હૈદરાબાદ પોલીસના સાહસ બાદ ઝી 24 કલાકે ગુજરાતી મહિલાઓ સાથે વાત કરી તો તમામે પોલીસના આ સાહસને બિરદાવ્યું હતું. ગુજરાતની મહિલાઓ રાજકોટની પીડિત બાળકી અને વડોદરાની સગીર યુવતીને ન્યાય મળે તેવી આશા વ્યક્ત કરી રહ્યાં છે. હૈદરાબાદ ગેંગરેપના ચારેય આરોપીઓને પોલીસ એન્કાઉન્ટરમાં ઠાર કર્યા છે. આ એન્કાઉન્ટર નેશનલ હાઈવે નંબર 44 પર થયું છે. પ્રાપ્ત થતી માહિતી મુજબ દુષ્કર્મ અને હત્યાના આરોપીઓને ક્રાઈમ સીન રિક્રિએટ કરવા માટે નેશનલ હાઈવે નંબર 44 પર લઈ ગયા હતા. ત્યારે પોલીસના જણાવ્યા મુજબ ચારેય આરોપીઓએ ભાગવાનો પ્રયાસ કરતાં પોલીસે ચારેય આરોપીઓને ઠાર કર્યા છે.