Atiq Ahmed Murder: ଗ୍ୟାଙ୍ଗଷ୍ଟାର ଅତିକ୍ ର ମୃତ୍ୟୁ ପରେ କାହାର ଲାଭ, କାହାର କ୍ଷତି...

Atiq Ahmed Murder News In Odia: ପୋଲିସ ହେପାଜତରେ ମାଫିଆ ଡନ୍ ଅତିକ୍ ଅହମ୍ମଦ ଏବଂ ତାଙ୍କ ଭାଇ ଅଶରଫର ହତ୍ୟା ଘଟଣା ଉତ୍ତରପ୍ରଦେଶର ସମାନ ଆଇନ ଶୃଙ୍ଖଳା ପରିସ୍ଥିତି ଉପରେ ପ୍ରଶ୍ନବାଚୀ ସୃଷ୍ଟି କରିଛି ଯାହା ଦୁଇ ଦିନ ପୂର୍ବେ ପ୍ରଶଂସା କରାଯାଉଥିଲା। ପୋଲିସ୍ ହେପାଜତରେ କୌଣସି ବ୍ୟକ୍ତିଙ୍କ ମୃତ୍ୟୁ ଏକ ସାଧାରଣ ଘଟଣା ନୁହେଁ, ପ୍ରୟାଗରାଜ ପୋଲିସର କାର୍ଯ୍ୟଦକ୍ଷତା ଏବଂ କାର୍ଯ୍ୟକାରିତା ଉପରେ ଏକ ପ୍ରଶ୍ନ ଚିହ୍ନ ରହିଛି। କିନ୍ତୁ, ଏହା ବ୍ୟତୀତ ସବୁଠାରୁ ବଡ ପ୍ରଶ୍ନ ହେଉଛି ଅଭିଯୁକ୍ତ ମାନେ ଅତି୍କ୍ ଅହମ୍ମଦ ଏବଂ ଅଶରଫ ଙ୍କୁ କାହିଁକି ହତ୍ୟା କଲେ? ଏହି ଦୁଇଜଣଙ୍କୁ ହତ୍ୟା କରିବାର ଉଦ୍ଦେଶ୍ୟ କ’ଣ? ହତ୍ୟା ପଛରେ କେହି ଅଛନ୍ତି କି?

ଏପରି ଅନେକ ପ୍ରଶ୍ନ ଅଛି, ଯାହାର ଉତ୍ତର ହତ୍ୟାକାରୀଙ୍କ ଅନୁସନ୍ଧାନ ଏବଂ ପଚରାଉଚରା ସମୟରେ ଜଣାପଡିବ, କିନ୍ତୁ ଏହି ହତ୍ୟାକାଣ୍ଡରେ ସନ୍ଦେହର ଚେର ଆଇଏସଆଇରୁ ସ୍ଥାନୀୟ ବଡ଼ ବଡ଼ ନେତା, ଅଧିକାରୀ ଏବଂ ଶତ୍ରୁ ଆଡକୁ ଯାଉଛି। ଅତିକ୍ ଏବଂ ଅଶରଫଙ୍କ ହତ୍ୟାରେ କିଏ ଉପକୃତ ହୋଇଛି? ଏହା ସତ ଯେ ଅତିକ୍ ଏବଂ ଅଶରଫଙ୍କ ବଞ୍ଚିବା ଦ୍ୱାରା ଅନେକ ଘର ଉଜୁଡ଼ିଛି ଓ ଅନେକ କ୍ଷତିଗ୍ରସ୍ତ ହୋଇଛି। ତେବେ ଅତିକ୍ ଓ ଅଶରଫକୁ ହତ୍ୟା କରିଥିବା ତିନି ଅଭିଯୁକ୍ତ ଅତୀତରେ ଜେଲ ଯାଇ ସାରିଛନ୍ତି । ଏମିତିରେ ତିନି ଅଭିଯୁକ୍ତ ଉତ୍ତର ପ୍ରଦେଶର (Uttar Pradesh) ବିଭିନ୍ନ ଜିଲ୍ଲାରୁ ଆସି ଯେ କେବଳ ରାଗ ସୁଝାଇବାକୁ ଏତେ ବଡ ଅପରାଧୀକୁ ରାସ୍ତାରେ ମାରିଦେବେ ସେନେଇ ବି ମଧ୍ୟ ପ୍ରଶ୍ନ ଉଠୁଛି।

ଅତିକ୍ ଏବଂ ଅଶରଫ ସହ ପୋଲିସର ପଚରାଉଚରା ସମୟରେ ପାକିସ୍ତାନୀ ଏଜେନ୍ସି ଆଇଏସଆଇ (Pakistani Agency Asi) ଜରିଆରେ ପଞ୍ଜାବର ପାକିସ୍ତାନ ସୀମାରେ ହତିଆରର ନେଣଦେଣର କଥା ମଧ୍ୟ ସାମ୍ନାକୁ ଆସିଛି । ଅତିକ୍ ଲସ୍କର ଏ ତୋଏବା ସହ ସମ୍ବନ୍ଧରେ ଥିବା କଥା ମଧ୍ୟ ବଞ୍ଚିଥିବା ବେଳେ ସ୍ୱିକାର କରିଛି। ଏହି ମାମଲାରେ ଏନଆଇଏ ମଧ୍ୟ ଅତିକ ଓ ତା ଭାଇ ସହ ପଚରାଉଚରା କରିଥିଲା । ଏଟିଏସ ଅତିକ୍ ଓ ତା ଭାଇ ଅଶରଫକୁ ପଞ୍ଚାବ ନେଇ ଛାନଭିନ କରିବାକୁ ଚାହୁଁଥିଲା । ଏମିତିକି ଏଟିଏସ ପଞ୍ଜାବରୁ ସଞ୍ଚାଳିତ ଆଇଏସଆଇର ନେଟୱାର୍କକୁ(ISI Network) ଧରିବା ପାଇଁ ବହୁତ ପାଖାପାଖି ଥିଲା। ଏ ପ୍ରଶ୍ନ ବି ଉଠିବା ସ୍ୱାଭାବିକ ଯେ ଏହି ନେଟୱାର୍କ ଧରାପଡ଼ିବା ମାତ୍ରେ ମାଫିଆ, ନେତା ଓ ବଡ଼ ବଡ଼ ଅଧିକାରୀ ମାନେ ଫସିଥାନ୍ତେ । ହେଲେ ତା ପୂର୍ବରୁ ଖେଳ ଖତମ୍। 

ଏମିତିରେ ବି ଅତିକ୍ ଅହମ୍ମଦ ଅନେକ ରାଜନୈତିକ ଦଳ (Political Party Link) ସହ ସମ୍ପର୍କ ଥିଲା । ଏମିତିକି ସମାଜବାଦୀ ପାର୍ଟି ଦଳରୁ ସେ ଅନେକ ଥର ବିଧାୟକ ଓ ସାଂସଦ ମଧ୍ୟ ରହିଛନ୍ତି। ଯାହା ଫଳରେ ଅତିକ୍ ର ସାହାସ ବଢି ବଢି ଚାଲିଥିଲା। ଯାହା ଦ୍ୱାରା ସେ ଅନେକ ଲୋକଙ୍କ ଜମି ଟଙ୍କାକୁ ମଧ୍ୟ ହଡ଼ପ କରିଥିବା ଅପରାଧୀକ ମାମଲା ରହିଛି । ଏହା ସମ୍ଭବ ଯେ ନେତାଙ୍କ ସହ ଅଧିକାରୀଙ୍କ ଟଙ୍କା ମଧ୍ୟ ଏହି ନେଟୱାର୍କରେ ଜଡିତ ଅଛି। ଅତିକ୍ ର ପୁଅ ଅସାଦଙ୍କ ମୃତ୍ୟୁ ପରେ ଅତିକ୍ ପୂରାପୂରି ଭାବେ ଭିତରୁ ଭାଙ୍ଗିଯାଇଥିଲା। ତେବେ ଏପରି କୌଣସି ଦଳ, ନେତା କିମ୍ବା ଅଧିକାରୀ ଭୟ କରୁଥିଲେ ଯେ ଅତିକ୍ ପୋଲିସ୍ ନିକଟରେ ତାଙ୍କର ରହସ୍ୟ ପ୍ରକାଶ ନ କରିଦେଉ।

Also Read: Atiq Ahmed Murder Case: ବେନାମୀ ସମ୍ପତି ପାଇଁ ଅତିକ୍-ଅସରଫଙ୍କୁ ହତ୍ୟା! ଫସିବେ ଏହି ୪ ବଡ଼ ବ୍ୟବସାୟୀ

Also Read: Crime News: କ୍ଲାସ ଟପ୍ପରରୁ ହଠାତ୍ ପାଲଟିଗଲେ ସିରିୟଲ କିଲର, ଜାଣନ୍ତୁ କେମିତି ଖୋଲିଲା କିଲର ଯୁବତୀଙ୍କ ପୋଲ୍