New Wage Code: ଜୁଲାଇ ପହିଲାରୁ ଲାଗୁହେବ ନୂଆ ୱେଜ କୋଡ୍; ମିଳିବ କମ୍ ଦରମା, ବଢ଼ିବ PF

New Wage Code: କେନ୍ଦ୍ର ସରକାରଙ୍କ ନୂଆ ୱେଜ କୋଡ୍ ଜୁଲାଇ ୧ ରୁ କାର୍ଯ୍ୟକାରୀ ହୋଇପାରେ । ଏଥିରେ ଦରମା, ସାମାଜିକ ସୁରକ୍ଷା, ଶିଳ୍ପ ସମ୍ପର୍କ, ବୃତ୍ତିଗତ ସୁରକ୍ଷା, ସ୍ୱାସ୍ଥ୍ୟ ଓ କାର୍ଯ୍ୟ ବ୍ୟବସ୍ଥା ଅନ୍ତର୍ଭୁକ୍ତ । ଯଦି ଏହି ନୂଆ ୱେଜ କୋଡ୍ କାର୍ଯ୍ୟକାରୀ ତେବେ, କାର୍ଯ୍ୟ ସମୟ, ବେତନ, PF ଅବଦାନ, ଗ୍ରାଚ୍ୟୁଟି ଓ କର୍ମଚାରୀଙ୍କ ଅର୍ଜିତ ଛୁଟି ଉପରେ ପ୍ରଭାବ ପକାଇବ । ଯଦିଓ ଏଗୁଡ଼ିକ ପ୍ରାରମ୍ଭିକ କଳ୍ପନାଜଳ୍ପନା । ତେଣୁ ଯେପର୍ଯ୍ୟନ୍ତ ସରକାର ଏହି ନିୟମକୁ ଅଧିକାରିକ ଭାବରେ ଅବଗତ ନକରନ୍ତି । ସେପର୍ଯ୍ୟନ୍ତ କୌଣସି ଠୋସ୍ ଅନୁମାନ କରାଯିବା ଉଚିତ୍ ନୁହେଁ ।

ସମ୍ପ୍ରତି, ୨୩ ଟି ରାଜ୍ୟ ଏହି ନିୟମଗୁଡ଼ିକ ଉପରେ ଡ୍ରାଫ୍ଟ ନିୟମାବଳୀ ପୂର୍ବରୁ ପ୍ରକାଶ କରିଛନ୍ତି । ଏଥି ସହିତ, ଫେବୃଆରୀ ୨୦୨୧ ରେ କେନ୍ଦ୍ର ଏହି କୋଡଗୁଡିକ ଉପରେ ଡ୍ରାଫ୍ଟ ନିୟମ ଚୂଡାନ୍ତ ପ୍ରକ୍ରିୟା ଶେଷ କରିଛି । ସରକାର ଚାରୋଟି ୱେଜ କୋଡକୁ ଅବଗତ କରାଇଥିଲେ । ତେଣୁ କେନ୍ଦ୍ର ଚାହୁଁଛି ଯେ ରାଜ୍ୟଗୁଡିକ ଏହାକୁ ଥରକରେ କାର୍ଯ୍ୟକାରୀ କରନ୍ତୁ।

କମ୍ ହୋଇଯିବ ଦରମା
ୱେଜ କୋଡ୍ ୨୦୧୯ ରେ, ସରକାର ଟେକ-ହୋମ ଦରମାକୁ ହ୍ରାସ କରିପାରନ୍ତି, ଯେତେବେଳେ କି PF ଓ ଗ୍ରାଚ୍ୟୁଟିରେ ବୃଦ୍ଧି ହୋଇପାରେ । ଏହା ହେଉଛି ଯେ ନୂଆ ୱେଜ କୋଡ୍ ରେ କର୍ମଚାରୀଙ୍କ ମୌଳିକ ଦରମା ନେଟ CTC ର ଅତିକମରେ ୫୦% ହେବ । ଯଦି ଏହି ବ୍ୟବସ୍ଥା କାର୍ଯ୍ୟକାରୀ ହୁଏ, କର୍ମଚାରୀମାନେ ସେମାନଙ୍କର ମୌଳିକ ମାସିକ ବେତନର ୫୦ ପ୍ରତିଶତରୁ ଅଧିକ ଭତ୍ତା ଭାବରେ ପାଇପାରିବେ ନାହିଁ ।

ବୃଦ୍ଧି ପାଇବ PF 
କର୍ମଚାରୀଙ୍କ ଗ୍ରାଚ୍ୟୁଟି ଓ PF କଣ୍ଟ୍ରିବ୍ୟୁସନ ବୃଦ୍ଧି ପାଇବ । ଏଥିପାଇଁ କର୍ମଚାରୀଙ୍କ ଟେକ-ହୋମ ସାଲାରି କମ୍ କରଯାଇପାରେ । ଏପରି ସ୍ଥଳେ, ଗ୍ରାଚ୍ୟୁଟି ଓ PF ବୃଦ୍ଧି ହୋଇପାରେ ।

୧୨ ଘଣ୍ଟା କରିବାକୁ ହେବ କାମ
ନୂଆ ୱେଜ କୋଡ୍ ଲାଗୁହେଲେ କର୍ମଚାରୀଙ୍କ କାର୍ଯ୍ୟ ସମୟ ଉପରେ ପ୍ରଭାବ ପକାଇବ ବୋଲି ବିଶେଷଜ୍ଞମାନେ ମତ ଦେଇଛନ୍ତି । ମିଡିଆ ରିପୋର୍ଟ ଅନୁଯାୟୀ, କର୍ମଚାରୀମାନଙ୍କୁ ଗୋଟିଏ ସପ୍ତାହରେ ୪ ଦିନି କାମ କରିବାକୁ ଅନୁମତି ଦିଆଯାଇପାରେ, କିନ୍ତୁ ସେମାନଙ୍କୁ ସେହି ଚାରି ଦିନରେ ୧୨ ଘଣ୍ଟା କାମ କରିବାକୁ ପଡିବ । ଶ୍ରମ ମନ୍ତ୍ରଣାଳୟ ସ୍ପଷ୍ଟ କରିଛି ଯେ ସାପ୍ତାହିକ କାର୍ଯ୍ୟ ସମୟ ୪୮ ଘଣ୍ଟା ହେବା ଜରୁରୀ ।

ଛୁଟି ପଲିସିରେ ପରିବର୍ତ୍ତନ
ଛୁଟି ପଲିସିରେ ଏକ ପରିବର୍ତ୍ତନ ଦେଖିବାକୁ ମିଳିପାରେ । ନୂଆ ୱେଜ କୋଡ୍ ଛୁଟିଦିନ ସଂଖ୍ୟା ବୃଦ୍ଧି କରିବାକୁ ଶ୍ରମିକ ସଂଗଠନ ଦାବି କରୁଛି । ବର୍ତ୍ତମାନ ବିଭିନ୍ନ ବିଭାଗରେ ୨୪୦ ରୁ ୩୦୦ ଛୁଟିଦିନ ଅଛି । କର୍ମଚାରୀମାନେ ୨୦ ବର୍ଷ ସେବା କରିବାପରେ ଛୁଟି ପାଇଁ ନଗଦ ଟଙ୍କା ନେଇପାରିବେ ।

ଏହା ବି ପଢ଼ନ୍ତୁ: President Elections: ଦ୍ରୌପଦୀ ମୁର୍ମୁଙ୍କୁ ମିଳିଲା Z + ସୁରକ୍ଷା, ଶିବ ମନ୍ଦିରରେ ପହଞ୍ଚି ଲଗାଇଲେ ଝାଡୁ

ଏହା ବି ପଢ଼ନ୍ତୁ: Maharashtra Political Crisis: ମଉଲିଲା ଶିବସେନା ସରକାର ବଞ୍ଚିବାର ଆଶା, ଇସ୍ତଫା ଦେବେ ଉଦ୍ଧବ ଠାକରେ!