પત્ની, ક્રિકેટર નબી સહિત 51 અંગત લોકોને સાથે લઈને Russian Aircraft માં UAE ભાગ્યા Ashraf Ghani!

કાબુલ: અફઘાનિસ્તાન (Afghanistan) ના રાષ્ટ્રપતિ અશરફ ગની (Ashraf Ghani) પોતાના 51 નજીકના લોકો સાથે દેશ છોડીને ભાગી ગયા છે. સ્થાનિક મીડિયા અનુસાર, ગની સાથે તેની નજીકના લોકો પણ હતા, જે કાબુલ પર તાલિબાન (Taliban) ના કબજા પહેલા ભાગી ગયા હતા. બધા રશિયન વિમાન દ્વારા સંયુક્ત આરબ અમીરાત (UAE) ભાગી ગયા છે. તમને જણાવી દઈએ કે રાષ્ટ્રપતિ ગની દેશ છોડનારા પ્રથમ લોકોમાં સામેલ છે. આરોપો છે કે તેણે પોતાની સાથે નોટોથી ભરેલી બેગ લીધી છે. જોકે, અશરફ ગની આ આરોપોને નકારી રહ્યો છે.

પત્ની અને ક્રિકેટર નબીને પણ સાથે લઈને ભાગ્યા અશરફ ગનીઃ
'અફઘાન ઈન્ટરનેશનલ'એ તેના અહેવાલમાં જણાવ્યું છે કે તાલિબાન સત્તા સંભાળે તે પહેલા જ રાષ્ટ્રપતિ અશરફ ગની (Ashraf Ghani) દેશ છોડીને UAE ગયા હતા. રાષ્ટ્રપતિની પત્ની રુલા ગની, અફઘાનિસ્તાનના ભૂતપૂર્વ રાષ્ટ્રીય સુરક્ષા સલાહકાર હમદુલ્લા મોહિબ અને ક્રિકેટર મોહમ્મદ નબી (Cricketer Nabi) સહિત તેમના 51 નજીકના મિત્રો પણ તેમની સાથે ભાગી ગયા છે. આ બધા રશિયન વિમાન (Russian Aircraft) દ્વારા અફઘાનિસ્તાનથી નીકળી ગયા હતા.

افغانستان اینترنشنال به لیست افراد نزدیک اشرف غنی، رییس جمهور برکنار شده افغانستان دست یافته است که یکجا با او از کابل به امارات متحده عربی پناهنده شده اند. pic.twitter.com/pn0vYpOeB6

— افغانستان اینترنشنال - خبر فوری (@afintlbrk) August 18, 2021

ગની પસ શકંજો કસવાની તૈયારીઃ
કાબુલમાં રશિયન દૂતાવાસે તાજેતરમાં અહેવાલ આપ્યો હતો કે અફઘાનિસ્તાનના રાષ્ટ્રપતિ અશરફ ગની ચાર કાર અને રોકડ ભરેલું હેલિકોપ્ટર લઈને ભાગી ગયા હતા. પહેલા તેને ઓમાન અને તાજિકિસ્તાનમાં રહેવાનું કહેવામાં આવતું હતું, પરંતુ હવે એવું કહેવામાં આવી રહ્યું છે કે તે હાલમાં યુએઈમાં છે. દરમિયાન, ગની પર સકંજો કસવાની તૈયારીઓ પણ શરૂ થઈ ગઈ છે. તાજિકિસ્તાન (Tajikistan) માં અફઘાન દૂતાવાસે ઈન્ટરપોલને અશરફ ગનીને કસ્ટડીમાં લેવા કહ્યું છે.

દેશ છોડવા મુદ્દે રાષ્ટ્રપતિ (President) ગનીએ આપી સફાઈઃ
ટોલો ન્યૂઝે સૂત્રોને ટાંકીને જણાવ્યું હતું કે એમ્બેસીએ ઈન્ટરપોલને અશરફ ગની, હમદલ્લાહ મોહિબ અને ફઝલ મહમૂદ ફઝલીને જાહેર સંપત્તિની ચોરીના આરોપમાં અટકાયત કરવા કહ્યું છે જેથી પૈસા અફઘાનિસ્તાન પરત કરી શકાય. બીજી બાજુ, અશરફ ગનીએ દેશ છોડવા પર ફરી એકવાર સ્પષ્ટતા કરી છે. તેમણે પૈસા લઈને ભાગવાના આરોપોને ફગાવી દીધા છે અને કહ્યું છે કે જો ગની દેશ છોડીને ન ભાગ્યા હોત તો અફઘાનિસ્તાનમાં વધુ મોટો રક્તપાત થાત.