Afghanistan માં તાલિબાન સરકાર બનાવવાની ખુબ નજીક, G-7 ની બેઠકમાં આ પ્લાન તૈયાર થયો

નવી દિલ્હી: કાબુલમાં તાલિબાન પોતાની નવી સરકારની જાહેરાત કરવાના ફાઈનલ રાઉન્ડમાં છે. બીજી બાજુ અફઘાનિસ્તાનમાં તાલિબાનના કબજાને લઈને મંગળવારે જી-7 દેશોની મહત્વની બેઠક થઈ. આ બેઠકમાં 5 મુદ્દાનો પ્લાન પણ તૈયાર કરાયો. બીજી બાજુ તાલિબાને 31 ઓગસ્ટ સુધી વિદેશી સેનાઓને અફઘાનિસ્તાન છોડવાની ચીમકી પણ આપી દીધી છે. 

જી-7 બેઠકમાં પાંચ મુદ્દાના પ્લાનનો પહેલો પોઈન્ટ છે અફઘાનિસ્તાનમાં ફસાયેલા લોકોને બહાર કાઢવા. બીજો પોઈન્ટ છે આતંકનો ભોગ બનેલા લોકોની મદદ કરવી. ત્રીજો પોઈન્ટ છે માનવતાના આધારે અફઘાન લોકોની મદદ  કરવી. ચોથો પોઈન્ટ છે અફઘાનિસ્તાનના લોકોની કાનૂની રૂટથી સુરક્ષિત જગ્યાએ પહોંચાડવા. અને પાંચમો પોઈન્ટ છે અફઘાનિસ્તાનમાં નવી સરકાર સાથે ડીલ કરવાની સ્પષ્ટ નીતિ બનાવવી. 

Afghanistan સંકટ પર PM મોદીએ રશિયાના રાષ્ટ્રપતિ પુતિન સાથે ફોન પર કરી વાત

તાલિબાને 31 ઓગસ્ટ સુધીમાં વિદેશી સેનાઓને અફઘાનિસ્તાન છોડવા જણાવી દીધુ છે. આ નિવેદનને તાલિબાનની વોર્નિંગ તરીકે જોવામાં આવી રહ્યું છે. મંગળવારનો દિવસ અફઘાનિસ્તાન માટે ખુબ મહત્વનો રહ્યો. મંગળવારે તાલિબાનનું ગનતંત્ર, તાલિબાની રાષ્ટ્રપતિની રેસ અને જી-7માં મંથન એટલે કે પહેલું તો એ કે અફઘાનિસ્તાન પર તાલિબાનો કસાતો સકંજો, બીજુ, અફઘાનિસ્તાનમાં તાલિબાન સરકારના મુખિયાને લઈને ચાલી રહેલો બેઠકનો અંતિમ દોર, ત્રીજુ અફઘાનિસ્તાનમાં તાલિબાન રાજને લઈને જી-7ની ઈમરજન્સી બેઠક. 

જો કે તાલિબાનની વોર્નિંગ પર દુનિયાનું જે રિએક્શન આવ્યું છે અને કાબુલથી જે તસવીરો પણ સામે આવી છે તે જોતા સ્પષ્ટ છે કે 31 ઓગસ્ટ બાદ પણ અફઘાનિસ્તાનમાં નાટો સેના હાજર રહેશે. આ બધા વચ્ચે કાબુલમાં તાલિબાનના ટોપ લીડર મુલ્લા બરાદર સાથે અમેરિકી ગુપ્તચર એજન્સી સીઆઈએના ડાયરેક્ટરની મુલાકાત થઈ. અફઘાનિસ્તાન પર તાલિબાનના કબજા બાદ બાઈડેન પ્રશાસન અને તાલિબાન વચ્ચે આ પહેલી ટોપ લેવલની બેઠક છે. રણનીતિ હેઠળ સીઆઈએ ડાયરેક્ટર વિલિયમ બર્ન્સ અને મુલ્લા બરાદર સાથેની મુલાકાતને ગુપ્ત રાખવામાં આવી. 

US રાષ્ટ્રપતિ જો બાઈડેને કરી મોટી જાહેરાત, જે અફઘાનીઓએ યુદ્ધમાં મદદ કરી તેમને અમેરિકામાં આપશે શરણ

અહીં ખાસ એ જોવાનું કે સીઆઈએએ જ 2010માં જાસૂસી  કરીને પાકિસ્તાનમાં મુલ્લા બરાદરની ધરપકડ  કરાવી હતી. આજે એ જ બરાદર સાથે સીઆઈએના ચીફ બેઠક કરી રહ્યા છે.

દુનિયાના સાત શક્તિશાળી દેશોનો સમૂહ જી-7
આ બાજુ જી-7ની વાત કરીએ તો દુનિયાની સાત મોટી શક્તિઓ એટલે કે યુકે, કેનેડા, ફ્રાન્સ, જર્મની, ઈટાલી, જાપાન અને અમેરિકાએ અફઘાનિસ્તાન પર બેઠક યોજી. જી-7માં આમ તો આંતરરાષ્ટ્રીય અર્થવ્યવસ્થા, આંતરરાષ્ટ્રીય સુરક્ષા અને ઉર્જા નીતિ જેવા મુદ્દાઓ પર ચર્ચા થાય છે. આ વખતે અફઘાનિસ્તાનના હાલાત પર બ્રિટનના પ્રધાનમંત્રી બોરિસ જ્હોન્સને ઈમરજન્સી બેઠક  બોલાવી. બેઠક પહેલા બોરિસે ટ્વિટર પર જાહેરાત કરતા કહ્યું હતું કે આજે હું અફઘાનિસ્તાનમાં સંકટ પર એક ઈમરજન્સી જી-7 બેઠક આયોજિત કરીશ. બ્રિટન આ વર્ષે જી-7 દેશોની અધ્યક્ષતા કરી રહ્યું છે. 

બેઠકમાં આ 4 મુદ્દા મહત્વના રહ્યા
1. તાલિબાનને અધિકૃત માન્યતા આપવી કે નહીં
2. તાલિબાન પર કેટલાક પ્રતિબંધો લાગૂ કરવા
3. મહિલાઓના અધિકારોની ગેરંટી સુનિશ્ચિત કરવી
4. તાલિબાનને આંતરરાષ્ટ્રીય નિયમોનું પાલન કરવા માટે બાધ્ય કરવું

આ બધા વચ્ચે કેનેડા તાલિબાનને લઈને એકદમ ક્લિયર છે. કેનેડાએ સ્પષ્ટ કરી દીધુ છે કે તાલિબાન એક આતંકી સંગઠન છે અને તેને માન્યતા મળવી જોઈએ નહીં. જ્યારે ફ્રાન્સે 31 ઓગસ્ટ બાદ પણ અફઘાનિસ્તાનમાં પોતાના સૈન્યની હાજરીની વાત કરી છે. બ્રિટન વેઈટ એન્ડ વોચની સ્થિતિમાં છે. અમેરિકા તાલિબાન સાથે વાર્તાના પક્ષમાં છે. જ્યારે જર્મની  અને ઈટાલીનું સ્ટેન્ડ ન્યૂટ્રલ છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube