વૃક્ષ, છોડને કાપવાથી થાય છે દર્દ, પાણી ન મળતા રાડો પાડે છે, રિસર્ચમાં થયો ખુલાસો

નવી દિલ્હીઃ એક નવા રિસર્ચમાં વૃક્ષ-છોડ વિશે એક ચોંકાવનારો ખુલાસો થયો છે. જ્યારે છોડને લાંબા સમય સુધી પાણી નથી મળતું ત્યારે તેઓ એક-એક ચીસનું ઉત્સર્જન કરે છે. જર્નલ સેલમાં પ્રકાશિક રિસર્ચમાં જાણવા મળ્યું કે, વૃક્ષ-છોડ તણાવ સામે જવાબ રજૂ કરી શકે છે. એટલે કે, સુકાઈ જવા પર અથવા તો તેને કાપવા પર ધ્વનિ ઉત્પન્ન કરી શકે છે. 

 તેલ અવીવ વિશ્વ વિદ્યાલયના વિશેષજ્ઞોએ રિસર્ચમાં જણાવ્યું કે, ટામેટાં અને તંબાકુના છોડ એકબીજા સાથે અવાજ કરે છે. એટલું જ નહીં પણ આ છોડ એટલી જોરથી અવાજ કરે છે કે અન્ય જીવ તેને સાંભળી શકે. છોડ-વૃક્ષો એક સ્થાન પર રહેનારા જીવ છે. તેઓ કાપણી અથવા દુષ્કાળ જેવા તણવાથી ભાગી શકતા નથી. પરંતુ તેઓએ જટિલ બાયોકેમિકલ પ્રતિક્રિયાઓ વિકસાવી છે અને આસપાસના સજીવો દ્વારા ઉત્પાદિત પ્રકાશ, ગુરુત્વાકર્ષણ, તાપમાન, સ્પર્શ અને અસ્થિર રસાયણો સહિતના પર્યાવરણીય સંકેતોના પ્રતિભાવમાં તેમની વૃદ્ધિ ગતિશીલ રીતે બદલવાની ક્ષમતા વિકસાવી છે.

આ પણ વાંચોઃ કંપની કરાવતી હતી ઓવરટાઈમ, યુવતી પહોંચી ગઈ કોર્ટ, સંભળાવ્યો જોરદાર નિર્ણય

આ સંકેતો તેમને તેમની વૃદ્ધિ અને પ્રજનન સફળતાને મહત્તમ કરવામાં, તણાવને તૈયાર કરવામાં અને પ્રતિકાર કરવામાં, ફૂગ અને બેક્ટેરિયા જેવા અન્ય જીવો સાથે પરસ્પર ફાયદાકારક સંબંધો બનાવવામાં મદદ કરે છે. વર્ષ 2019માં સંશોધકોએ જણાવ્યું હતું કે, મધમાખીઓના ગુંજારથી ઝાડ અને છોડના ફૂલોમાં મીઠી પરાગ ઉત્પન્ન થઈ શકે છે. તે જ સમયે કેટલાક અન્ય સંશોધકોએ અરેબિડોપ્સિસના ઘોંઘાટ વિશે જણાવ્યું હતું. સરસવના પરિવારમાં ફૂલોનો છોડ, જે દુષ્કાળનો પ્રતિભાવ છે.

હવે લિલાચ હડનીની આગેવાની હેઠળની ટીમે ટામેટા અને તમાકુના છોડ અને અન્ય પાંચ પ્રજાતિઓ (ગ્રેપવાઈન, હેનબિટ ડેડનેટલ, પિંકશન કેક્ટસ, મકાઈ અને ઘઉં) દ્વારા ઉત્પાદિત હવામાં અવાજો રેકોર્ડ કર્યા છે. આ અવાજો અલ્ટ્રાસોનિક હતા, જે 20-100 kHz ની રેન્જમાં આવતા હતા. તેથી માનવ કાન દ્વારા શોધી અથવા સાંભળી શકાતા ન હતા. તેમના સંશોધનને આગળ ધપાવવા માટે, ટીમે માઈક્રોફોન છોડના દાંડીથી 10 સેમી દૂર મૂક્યા. જે કાં તો દુષ્કાળના સંપર્કમાં હતા અથવા નજીકની જમીનથી અલગ થઈ ગયા.

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube