ଫସିଲେ ପୁଟିନ

ନୂଆଦିଲ୍ଲୀ: Russia-Ukraine War, Vladimir Putin: ଋଷ ଓ ୟୁକ୍ରେନ ମଧ୍ୟରେ ଲଢ଼େଇ ଜାରି ରହିଛି । ଏହି ସମୟରେ ଫିନଲ୍ୟାଣ୍ଡ (Finland) ଓ ସ୍ୱିଡେନ (Sweden) ନୋଟର ସଦସ୍ୟତା ((NATO Membership) ଗ୍ରହଣ କରିବା ପାଇଁ ଘୋଷଣା କରିପାରନ୍ତି । ନାଟୋ ସଦସ୍ୟତା ପାଇଁ ଫିନଲ୍ୟାଣ୍ଡ ଓ ସ୍ୱିଡେନର ଘୋଷଣା ଏହାର ପ୍ରମାଣ ଯେ ୟୁକ୍ରେନ ଯୁଦ୍ଧ (Ukraine War) ୟୁରୋପୀୟ ଦେଶମାନଙ୍କ ମନୋବଳକୁ ଗଭୀର ଭାବରେ ପ୍ରଭାବିତ କରିଛି ।  ଋଷ (Russia) ର ପଡ଼ୋଶୀ ସ୍ଥିତ ଏହି ଦୁଇ ଦେଶ ଶୀତଳ ଯୁଦ୍ଧ (Cold War) ସମୟରେ ମଧ୍ୟ ସେମାନଙ୍କର ନିରପେକ୍ଷତା ବଜାୟ ରଖିଥିଲେ । ଏହାର କାରଣ ମଧ୍ୟ ହୋଇପାରେ ଯେ ସେମାନେ ପଡ଼ୋଶୀ ସୁପର ପାୱାରକୁ ଅସନ୍ତୁଷ୍ଟ କରିବାକୁ ଚାହୁଁନାହାଁନ୍ତି । କିନ୍ତୁ ପରିବର୍ତ୍ତିତ ପରିସ୍ଥିତିରେ ବର୍ତ୍ତମାନ ଦେଖାଯାଉଛି ଯେ ସୁରକ୍ଷା ଚିନ୍ତା ଋଷର ସମ୍ଭାବ୍ୟ ଅସନ୍ତୋଷଠାରୁ ଅଧିକ ହୋଇପଡ଼ିଛି । ବିଶେଷକରି ଫିନଲ୍ୟାଣ୍ଡର ୧୩୦୦ କିଲୋମିଟର ଲମ୍ବା ସୀମା ଋଷ ସହିତ ଲାଗିଛି । ସେଠାକାର ସରକାରଙ୍କ ଉପରେ ଜନମତ ପାଇଁ ମଧ୍ୟ ଜବରଦସ୍ତ ଚାପ ରହିଛି । ଗତ ସପ୍ତାହରେ କରାଯାଇଥିବା ଏକ ସର୍ଭେ ଅନୁଯାୟୀ, ୭୬ ପ୍ରତିଶତ ଲୋକ ନାଟୋ (NATO) ରେ ଯୋଗଦେବା ସପକ୍ଷରେ ଅଛନ୍ତି । କେବଳ ୧୨ ପ୍ରତିଶତ ଲୋକ ଏହାକୁ ବିରୋଧ କରିଛନ୍ତି ।

ତେବେ ଉଭୟ ଦେଶ ଏପର୍ଯ୍ୟନ୍ତ ଆନୁଷ୍ଠାନିକ ଭାବେ ଏହି ନିଷ୍ପତ୍ତି ଘୋଷଣା କରିନାହାଁନ୍ତି । ରବିବାର ଏହି ଘୋଷଣା ହେବାର ସମ୍ଭାବନା ରହିଛି । କେବଳ ଉଭୟ ଦେଶ ନା କେବଳ ନିଜର ଉଦ୍ଦେଶ୍ୟ ପ୍ରକାଶ କରିଛନ୍ତି, ବରଂ ନାଟୋର ସେକ୍ରେଟେରୀ ଜେନେରାଲ ମଧ୍ୟ କହିସାରିଛନ୍ତି ଯେ ଉଭୟଙ୍କ ଆବେଦନ ଉପରେ ଖୁବ୍ ଶୀଘ୍ର ଏକ ସକରାତ୍ମକ ନିଷ୍ପତ୍ତି ନିଆଯିବ । ଆମେରିକା (America) ମଧ୍ୟ ଏହାର ପକ୍ଷରେ ଅଛି । ଏଭଳି ପରିସ୍ଥିତିରେ ଶୀଘ୍ର ଉଭୟ ଦେଶ ନାଟୋର ସଦସ୍ୟ ହେବେ ବୋଲି ମନେ କରାଯାଉଛି । ଏହା ଋଷର ପ୍ରଭାବ କ୍ଷେତ୍ରରେ ନାଟୋର ବିସ୍ତାରର ପରବର୍ତ୍ତୀ ପଦକ୍ଷେପ ହେବ, ଯାହାକୁ ଋଷ ଯେକୌଣସି ମୂଲ୍ୟରେ ରୋକିବାକୁ କଥା କହୁଛି । ୟୁକ୍ରେନ ଉପରେ ହୋଇଥିବା ଆକ୍ରମଣ ପଛରେ ଋଷର ଏହି ଆଶଙ୍କା ଥିଲା କି ନାଟୋ ତା'ର ପଡୋଶୀ ଦେଶରେ ପହଞ୍ଚିବାକୁ ଚାହୁଁଛି ।

ୟୁକ୍ରେନ (Ukraine) ଏପର୍ଯ୍ୟନ୍ତ ନାଟୋ (NATO) ର ସଦସ୍ୟ ହୋଇପାରି ନାହିଁ, କିନ୍ତୁ ଫିନଲ୍ୟାଣ୍ଡ ସଦସ୍ୟ ହେବା ମାତ୍ରେ ଋଷ ସହିତ ଲାଗିଥିବା ନାଟୋର ସୀମା ଦ୍ୱିଗୁଣିତ ହୋଇଯିବ । ଋଷ ଏହା ଉପରେ ତୀବ୍ର ପ୍ରତିକ୍ରିୟା ରଖିଛି । ସେ ଏହା ମଧ୍ୟ କହିଛି ଯେ, ଯଦି ଏହି ଦୁଇ ଦେଶ ନାଟୋରେ ଯୋଗ ଦିଅନ୍ତି, ତେବେ ସେ କଡ଼ା ପଦକ୍ଷେପ ନେବାକୁ ବାଧ୍ୟ ହେବେ । ସେ ସଙ୍କେତ ଦେଇଛି ଯେ ଏହି ପଦକ୍ଷେପ ନା କେବଳ ଦ୍ୱିପାକ୍ଷିକ ସମ୍ପର୍କକୁ ବରଂ ଉତ୍ତର ୟୁରୋପର ସୁରକ୍ଷା ଓ ସ୍ଥିରତାକୁ ମଧ୍ୟ ଗୁରୁତର ଭାବରେ କ୍ଷତି ପହଞ୍ଚାଇପାରେ, କିନ୍ତୁ ଏହା ସ୍ପଷ୍ଟ କରିନାହିଁ ଯେ ନିଜ ପ୍ରତିକ୍ରିୟାରେ ସେ କେତେ କ'ଣ କରିବ ।

ଏହା ବି ପଢ଼ନ୍ତୁ:-ସରକାରୀ କର୍ମଚାରୀଙ୍କ ଦରମାରେ ପୁଣି ହେବ ବୃଦ୍ଧି! ଫିଟମେଣ୍ଟ ଫ୍ୟାକ୍ଟରକୁ ନେଇ ଆସିଲା ବଡ଼ ଅପଡେଟ୍

ଏହା ବି ପଢ଼ନ୍ତୁ:-'ମୋଦିଜୀ କରିଛନ୍ତି, ନିଶ୍ଚିତ ଭାବରେ ଭାବିଚିନ୍ତି କରିଥିବେ', ୫ ମାସରେ ୪ ଥର ବଢ଼ିଲା ବିଦ୍ୟୁତ ଦର ତ ଲୋକମାନେ କଲେ ଏପରି କଟାକ୍ଷ

ଏହା ବି ପଢ଼ନ୍ତୁ:-ରାହୁଲ ଗାନ୍ଧୀଙ୍କ ଛବି ବଦଳାଇ ହେବ? ଏହି ପ୍ରଶ୍ନ ଉପରେ ପିକେ ମୋଦିଙ୍କ ନାଁ ନେଇ ଦେଲେ ଏପରି ଜବାବ

ୟୁକ୍ରେନ ସହିତ ଯୁଦ୍ଧ ସମୟରେ ମଧ୍ୟ ଋଷର ନେତୃତ୍ୱ ପରମାଣୁ ଅସ୍ତ୍ରଶସ୍ତ୍ର ବ୍ୟବହାର କରିବାକୁ ଧମକ ଦେଇସାରିଛନ୍ତି, କିନ୍ତୁ ପାରମ୍ପାରିକ ଅସ୍ତ୍ରଶସ୍ତ୍ର ଉପରେ ଆଧାରିତ ଯୁଦ୍ଧରେ ତାକୁ ଆଶା ଅନୁଯାୟୀ ସଫଳତା ମିଳିନାହିଁ । ପ୍ରଥମତଃ ଯୁଦ୍ଧ ଆଶା କରାଯାଉଥିବା ସମୟଠାରୁ ଅଧିକ ସମୟ ଟାଣି ନେଇଛି, ଦ୍ୱିତୀୟତଃ ୟୁକ୍ରେନ ଆତ୍ମସମର୍ପଣ କରିବାର କୌଣସି ମୁଡରେ ନାହିଁ । ଏହା ମଧ୍ୟ ସ୍ପଷ୍ଟ ହୋଇଛି ଯେ ଯେଉଁ ନାଟୋର ବିସ୍ତାର ଉପରେ ଭ୍ଲାଦିମିର ପୁଟିନ (Russian President Vladimir Putin) ୟୁକ୍ରେନ ବିରୋଧରେ ଯୁଦ୍ଧ ଆରମ୍ଭ କରିଥିଲେ, ସେ ତାହାକୁ ରୋକିବାରେ ବିଫଳ ହେଉଛନ୍ତି ।