PM Modi US Visit: ન્યૂયોર્કની ધરતીથી મોદીએ વિશ્વને સમજાવ્યો AIનો અર્થ, PMના ભાષણની 10 મોટી વાતો

PM Modi New York Visit 2024 Speech: ક્વાડ મીટિંગ અને યુએન જનરલ એસેમ્બલી મીટિંગ માટે અમેરિકા પહોંચેલા પીએમ મોદી ન્યૂયોર્કમાં ભારતીયોને સંબોધિત કરી રહ્યા છે. લોંગ આઇલેન્ડ, ન્યૂ યોર્કમાં નાસાઉ કોલિઝિયમમાં પ્રવેશ કરતી વખતે પ્રધાનમંત્રી નરેન્દ્ર મોદીએ ભારતીય ડાયસ્પોરાનું અભિવાદન કર્યું. લોકોએ પણ મોદી-મોદીના નારા લગાવીને તેમનું જોશભેર સ્વાગત કર્યું હતું. આ દરમિયાન તેમણે ભારતીયોને રાષ્ટ્રના રાજદૂત અને રાષ્ટ્રના વિકાસમાં ભાગીદાર ગણાવ્યા હતા. તમે પણ જાણો પીએમ મોદીના ભાષણની 10 મોટી વાતો..

વિવિધતા છતાં આપણે એક થઈ આગળ વધી રહ્યાં છીએ
ન્યુયોર્કના નાસાઉ કોલિઝિયમમાં ભારતીય સમુદાયને સંબોધિત કરતા પ્રધાનમંત્રી નરેન્દ્ર મોદીએ કહ્યું- આજે આપણે જ્યાં જઈએ ત્યાં બધાને પરિવાર માની તેની સાથે ભળી જઈએ છીએ. આપણે તે દેશના વાસી છીએ જ્યાં અનેક ભાષાઓ અને અનેક બોલીઓ છે, વિશ્વના બધા ધર્મ અને આસ્થાઓ છે, છતાં આપણે એક થઈ આગળ વધી રહ્યાં છીએ.

#WATCH | In New York, PM Modi says, "...Only a few days ago, the Paris Olympics concluded. Very soon, you will witness the Olympics in India too. We are putting all possible efforts to host the 2036 Olympics." pic.twitter.com/oN9ml1Ngnl

— ANI (@ANI) September 22, 2024

પીએમ મોદીએ કહ્યું, 'હું હંમેશા તમારી ક્ષમતા, ભારતીય ડાયસ્પોરાની ક્ષમતાને સમજ્યો છું. જ્યારે હું કોઈ સરકારી હોદ્દો ધરાવતો ન હતો ત્યારે પણ હું તેને સમજતો હતો અને આજે પણ સમજું છું. મારા માટે તમે બધા ભારતના મજબૂત બ્રાન્ડ એમ્બેસેડર છો. એટલા માટે હું તમને 'નેશનલ એમ્બેસેડર' કહું છું.

હવે આપણું નમસ્તે પણ ગ્લોબલ થઈ ગયુંઃ પીએમ મોદી
ન્યુયોર્કના નાસાઉ કોલિઝિયમમાં ભારતીય સમુદાયને સંબોધિત કરતા પીએમ મોદીએ કહ્યું- નમસ્તે યુએસ, હવે આપણું નમસ્તે ગ્લોબલ થઈ ગયું છે.. આ બધુ તમે કર્યુ છે. તમારો પ્રેમ મારૂ સૌભાગ્ય છે.

ભારતીય ડાયસ્પોરાને સંબોધતા પીએમ નરેન્દ્ર મોદીએ કહ્યું હતું કે, "હું વિશ્વમાં જ્યાં પણ જાઉં છું ત્યાં દરેક નેતા ભારતીય ડાયસ્પોરાના વખાણ કરે છે. ગઈકાલે, રાષ્ટ્રપતિ બાઇડેન મને તેમના ડેલાવેર સ્થિત ઘરે લઈ ગયા. તેમની આત્મીયતા અને હૂંફ મારા હૃદયને સ્પર્શી ગઈ.  140 કરોડ ભારતીયો, અને હું રાષ્ટ્રપતિ બાઇડેન અને સમગ્ર વિશ્વનો આભાર માનું છું, બીજીતરફ ઘણા દેશોમાં લોકતંત્રનો જશ્મન મનાવવામાં આવી રહ્યો છે. લોકતંત્રના આ જશ્નમાં ભારત અને અમેરિકા એક સાથે છે.

#WATCH | Modi&US Event | PM Narendra Modi says, "India's priority is not to increase its pressure in the world but to increase its impact. 'Hum aaag ki tarah jalaane waale nahin, Suraj ki kiran ki tarah roshani dene waale hain'. We don't want our supremacy in the world, but to… pic.twitter.com/38sWAc5ABE

— ANI (@ANI) September 22, 2024

પીએમ મોદીએ દુનિયાને જણાવ્યો AI નો નવો અર્થ
અમેરિકા અને ભારત વચ્ચે વધતી ભાગીદારીનો ઉલ્લેખ કરતા પ્રધાનમંત્રી નરેન્દ્ર મોદીએ કહ્યું, "વિશ્વ માટે AIનો અર્થ આર્ટિફિશિયલ ઈન્ટેલિજન્સ છે, પરંતુ હું માનું છું કે AIનો અર્થ 'અમેરિકન-ભારતીય' છે... અમેરિકા-ભારતની આ ભાવના. અને તે છે. વિશ્વની એઆઈ શક્તિ."

#WATCH | Addressing the Indian diaspora in New York, PM Modi says, "...We are also a strong voice of the Global South...Today, when India says something on a global platform, the world listens. Some time ago when I said that this is not the era of war, its severity was understood… pic.twitter.com/YJSzFGsmEU

— ANI (@ANI) September 22, 2024

ભારતીય સમુદાયને દેશની પ્રગતિ વિશે જાણકારી આપતા પીએમ મોદી બોલ્યા- તમને એક શબ્દ પુષ્પ યાદ રહેશે, પુષ્પ, હું તેને આ પ્રકારે પરિભાષિત કરુ છું પીથી પ્રગતિશીલ ભારત, યૂથી અજેય ભારત, એસથી આધ્યાત્મિક ભારત, એચથી માનવતાને સમર્પિત ભારત અને પીથી સમૃદ્ધ ભારત. 'ફૂલ'ની પાંચેય પાંખડીઓને જોડીને જ આપણે વિકસિત ભારતનું નિર્માણ કરીશું.

2036 ની ઓલિમ્પિક ઈવેન્ટ ભારતમાં જોવા મળશેઃ પીએમ મોદી
પીએમ મોદીએ કહ્યું કે ભારત જલ્દી ઓલિમ્પિકનું આયોજન કરશે. અમે 2036માં યોજાનારી ઓલિમ્પિક માટે પ્રયાસ કરી રહ્યાં છીએ. ભારત હવે કોઈ ક્ષેત્રમાં પાછળ રહેવા ઈચ્છતું નથી. ફિલ્મોથી લઈને કલ્ચર સુધી બધામાં ભારતની ગૂંજ હોવી જોઈએ. અમેરિકાએ કાલે 300 શિલાલેખ અને મૂર્તિઓ ભારતને પરત કરી છે.