁତ ସାନ ଅଭିନେତା ଅର୍ଜୁନ କପୁରଙ୍କୁ ଡେଟ କରୁଛନ୍ତି। ଯାହାର ଫଟୋ ପ୍ରାୟତଃ ସମୟରେ ଭାଇରାଲ୍ ହୋଇଥାଏ ।