અમદાવાદ શહેર પોલીસને આ વર્ષે પણ નવી 5 બાઈક ભેટમાં મળી છે અને જે બાઈકો સેકટર-2ના પોલીસ સ્ટેશનને આપવામાં આવી છે. ગત વર્ષ પણ ખાનગી કંપની દ્રારા 5 બાઈકો શહેર પોલીસને ભેટમાં આપવામાં આવી હતી અને જે સેકટર-1ને સોંપવામાં આવી હતી. શહેર પોલીસ કમિશનરનુ કહેવુ છે કે આ વર્ષે 250 સીસીની બાઈક મળી છે અને જે પેટ્રોલિંગમાં કામ આવશે સાથો સાથ આરોપી જે બાઈક લઈ ગુનાઓ કરવામાં આવે છે તે માટે પણ ઉપયોગી સાબિત થશે. નોંધનીય છે કે આ બાઈકમાં સાયરન સહિત પોલીસ સુચના આપી શકે તે માટે ખાસ વ્યવસ્થા કરવામાં આવી છે અને જેમાં હેલ્મેટ સાથે કોઈ પણ સુચના ચાલુ બાઈકે આપી શકે તે તમામ વ્યવસ્થા કરવામાં આવી છે.