Indian Rice: ସରକାରଙ୍କ ନିଷ୍ପତ୍ତିରେ ଖାଉଟି ଖୁସ୍ ,ଚାଷୀ ହତାସ୍

Rice Price: ଚାଉଳ ଦର ବୃଦ୍ଧିକୁ ଦେଖି ସରକାର ଗୁରୁବାର ଏକ ବଡ ନିଷ୍ପତ୍ତି ନେଇଛନ୍ତି। ଗୋଟିଏ ପଟେ ଅଣ-ବାସୁମତି(non-basmati rice) ଚାଉଳ ରପ୍ତାନି ଉପରେ ୨୦ ପ୍ରତିଶତ ଟିକସ ଲାଗୁ କରାଯାଇଛି ଏବଂ ଅନ୍ୟ ପଟେ ଭଙ୍ଗା ଚାଉଳ ରପ୍ତାନି ଉପରେ ମଧ୍ୟ ପ୍ରତିବନ୍ଧକ ଲଗାଯାଇଛି। ସରକାରୀ ଗୋଦାମରେ କମ୍ ଷ୍ଟକ୍, ଧାନ ଅମଳରେ ହ୍ରାସ ଏବଂ ଚାଉଳ ରପ୍ତାନୀ ରେକର୍ଡ ଯୋଗୁଁ ସରକାର ଏହାର ରପ୍ତାନି ଉପରେ ଟ୍ୟାକ୍ସ ଲଗାଇବାକୁ ବାଧ୍ୟ ହୋଇଛନ୍ତି । ଯାହାଫଳରେ ଚାଉଳର ମୂଲ୍ୟ କମ ହେବା ନେଇ ସମ୍ଭାବନା ରହିଛି । ତେବେ ଚଳିତ ବର୍ଷ ଏପ୍ରିଲରୁ ଜୁଲାଇ ମଧ୍ୟରେ ୭୩ ଲକ୍ଷ ଟନ୍ରୁ ଅଧିକ ଚାଉଳ ରପ୍ତାନି ହୋଇଛି ।

ଗତ ବର୍ଷ ତୁଳନାରେ ସରକାରୀ ଗୋଡାଉନରେ ଷ୍ଟକ୍ ପ୍ରାୟ ୨୨ ଲକ୍ଷ ଟନ୍ କମ୍ ଏବଂ ଧାନ ଅମଳ ଗତ ବର୍ଷ ତୁଳନାରେ ପ୍ରାୟ ୨୩ ଲକ୍ଷ ହେକ୍ଟର ରୁ କମ୍ ରହିଛି। ଏହି ସବୁ କାରଣରୁ ଘରୋଇ ସ୍ତରରେ ଚାଉଳ ଯୋଗାଣ ସୀମିତ ହୋଇପାରେ ଏବଂ ଏହାକୁ ଧ୍ୟାନରେ ରଖି ସରକାର ଚାଉଳ ରପ୍ତାନିକୁ କଡାକଡି କରିଛନ୍ତି। ତଥାପି, କଠୋରତା ପରେ ମୂଲ୍ୟ କେତେ ହେବ, ତାହା ଦେଖିବାକୁ ପଡ଼ିବ । କାରଣ ଗହମ ରପ୍ତାନି ଉପରେ ପ୍ରତିବନ୍ଧକ ସତ୍ତ୍ୱେ ବଜାରରେ ଗହମର ମୂଲ୍ୟ ବୃଦ୍ଧି ପାଇଛି । ଆପଣଙ୍କୁ କହିବାକୁ ଚାହିଁବୁ ଯେ,ମନ୍ତ୍ରଣାଳୟରୁ ମିଳିଥିବା ସୂଚନା ଅନୁଯାୟୀ ଟେବୁଲ୍ ଚାଉଳର ସଂଖ୍ୟା ମଧ୍ୟ ବୃଦ୍ଧି ପାଇଛି। ଜାନୁଆରୀ ୨୦୨୧ ରେ ଏହି ଟେବୁଲ୍ ଚାଉଳର ମୂଲ୍ୟ ପ୍ରତି  କିଲୋଗ୍ରାମ ପିଛା ୧୯ ଟଙ୍କା  ଥିଲା, ଯାହା ବର୍ତ୍ତମାନ ୨୪ ଟଙ୍କାରେ ପହଞ୍ଚିଛି। ସେହିଭଳି ଏମଏସପି ମଧ୍ୟ ବୃଦ୍ଧି ପାଇଛି। ଗତ ବର୍ଷ ସେପ୍ଟେମ୍ବର ୭ ରେ ଧାନର ଏମଏସପି ୩୦୪୧ ଟଙ୍କା ଥିଲା, ଯାହାକି ଚଳିତ ବର୍ଷ ୩୨୯୧ ଟଙ୍କାକୁ ବୃଦ୍ଧି ପାଇଛି।

ଅଣ-ବାସୁମତି ଚାଉଳ ଉପରେ ୨୦% ରପ୍ତାନି ଶୁଳ୍କ କୁ ନେଇ ସେପଟେ କୃଷକ ଓ  ମିଲର ଖପା । ପର୍ଯ୍ୟାପ୍ତ ଘରୋଇ ଯୋଗାଣକୁ  ସୁନିଶ୍ଚିତ କରିବା ପାଇଁ ଅଣ-ବାସୁମତି ଚାଉଳ ଉପରେ ୨୦ ପ୍ରତିଶତ ରପ୍ତାନି ଶୁଳ୍କ ଲାଗୁ କରିବାକୁ କେନ୍ଦ୍ରର ନିଷ୍ପତ୍ତି, ଏବଂ ଭଙ୍ଗା ଚାଉଳ ଉପରେ ନିଷେଧାଦେଶ କୃଷକ ଏବଂ ଚାଉଳ ମିଲରଙ୍କ ମନରେ ଦୁଃଖ ଭରିଦେଇଛି । ରପ୍ତାନି ଶୁଳ୍କ ପାଇଁ କେନ୍ଦ୍ରକୁ ସମାଲୋଚନା କରି ଭାରତୀୟ କିସାନ ୟୁନିଅନ(Bhartiya Kisan Union)ବା  (ଚାରୁନି)  (Charuni)ମୁଖ୍ୟ ଗୁରୁନାମ ସିଂ(chief Gurnam Singh) କହିଛନ୍ତି ,   “ଚଳିତ ବର୍ଷ ଗହମ, ସୋରିଷ ଏବଂ ଆଳୁର ଅମଳ ହେତୁ କୃଷକମାନେ ଆର୍ଥିକ କ୍ଷତିର ସମ୍ମୁଖୀନ ହୋଇଛନ୍ତି। ବର୍ତ୍ତମାନ ଆମେ ଆଶା କରୁଥିଲୁ ଧାନର ଭଲ ମୂଲ୍ୟ ରହିବ, କିନ୍ତୁ ସରକାରଙ୍କ ନିଷ୍ପତ୍ତି ଚାପ ପକାଇବ ଏବଂ ଅଣ-ବାସୁମତି ଧାନ ମୂଲ୍ୟ କ୍ୱିଣ୍ଟାଲ ୪୦୦ ରୁ ୫୦୦ ଟଙ୍କାକୁ ହ୍ରାସ ପାଇପାରେ। ”

ସରକାରଙ୍କ ଏହି ନିଷ୍ପତ୍ତି ବ୍ୟବସାୟକୁ ପ୍ରଭାବିତ କରିପାରେ ବୋଲି ହରିୟାଣା ରାଇସ୍ ମିଲର୍ସ ଏବଂ ଡିଲର୍ସ ଆସୋସିଏସନ(Haryana Rice Millers and Dealers Association)ର ଅଧ୍ୟକ୍ଷ ଜୁଏଲ ସିଙ୍ଗଲା(chairman,Jewel Singla) ଆଶଙ୍କା ପ୍ରକାଶ କରିଛନ୍ତି । ସେ କହିଛନ୍ତି, “ଉଚ୍ଚ ରପ୍ତାନି ଶୁଳ୍କ କ୍ରେତାଙ୍କୁ ନିରାଶ କରିବ। ରପ୍ତାନି ହ୍ରାସ ପାଇବ ଏବଂ ଏହା ସ୍ଥାନୀୟ ବଜାର ଉପରେ ମଧ୍ୟ ପ୍ରଭାବ ପକାଇବ । ଭଙ୍ଗା ଚାଉଳ ଉପରେ ପ୍ରତିବନ୍ଧକ ମଧ୍ୟ ଡିଲରମାନଙ୍କୁ କଷ୍ଟ ଦେବା ସହିତ ବ୍ୟବସାୟକୁ ପ୍ରଭାବିତ କରିବ । ଭଙ୍ଗା ପରମାଲ ଚାଉଳର ମୂଲ୍ୟ କ୍ୱିଣ୍ଟାଲ ପିଛା ୨,୧୫୧ ଟଙ୍କା ଥିଲା ଯାହାକି ପୂର୍ବରୁ ୧୦୦ ଟଙ୍କା ହ୍ରାସ ପାଇଛି ଏବଂ ଏହା ଆହୁରି ହ୍ରାସ ପାଇପାରେ । ସରକାରଙ୍କର ଏକ ଅତିରିକ୍ତ ଷ୍ଟକ୍ ଅଛି । ଆମେ ଖୁବ୍ ଶୀଘ୍ର ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟରଙ୍କୁ ଭେଟି କେନ୍ଦ୍ର ସହ ଏହି ପ୍ରସଙ୍ଗ ଉଠାଇବାକୁ ଅନୁରୋଧ କରିବୁ। ”

ଅନ୍ୟପଟେ ଅଲ ଇଣ୍ଡିଆ ରାଇସ୍ ରପ୍ତାନିକାରୀ ସଂଘର ପୂର୍ବତନ ସଭାପତି ବିଜୟ ସେଟିଆ( Vijay Setia) ଏହି ନିଷ୍ପତ୍ତିକୁ ସ୍ୱାଗତଯୋଗ୍ୟ ପଦକ୍ଷେପ ବୋଲି କହିଛନ୍ତି। ସେ କହିଛନ୍ତି, “ଧାନ ଚାଷ କମିଯିବା ବେଳେ ଏହା ଏକ ଭଲ ନିଷ୍ପତ୍ତି। ଭଙ୍ଗା ଚାଉଳର ସ୍ଥାନୀୟ ବଜାରରେ ଭଲ ବ୍ୟବହାର ଅଛି । ଯୋଗାଣ ଶୃଙ୍ଖଳା ବଜାୟ ରଖିବା ଏବଂ ସ୍ଥାନୀୟ ବଜାରରେ ମୂଲ୍ୟ ବୃଦ୍ଧି ନହେବା ପାଇଁ ସରକାର ଦେଶର ଲୋକଙ୍କ ସ୍ୱାର୍ଥ ଦୃଷ୍ଟିରୁ ଏହି ନିଷ୍ପତ୍ତି ନେଇଛନ୍ତି ” । ଥାଇଲ୍ୟାଣ୍ଡ ଏବଂ ଭିଏତନାମ(Thailand and Vietnam) ତୁଳନାରେ ଭାରତୀୟ ଚାଉଳକୁ କମ୍ ମୂଲ୍ୟରେ ରପ୍ତାନି କରାଯାଉଥିଲା । ୨୦ ପ୍ରତିଶତ ଶୁଳ୍କ ଅଣ-ବାସୁମତି ପରିବହନକୁ ୩-୪ ନିୟୁତ ଟନ୍ ହ୍ରାସ କରିବ କିନ୍ତୁ ରପ୍ତାନିରୁ ବାସ୍ତବତା ସମାନ ରହିବ । ତେବେ ଶୁଳ୍କ କେବଳ କୃଷିକ୍ଷେତ୍ର ପାଇଁ ଖର୍ଚ୍ଚ ହେବ । ଏମିତି ୩୫ ଟି କିସମ ଅଛି ଯାହାକୁ ବାସୁମତି ଭାବରେ ସୂଚିତ କରାଯାଇଛି, ଯେଉଁଥିରେ କୌଣସି ପ୍ରତିବନ୍ଧକ ନାହିଁ ବୋଲି ସେ କହିଛନ୍ତି।

ମୁଦ୍ରାସ୍ଫୀତି ଉପରେ ଅଙ୍କୁଶ ସାଗିବା ଆରମ୍ଭ ହୋଇଛି ଯାହା ଗତ ଦିନରେ ରେକର୍ଡ ସ୍ତରରେ ପହଞ୍ଚିଥିଲା । ଧୀରେ ଧୀରେ ମୁଦ୍ରାସ୍ଫୀତି ହାର ପୂର୍ବ ତୁଳନାରେ ହ୍ରାସ ହେଉଥିବାର ଦେଖାଯାଉଛି। ମୁଦ୍ରାସ୍ଫୀତି ହାର ଉପରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ବୁଧବାର କହିଛନ୍ତି ଯେ ମୁଦ୍ରାସ୍ଫୀତି ଏକ ସୁଲଭ ସ୍ତରକୁ ଆସିଛି। ସେ କହିଛନ୍ତି ଯେ ଏହି କାରଣରୁ ଦେଶର ଅର୍ଥନୈତିକ ଅଭିବୃଦ୍ଧି ପ୍ରାଥମିକତା ରହିଛି। ଯାହାର ଲାଭ ଖାଉଟିଙ୍କ ପାଖରେ ପହଞ୍ଚିବ ।