ગુજરાતથી કુંભ મેળામાં જવા માટે મળશે આ સ્પેશિયલ ટ્રેન, પશ્ચિમ રેલવેએ કરી જાહેરાત

અમદાવાદઃ ઉત્તર પ્રદેશના પ્રયાગરાજમાં જોરશોરથી કુંભ મેળા-2025ની તૈયારીઓ ચાલી રહી છે. મોટી સંખ્યામાં ભક્તો કુંભ મેળામાં જવાના છે. 13 જાન્યુઆરીથી શરૂ થનારો કુંભ મેળો 26 ફેબ્રુઆરી સુધી ચાલશે. ઉત્તર પ્રદેશના પ્રયાગરાજમાં આસ્થાનો મહાકુંભ યોજાશે. દેશ-વિદેશમાંથી 40 કરોડથી વધુ લોકો આ મહાકુંભની મુલાકાત લેવાના છે. જો તમારે પણ કુંભ મેળામાં જવાનું હોય તો રેલવેએ ગુજરાતથી સ્પેશિયલ ટ્રેનની વ્યવસ્થા કરી છે.

રેલવે પણ કુંભ મેળા માટે એટલી જ સજ્જ થઈ છે જેથી દેશભરમાં આવતા શ્રદ્ધાળુઓને અવર-જવરમાં કોઈ અગવડતા ન પડે. પશ્ચિમ રેલવેએ ગુજરાતથી કુલ છ વન-વે ટ્રેનની જાહેરાત કરી છે. જેમાંથી ભાવનગરથી ચાલનારી 3 ટ્રેન ઉપરાંત ઉધના, વલસાડ અને અમદાવાદનો સમાવેશ થાય છે. આજથી મુસાફરો ટ્રેનની સુવિધાનો લાભ લઈ શકશે. તો જાણો વન-વે ટ્રેન અને તેનું સમયપત્રક.

ટ્રેન નંબર 09005 
ઉધના– પ્રયાગરાજ
આજે 6:40 કલાકે રવાના થઈ

ટ્રેન નંબર 09227 
ભાવનગર ટર્મિનસ- પ્રયાગરાજ
1 જાન્યુઆરી, 2025 ના રોજ 14:50 કલાકે ઉપડશે

ટ્રેન નંબર 09225 
ભાવનગર ટર્મિનસ- પ્રયાગરાજ 
1 જાન્યુઆરી, 2025 ના રોજ 20:20 કલાકે ઉપડશે

ટ્રેન નંબર 09009 
વલસાડ- પ્રયાગરાજ 
1 જાન્યુઆરી, 2025 ના રોજ 08.40 કલાકે ઉપડશે 

ટ્રેન નંબર 09489
સાબરમતી– પ્રયાગરાજ
2 જાન્યુઆરી, 2025ના રોજ 11.00 કલાકે ઉપડશે

ટ્રેન નંબર 09229 
ભાવનગર ટર્મિનસ- પ્રયાગરાજ
2 જાન્યુઆરી, 2025ના રોજ 20:20 કલાકે ઉપડશે 

ઉલ્લેખનીય છે કે 13 જાન્યુઆરીથી પ્રયાગરાજમાં મહાકુંભનો પ્રારંભ થશે જે 45 દિવસ સુધી ચાલશે. પ્રયાગરાજના મહાકુંભ-2025માં 40 કરોડ ભક્તો ઉમટે તેવી શક્યતા છે.