'ଅଗ୍ନିପଥ'କୁ ନେଇ ଚାଲିଥିବା ବିରୋଧ ମଧ୍ୟରେ ବାୟୁସେନା ମୁଖ୍ୟଙ୍କ ବଡ଼ ବୟାନ; ଏହି ତାରିଖରୁ ଆରମ୍ଭ ନିଯୁକ୍ତି ପ୍ରକ୍ରିୟା

Agneepath Scheme : ସାରା ଦେଶରେ 'ଅଗ୍ନିପଥ ନିଯୁକ୍ତି ଯୋଜନା' ବିରୋଧରେ ଯୁବକମାନେ ବିରୋଧ କରୁଛନ୍ତି । ଉତ୍ତରପ୍ରଦେଶରୁ ଦିଲ୍ଲୀ, ହରିୟାଣା, ରାଜସ୍ଥାନ, ବିହାର, ବଙ୍ଗଳା, ତେଲେଙ୍ଗାନା ପର୍ଯ୍ୟନ୍ତ ଏହି ପ୍ରଦର୍ଶନ ହିଂସାତ୍ମକ ରୂପ ନେଇଛି । ଏହି ସମୟରେ, ଭାରତୀୟ ବାୟୁସେନା ମୁଖ୍ୟ ମାର୍ଶଲ ଭି.ଆର ଚୌଧୁରୀ (VR Chaudhari) କହିଛନ୍ତି ଯେ 'ଅଗ୍ନିପଥ ସ୍କିମ' ଅଧୀନରେ ଭାରତୀୟ ବାୟୁସେନାରେ ଅଗ୍ନିବୀରର ନିଯୁକ୍ତି ୨୪ ଜୁନ୍ ୨୦୧୨ ରୁ ଆରମ୍ଭ ହେବ ।

ଭାରତୀୟ ବାୟୁସେନା ମୁଖ୍ୟ ମାର୍ଶଲ ଭି.ଆର ଚୌଧୁରୀ କହିଛନ୍ତି ଯେ ମୁଁ ଏହା ଘୋଷଣା କରି ଖୁସି ଯେ ଉଚ୍ଚ ବୟସ ସୀମା (ନିଯୁକ୍ତି ପାଇଁ) ୨୩ ବର୍ଷକୁ ସଂଶୋଧିତ କରାଯାଇଛି । ଏହାଦ୍ୱାରା ଯୁବକମାନେ ଉପକୃତ ହେବେ । ଭାରତୀୟ ବାୟୁସେନା ପାଇଁ ନିଯୁକ୍ତି ପ୍ରକ୍ରିୟା ଜୁନ୍ ୨୪ ରୁ ଆରମ୍ଭ ହେବ । ଏୟାର ଚିଫ୍ ମାର୍ଶଲ ଭି.ଆର ଚୌଧୁରୀ ଆଜି 6ଟି ଫରୱାର୍ଡ ବେସ ପରିଦର୍ଶନ କରୁଛନ୍ତି, ଯେଉଁଠାରେ ସେ ଅଗ୍ନିପଥ ଯୋଜନା ବିଷୟରେ ସୈନିକମାନଙ୍କୁ ସମ୍ବୋଧିତ କରିବେ । ଏହାର ଉଦ୍ଦେଶ୍ୟ ହେଉଛି ବାୟୁସେନାର ଶେଷ ବ୍ୟକ୍ତିଙ୍କୁ ଯୋଜନାର ବିବରଣୀ ବ୍ୟାଖ୍ୟା କରିବା ।

#WATCH | India Air Force chief Air Chief Marshal VR Chaudhari says, "Happy to announce that the upper age limit (for recruitment) has been revised to 23 years. This will benefit the youth. The recruitment process for Indian Air Force will begin from 24th June."#Agnipath pic.twitter.com/poZubwsdtJ

— ANI (@ANI) June 17, 2022

ଏହାପୂର୍ବରୁ ଦେଶର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ମଧ୍ୟ ଶୁକ୍ରବାର ସକାଳେ ବିରୋଧ ପ୍ରଦର୍ଶନ କରୁଥିବା ଯୁବକମାନଙ୍କ ପାଇଁ କହିଥିଲେ ଯେ ସରକାର ସେମାନଙ୍କ ଭବିଷ୍ୟତକୁ ଦୃଷ୍ଟିରେ ରଖି ଏକ ନିଷ୍ପତ୍ତି ନେଇଛନ୍ତି । ଅଗ୍ନିପଥ ଯୋଜନା ଯୁବକମାନଙ୍କ ହିତରେ ଅଛି ଓ ଏହାର ନିଯୁକ୍ତି ପ୍ରକ୍ରିୟା ଶୀଘ୍ର ଆରମ୍ଭ ହେବ । “ଗତ ଦୁଇ ବର୍ଷ ଧରି ସଶସ୍ତ୍ର ବାହିନୀରେ ଯୋଗଦେବା ପାଇଁ ସୁଯୋଗ ପାଇ ନ ଥିବା ଯୁବକମାନଙ୍କ ପାଇଁ ସରକାର ଉପର ବୟସ ସୀମାକୁ ୨୧ ବର୍ଷରୁ ୨୩ ବର୍ଷକୁ ବୃଦ୍ଧି କରିବାକୁ ନିଷ୍ପତ୍ତି ନେଇଛନ୍ତି । ନୂତନ ଯୋଜନା ସହିତ ଅଧିକ ଲୋକ ଚାକିରି ପାଇବେ ।"

କହିରଖୁଛୁ ଯେ, କେନ୍ଦ୍ର ସରକାରଙ୍କ ଅଗ୍ନିପଥ ଯୋଜନାକୁ ବିରୋଧ କରି ଦେଶର ଅନେକ ଭାଗରେ ଲଗାତାର ତୃତୀୟ ଦିନ ପାଇଁ ଭୟଙ୍କର ପ୍ରଦର୍ଶନ ଦେଖିବାକୁ ମିଳୁଛି । ବିହାର, ୟୁପି ସମେତ ୧୧ ଟି ରାଜ୍ୟରେ ଯୁବକମାନେ ରାସ୍ତାକୁ ଓହ୍ଲାଇ ଏହି ଯୋଜନା ବିରୋଧରେ ପ୍ରଦର୍ଶନ କରୁଛନ୍ତି । ଅନେକ ରାଜ୍ୟରେ ବିଶୃଙ୍ଖଳିତ ଗୋଷ୍ଠୀ ଟ୍ରେନରେ ନିଆଁ ଲଗାଇ ଦେଇଛନ୍ତି । ବିହାରରେ ବିକ୍ଷୋଭକାରୀମାନେ ପଥର ଫିଙ୍ଗି ଡେପୁଟି ସିଏମ ରେଣୁକା ଦେବୀ ଓ ବିଜେପି ରାଜ୍ୟ ସଭାପତି ସଞ୍ଜୟ ଜୈସ୍ବାଲଙ୍କ ଘରେ ଭଙ୍ଗାରୁଜା କରିଛନ୍ତି ।

ଏହା ବି ପଢ଼ନ୍ତୁ: Agnipath Scheme: ଅଗ୍ନିପଥ ଯୋଜନା କ’ଣ; ଜାଣନ୍ତୁ ଏହାର ଚୟନ, ଯୋଗ୍ୟତା ଓ ଆବେଦନ ପ୍ରକ୍ରିୟା

ଏହା ବି ପଢ଼ନ୍ତୁ: ଭାରତ ଓ ଋଷ ମଧ୍ୟରେ ହେବାକୁ ଯାଉଛି ଏହି ବଡ଼ ଡିଲ୍! ଏହା ଉପରେ ରହିବ ସାରା ଦୁନିଆର ନଜର