જામનગરમાં પ્રોફેસરની કાર પર ફાયરિંગની ઘટનામાં ભાજપના કોર્પોરેટર અતુલ ભંડેરીનું નામ ખુલ્યું છે. પોલીસે અતુલ ભંડેરીની ધરપકડ કરી છે. આ મામલે જામનગર કોર્પોરેશનના વિપક્ષ કોંગ્રેસે આવેદન પાઠવી પાર્ટીમાંથી સસ્પેન્ડ કરવાની માગ કરી છે. વિપક્ષે આક્ષેપ કર્યો છે કે અતુલ ભંડેરી આ અગાઉ પણ સરકારી ખરાબાની જમીન પર કબજો કરી દુકાનનું બાંધકામ કરવામાં આવ્યું છે. તેમ છતા તેની સામે કોઇ પગલા લેવામાં આવ્યા નથી. ત્યારે અતુલ ભંડેરી વિરુદ્ધ શિક્ષાત્મક પગલા લેવામાં આવે તેવી માગણી કોંગ્રેસ તરફથી કરવામાં આવી છે.