દેશના સીમાડાઓની રક્ષા કરતાં વડોદરાનો વધુ એક જવાન વીરગતિ પામ્યો છે. વડોદરાનાં ગોરવા વિસ્તારમાં રહેતાં બીએસએફ જવાન સંજય સાધુ આસામ સરહદે પેટ્રોલીંગ દરમ્યાન શહીદ થયાં હતાં. જેને પગલે વડોદરામાં તેમનાં પરિવારમાં ગમગીનીનો માહોલ છવાયો છે. આસામમા શહીદ થયેલા જવાન સંજય સાધુનો પાર્થિવ દેહ વડોદરામાં લવાઇ રહ્યો છે. ત્યારે રાષ્ટ્રીય સન્માન સાથે જવાનને અંતિમ વિદાય આપવામાં આવશે. જવાનને ગાર્ડ ઓફ ઓનર આપીને અંતિમ વિદાય આપવામાં આવશે.