English language will be banned in Italy: ଏହି ଦେଶରେ ବ୍ୟାନ୍ ହେବ ଇଂରାଜୀ ଭାଷା, ସରକାର ପ୍ରସ୍ତୁତ କଲେ ଏକ ଡ୍ରାଟ୍ଫ ବିଲ୍

International News in Odia: ନ୍ୟାସନାଲିଷ୍ଟ ବ୍ରଦର୍ସ ଅଫ୍ ଇଟାଲୀ ପାର୍ଟିର ଆଇନଜୀବୀମାନଙ୍କ ଦ୍ୱାରା ପ୍ରସ୍ତୁତ ଏହି ବିଲ୍ ଇଟାଲୀ ଭାଷାକୁ ପ୍ରୋତ୍ସାହିତ କରିବାକୁ ଲକ୍ଷ୍ୟ ରଖିଛି ଓ ଏହି ନିୟମ ଉଲ୍ଲଂଘନ କଲେ ୧୦୦,୦୦୦ ୟୁରୋ ($୧୦୮,୭୫୦) ପର୍ଯ୍ୟନ୍ତ ଜରିମାନା ଲାଗୁ କରାଯିବା ବ୍ୟବସ୍ତା ରହିଛି । ଏକ ଆଇନ ହେବା ପାଇଁ ସଂସଦର ଉଭୟ ଗୃହ ଦ୍ୱାରା ଏହି ବିଲ୍ ଅନୁମୋଦନ ହେବା ଆବଶ୍ୟକ ହୋଇଥାଏ । କିନ୍ତୁ ଏହା କେବେ ଘଟିବ ତାହାର ବର୍ତ୍ତମାନ କୌଣସି ସୂଚନା ଉପଲବ୍ଧ ହୋଇନାହିଁ ।

ଡ୍ରାଫ୍ଟ ବିଲରେ କୁହାଯାଇଛି ଯେ 'ଏହା କେବଳ ଫ୍ୟାଶନର ବିଷୟ ନୁହେଁ, ଯେପରି ଫ୍ୟାଶନ ଚାଲିଯାଇଥାଏ, ବରଂ ଆଙ୍ଗ୍ଲୋମାନିଆର ସମଗ୍ର ସମାଜ ପାଇଁ ଏହାର ପ୍ରଭାବ ରହିଛି ।

ରାଇଟ୍ରସ ନ୍ୟୁଜ୍ ଏଜେନ୍ସି ରିପୋର୍ଟ ଅନୁଯାୟୀ ଇଟାଲୀ ଭାଷାକୁ ସଂରକ୍ଷଣ ଓ ସମ୍ମାନିତ କରିବାକୁ ଆହ୍ୱାନ କରି ଡ୍ରାଫ୍ଟ ବିଲ୍ ଦାବି କରିଛି ଯେ ଇଂରାଜୀ "ଇଟାଲୀୟ ଲୋକଙ୍କୁ ନିଚା ଦେଖାଉଛି ଓ ଅପମାନିତ କରୁଛି" ଏବଂ ସମସ୍ତ ସରକାରୀ ତଥା ବେସରକାରୀ ସଂସ୍ଥାକୁ ସେମାନଙ୍କ ସାମଗ୍ରୀ ଓ ସେବାକୁ ପ୍ରୋତ୍ସାହିତ କରିବା ପାଇଁ "ଡାଣ୍ଟେ ଭାଷା" ବ୍ୟବହାର କରିବାକୁ ଆହ୍ୱାନ କରିଛି ।

ଡ୍ରାଫ୍ଟରେ ଏହା ମଧ୍ୟ ଉଲ୍ଲେଖ କରାଯାଇଛି ଯେ ସମସ୍ତ କାର୍ଯ୍ୟ ସମ୍ବନ୍ଧୀୟ ପ୍ରୟୋଗଗୁଡ଼ିକ, ନାମ ଏବଂ ଆକ୍ଷରିକ ନାମ ସହିତ ଇଟାଲୀରେ ବନାନ କରାଯିବା ଉଚିତ, ଯଦି କେବଳ ଅନୁବାଦ କରିବା ଅସମ୍ଭବ ତେବେ ବିଦେଶୀ ଶବ୍ଦକୁ ଅନୁମତି ଦିଆଯିବ । ବ୍ରିଟେନରେ ୟୁରୋପୀୟ ୟୁନିଅନ ଛାଡିଥିବା ଯୋଗୁଁ  ୟୁରୋପରେ ଇଂରାଜୀର ବ୍ୟାପକ ବ୍ୟବହାର ଅଧିକ ନକାରାତ୍ମକ ଓ ପରସ୍ପର ବିରୋଧୀ ବୋଲି ଏହି ବିଲ୍‌ରେ କୁହାଯାଇଛି । ଡ୍ରାଫ୍ଟ ବିଲ୍ ଏପରି ଏକ ସମୟରେ ଆସିଛି, ଯେତେବେଳେ ଦୂର-ଦୁରାନ୍ତର ସରକାର ସ୍ଥାନୀୟ ସଂସ୍କୃତିର ସଂରକ୍ଷଣ ପାଇଁ ପଦକ୍ଷେପ ନେଉଛନ୍ତି ।

ନିକଟରେ, ଏହି ଦେଶରେ କୃଷି-ଖାଦ୍ୟ ଐତିହ୍ୟର ସୁରକ୍ଷା ପାଇଁ ଲ୍ୟାବ ଉତ୍ପାଦିତ ଖାଦ୍ୟ ବ୍ୟବହାର ଉପରେ ପ୍ରତିବନ୍ଧକ ଲଗାଇଛି । ଗତ ଅକ୍ଟୋବରରେ ଯେତେବେଳେ ବ୍ରଦର୍ସ ଅଫ୍ ଇଟାଲୀ ପାର୍ଟି କ୍ଷମତା ହାସଲ କରିଥଲା, ସେତେବେଳେ ଏହା ଶିଳ୍ପ ମନ୍ତ୍ରୀଙ୍କ ନାମରେ ଇଂରାଜୀ ଶବ୍ଦ "ମେଡ୍ ଇନ୍ ଇଟାଲୀ" ଯୋଡିଥିଲାବେଳେ, ମେଲୋନି ତାଙ୍କ ଭାଷଣରେ ବେଳେବେଳେ ବିଦେଶୀ ଶବ୍ଦ ବ୍ୟବହାର କରିଥାନ୍ତି ।

ଏହା ବି ପଢନ୍ତୁ: Weird Works: ଆଶ୍ଚର୍ଯ୍ୟ! ପେଟ ଦେଖାଇ ଟଙ୍କା ରୋଜଗାର କରନ୍ତି ଏହି ବ୍ୟକ୍ତି, ଗୋଟିଏ ଦିନରେ ଖାଇଯାଆନ୍ତି ସପ୍ତାହକ ଖାଦ୍ୟ

ଏହା ବି ପଢ଼ନ୍ତୁ: India's Most Expensive Apartment: ୩୬୯ କୋଟି ଟଙ୍କାରେ ବିକ୍ରି ହେଲା ଭାରତର ସବୁଠାରୁ ମହଙ୍ଗା ଆପାର୍ଟମେଣ୍ଟ, ଜାଣନ୍ତୁ କିଏ ଏହାକୁ କିଣିଛି?