ପୁଣି ଚର୍ଚ୍ଚାରେ ଅଭିନେତା ବାବୁସାନ୍ ମହାନ୍ତି, ଜାଣନ୍ତୁ କଣ କହିଛନ୍ତି ସହକଳାକାର

Ollywood News: ସମସ୍ତଙ୍କର ପ୍ରିୟ ହେଉଛନ୍ତି ସୁପରଷ୍ଟାର୍ ବାବୁଶାନ୍ ମହାନ୍ତି। ଏକଥା ଆମେ କହୁନୁ ବରଂ ସୋସିଆଲ ମିଡ଼ିଆରେ ଭାଇରାଲ୍ ହେଉଥିବା କିଛି ଭିଡିଓ କହୁଛି। ଭିଡିଓରେ ଅନେକ ଅଭିନେତା ଅଭିନେତ୍ରୀଙ୍କୁ ପଚରା ଯାଇଛି କେଉଁ ଅଭିନେତା (ହିରୋ) ଆପଣଙ୍କର ବେଶି ପସନ୍ଦ, ଆଉ ସମସ୍ତଙ୍କ ମୁହଁରେ ସେଇ ଗୋଟିଏ ନାଁ 'ବାବୁଶାନ୍ ମହାନ୍ତି'। ପାଠକବନ୍ଧୁ ସୋସିଆଲ ମିଡ଼ିଆରେ ଏମିତି ଦୁଇ ତିନୋଟି ଭିଡିଓ ଭାଇରାଲ୍ ହେଉଛି। ଯାହାକୁ ଆପଣମାନେ ମଧ୍ୟ ବେଶ୍ ପସନ୍ଦ କରିଛନ୍ତି ଆଉ ଦେଖିଛନ୍ତି। 

ଆଉ ସେମାନେ ହେଉଛନ୍ତି, ଅଭିନେତା ସମରେଶ ରାଉତରାୟ, ଅଭିନେତା ଜ୍ୟୋତି ନାୟକ, ଦେବଜାନୀ ଦେଘୁରିଆ, ହରିହର ମହାପାତ୍ର, ଗୀତିକାର ସ୍ଵୟଂ ପାଢ଼ୀ । ଏମିତିକି ଏବେ ସିନେମାକୁ ନେଇ ବିବାଦୀୟ ମନ୍ତବ୍ୟ ରଖୁଥିବା ଅଭିନେତା ମନୋଜ ମିଶ୍ର ମଧ୍ୟ ବାବୁଶାନଙ୍କୁ ପସନ୍ଦ କରନ୍ତି ବୋଲି କହିଛନ୍ତି । ସେ ଏକଥା ମଧ୍ୟ କୁହନ୍ତି କି ଓଡ଼ିଆ ଷ୍ଟାର୍ ମାନଙ୍କ ସହିତ ଏହି କାରଣରୁ ହିଁ ବିବାଦ ଆରମ୍ଭ ହୋଇଥଲା। 

ସେହିପରି ଆମ ଓଲିଉଡ୍ ସିନେମା ଜଗତର ଦିଗଜ ଅଭିନେତା ମିହିର ଦାସ, ବିଜୟ ମହାନ୍ତି ମଧ୍ୟ ବାବୁଶାନଙ୍କୁ ଷ୍ଟାର୍ ଆକ୍ଟର ବୋଲି କହି ଯାଇଛନ୍ତି। କମେଡିଆନ୍ ପପୁ ପମ୍ ପମ୍ କହିଛନ୍ତି ଗୋଟେ ଟୋକା ଯିଏ ଅଭିନୟ ଜାଣିଛି । ଓଲିଉଡର କୁଇନ୍ ବର୍ଷା ପ୍ରିୟଦର୍ଶନୀଙ୍କ ସହ ଅନେକ ଓଲିଉଡ୍ ହିରୋଇନଙ୍କ ମୁହଁରୁ ଶୁଣିବାକୁ ମିଳିଛି କି ବାବୁଶାନ୍ ହେଉଛନ୍ତି ଭର୍ଷାଟାଇଲ ଅଭିନେତା । ଆଉ ଏସବୁ ଦେଖି ପ୍ରଶଂସକ ମଧ୍ୟ ବାବୁଶାନଙ୍କର ଖୁବ୍ ପ୍ରଶଂସା କରିଛନ୍ତି। 

ଓଲିଉଡ୍ ଷ୍ଟାର୍ ବାବୁଶାନ୍ ତାଙ୍କର ପ୍ରତ୍ୟେକ ସିନେମାରେ ଉଭୟ ରୋମାନ୍ସ ଓ କମେଡିର ତଡକା ଭେଟି ଦେଇଥାନ୍ତି । ତାଙ୍କ ଦମଦାର୍ ଅଭିନୟ ପାଇଁ ହିଁ ଖାଲି ଯେ ଦର୍ଶକ ନୁହଁନ୍ତି ସମ୍ପୂର୍ଣ୍ଣ ଓଲିଉଡ୍ ତାଙ୍କର ଦିୱାନା। ତେବେ କେବଳ ସେ ଜଣେ ଭଲ ଅଭିନେତା ନୁହଁନ୍ତି, ସଂଗୀତ ଲେଖକ, ପ୍ରଚ୍ଛଦପଟର ଗାୟକ ଭାବରେ ମଧ୍ୟ ସେ କାମ କରିଛନ୍ତି । ସେ ଅଭିନେତା ଉତ୍ତମ ମହାନ୍ତି ଓ ଅଭିନେତ୍ରୀ ଅପରାଜିତା ମହାନ୍ତିଙ୍କ ପୁଅ । ଓଡ଼ିଆ ସିନେମା ଜଗତର ହିରୋ ଭାବେ ସେ ପ୍ରାୟତଃ ୨୯ରୁ ଅଧିକ ସିନେମା ଭେଟି ଦେଇଛନ୍ତି। 

ଓଡ଼ିଆ କଥାଚିତ୍ର ନିର୍ଦ୍ଦେଶକ ହର ପଟ୍ଟନାୟକ ତାଙ୍କୁ ପ୍ରଥମେ ୨୦୦୯ ମସିହାରେ ରୋମିଓ ଚଳଚ୍ଚିତ୍ରରେ ନାୟକ ରୂପେ ଅଭିନୟ କରିବାର ସୁଯୋଗ ଦେଇଥିଲେ । ମାତ୍ର ଏହି ଚଳଚ୍ଚିତ୍ରଟି ସେତେଟା ସଫଳ ହୋଇନଥିଲା । ୨୦୧୭ ମସିହାରେ ଓଡ଼ିଆ ଫିଲ୍ମ୍ ପାଇଁ ପ୍ରଯୋଜନା ଆରମ୍ଭ କରିଥିଲେ ବାବୁଶାନ୍ । ସୁନାପିଲା- ଟିକେ ସ୍କୃ ଢିଲା ଚଳଚ୍ଚିତ୍ରରେ ସେ ନାୟକ ଏବଂ ପ୍ରଥମ ପ୍ରଯୋଜକ ସାଜିଥିଲେ । ସୁପର ମିଛୁଆ ହେଉଛି ବାବୁଶାନ୍‌ଙ୍କର ସବୁଠୁ ବେଶୀ ପାରିଶ୍ରମିକ ମିଳିଥିବା ଓଡ଼ିଆ ଫିଲ୍ମ । ଚକୋଲେଟରେ ସେ ଅଭିନେତ୍ରୀ ଅର୍ଚ୍ଚିତାଙ୍କ ସହ ନଜର ଆସିଥିଲେ। ଉଭୟ ଯୋଡ଼ିକୁ ଦର୍ଶକ ବେଶ ପସନ୍ଦ କରିଥିଲେ ।  ସେହିପରି ତାଙ୍କର ପ୍ରେମ ଅଢ଼େଇ ଅକ୍ଷର, ଥୁକୁଲ୍, ଦମନ୍ ଆଉ ପାୱାର ମଧ୍ୟ ହିଟ୍ ଫିଲ୍ମ୍ ମଧ୍ୟରୁ ଅନ୍ୟତମ। ଗତ ବର୍ଷ ବାବୁଶାନଙ୍କ ସିନେମା ଦମନକୁ ମିଳିଥିଲା ଜାତୀୟ ଶ୍ରେଷ୍ଠ ଚଳଚ୍ଚିତ୍ର ପୁରସ୍କାର । ଏହା ପରେ ପୁଣି ଥରେ "ଦମନ" ରାଜ୍ୟ ପୁରସ୍କାର ଏଵଂ ବାବୁଶାନଙ୍କୁ ୨୦୨୨ ର ଶ୍ରେଷ୍ଠ ଅଭିନେତା ଭାବରେ ବିବେଚିତ କରାଯାଇଥିଲା। ତାଙ୍କର ବର୍ଷର ଶେଷ ସିନେମାକୁ ମଧ୍ୟ ଦର୍ଶକ ସେତିକି ଭଲ ପାଇବା ଦେଇଥିଲେ । ମୌଳିକ ସିନେମା ସହିତ ବାବୁଶାନଙ୍କ ଦମଦାର୍ ଅଭିନୟ ଦର୍ଶକଙ୍କୁ ଆକର୍ଷିତ କରିଥିଲା ହଲ୍ ଆଡ଼କୁ।

Also Read- ଆସୁଛି Realmeର ନୂଆ ଫୋନ, Samsung-Vivo-Oppoର ବଢିବ ଟେନସନ !

Also Read- Saptahik Rashifal: ନୂଆ ସପ୍ତାହରେ କେଉଁ ତାରିଖ ଆପଣଙ୍କ ପାଇଁ ଶୁଭ ? ଜାଣନ୍ତୁ ରାଶିଫଳ ପଢି