DRDO launches indigenous assault rifle Ugram: ଏହାକୁ ସଶସ୍ତ୍ର ବାହିନୀ, ସାମରିକ ବାହିନୀ ଏବଂ ରାଜ୍ୟ ପୋଲିସ୍ ୟୁନିଟ୍ ବ୍ୟବହାର କରିବାକୁ ନେଇ ଡିଜାଇନ୍ କରାଯାଇଛି। ଏହା ସମସ୍ତଙ୍କ ଆବଶ୍ୟକତା ପୂରଣ କରିବାକୁ ସକ୍ଷମ ହେବ।
Trending Photos
5
10
13
12 "DRDO Unveils Ugram")
DRDO Unveils Ugram: ପ୍ରତିରକ୍ଷା କ୍ଷେତ୍ରରେ ଭାରତ ପ୍ରତିଦିନ ନୂଆ ସଫଳତା ହାସଲ କରୁଛି। ଏହି ପ୍ରସଙ୍ଗରେ ଭାରତ ସମ୍ପୂର୍ଣ୍ଣ ଆତ୍ମନିର୍ଭରଶୀଳ ହେବାକୁ ଚେଷ୍ଟା କରୁଛି। ଏଥିପାଇଁ ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (DRDO) ର ପ୍ରୟାସ ଏବଂ ସଫଳତା ଉପରେ ଆଲୋଚନା ଜାରି ରହିଛି। ଏହି ସମୟରେ DRDO ସଶସ୍ତ୍ର ବାହିନୀ ପାଇଁ ସ୍ୱଦେଶୀ ଆକ୍ରମଣ ରାଇଫଲ ଲଞ୍ଚ କରିଛି। DRDO ସୋମବାର ଦିନ ଉଗ୍ରାମ ନାମକ 7.62 x 51 ମିଲିମିଟର କ୍ୟାଲେବରର ଏକ ଅତ୍ୟାଧୁନିକ ଆକ୍ରମଣ ରାଇଫଲ ଲଞ୍ଚ କରିଛି।
ଏହି ରାଇଫଲର ପରିସର୫୦୦ ମିଟର ଏବଂ ଏହାର ଓଜନ ଚାରି କିଲୋଗ୍ରାମରୁ କମ୍ ଅଟେ। DRDO ର ପୁଣେ-ଆଧାରିତ ଆର୍ମାମେଣ୍ଟ ରିସର୍ଚ୍ଚ ଆଣ୍ଡ ଡେଭଲପମେଣ୍ଟ ଏଷ୍ଟାବ୍ଲିସମେଣ୍ଟ (RDA) ଏବଂ ହାଇଦ୍ରାବାଦ ସ୍ଥିତ ଏକ ଘରୋଇ ସଂସ୍ଥା DVPA ଆର୍ମର୍ ଇଣ୍ଡିଆ ପିଭି ଲିମିଟେଡ୍ ସହଯୋଗରେ ଏହାକୁ ବିକଶିତ କରାଯାଇଛି। ଏହାକୁ ସଶସ୍ତ୍ର ବାହିନୀ, ସାମରିକ ବାହିନୀ ଏବଂ ରାଜ୍ୟ ପୋଲିସ୍ ୟୁନିଟ୍ ବ୍ୟବହାର କରିବାକୁ ଡିଜାଇନ୍ କରାଯାଇଛି। ଏ ସମ୍ପର୍କରେ ସୂଚନା ଦେଇ ଜଣେ ଅଧିକାରୀ କହିଛନ୍ତି ଯେ ଏହା ଏହି ସମସ୍ତ ବାହୀନର ଆବଶ୍ୟକତା ପୂରଣ କରିବାରେ ସକ୍ଷମ ହେବ।
ଏହି ରାଇଫଲକୁ DRDO ର ମହାନିର୍ଦ୍ଦେଶକ, ଅସ୍ତ୍ରଶସ୍ତ୍ର ଏବଂ ଯୁଦ୍ଧ ଇଞ୍ଜିନିୟରିଂ (ACE) ସିଷ୍ଟମ ଶୈଳେନ୍ଦ୍ର ଗାଡେ ଉଦ୍ଘାଟନ କରିଥିଲେ। ସୁରକ୍ଷା ବାହିନୀରେ ଏପରି ରାଇଫଲର ଅଭାବ ଯୋଗୁଁ ଏହା ବହୁତ ଗୁରୁତ୍ୱ ବହନ କରେ। ୧୦୦ ଦିନର ରେକର୍ଡ ସ୍ୱଳ୍ପ ସମୟ ମଧ୍ୟରେ ‘ଉଗ୍ରାମ’ ଲଞ୍ଚ କରାଯାଇଛି। ଏହା ହେଉଛି ଏକ ନୂତନ ଓ ମାରତ୍ମକ ଅସ୍ତ୍ର।
ଟାଇମ୍ସ ଅଫ୍ ଇଣ୍ଡିଆର ଏକ ରିପୋର୍ଟ ଅନୁଯାୟୀ, ଋଷ ଏବଂ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ ଯୋଗୁଁ AK-203 ରାଇଫଲ ଆମଦାନୀ ପ୍ରଭାବିତ ହୋଇଛି ବୋଲି ଅଧିକାରୀ ଦାବି କରିଛନ୍ତି। ଏହି ପ୍ରକଳ୍ପ ପାଇଁ DRDO ୬୦ କୋଟି ଟଙ୍କା ଖର୍ଚ୍ଚ କରିଛି। ଏହା ଆମଦାନୀ ଉପରେ ନିର୍ଭରଶୀଳତା ମଧ୍ୟ ହ୍ରାସ କରିବ।
