Whatsapp દ્વારા થઈ રહ્યું છે OTP સ્કેમ, તમારે સાવધાન રહેવાની છે જરૂર

નવી દિલ્લી: સોશિયલ મેસેજિંગ એપ વોટ્સ એપનો ઉપયોગ સતત વધતો જઈ રહ્યો છે. એવામાં હવે હેકર્સ પણ આ એપનો ઉપયોગ ફ્રોડ કરવા માટે ઉપયોગ કરવા લાગ્યા છે. હવે એક નવા પ્રકારનું સ્કેમ પણ થઈ રહ્યું છે. જેની લોકોને બહુ ઓછી જાણકારી છે. એવામાં પોતાને સુરક્ષિત રાખવા પડશે. કેમ કે હેકર્સ સ્કેમ દ્વારા ફોનમાં રહેલ તમામ પ્રકારની જાણકારી મેળવી લેશે. આ ગોટાળાને ઓટીપી સ્કેમના નામથી ઓળખવામાં આવે છે.

શું છે આ ગોટાળો?
જ્યારે તમે કોઈ નવા સ્માર્ટફોન પર વોટ્સ એપ સેટ કરો છો. ત્યારે પ્લેટફોર્મ તમારા રજિસ્ટર્ડ નંબર પર એક ઓટીપી મોકલે છે. આ ઓટીપી તમારા લોગીન માટે જરૂરી છે. ઓટીપીને સફળતાપૂર્વક નાંખ્યા પછી તમારું વોટ્સ એપ એકાઉન્ટ શરૂ થઈ જાય છે. ફ્રોડસ્ટર્સ આ પ્રક્રિયાનો લાભ ઉઠાવવા અને પોતાના વોટ્સ એપ એકાઉન્ટ સુધી પહોંચાડવાની યોજના બનાવે છે. એક હેકર પોતાના ફોન પર વોટ્સ એપ ઈન્સ્ટોલ કરે છે. અને તમારો નંબર નાંખે છે. તે તમારા ઓટીપીને હડપ કરવા માટે કોલ કે મેસેજ કરશે. જો તમે વન ટાઈમ પાસવર્ડ નાંખશો. ત્યારે હેકરને તમારું એકાઉન્ટ અને ડેટા સુધીની પહોંચ મળી જશે.

કેન્દ્રની ડિજિટલ સ્ટ્રાઇક, વધુ 43 મોબાઇલ એપ્લિકેશન પર મુક્યો પ્રતિબંધ  

આ પ્રકારનું સ્કેમ છેલ્લા ઘણા સમયથી ચાલી રહ્યું છે. હેકર તમારા ગ્રૂપની ચેટનો ઉપયોગ પોતાની પ્રોડક્શન કે સર્વિસને વધારવા માટે કરી શકે છે. તે તમારી પ્રોફાઈલ તસવીર પણ બદલી શકે છે અને તમારા ખાતા સાથે એક સ્થિતિ જોડી શકે છે.

WhatsApp OTP ગોટાળાથી કેવી રીતે બચશો?
જ્યાં સુધી તમે પાસવર્ડ શેર કરતા નથી. વોટ્સ એપ ઓટીપી ગોટાળાથી બચવું શક્ય છે. આથી જો તમે તમારો ઓટીપી માગવાનો ફોન આવે છે તો વિનમ્રતાથી ઈન્કાર કરી દો અને હેકર દ્વારા કરવામાં આવેલ પ્રયાસ વિશે સાઈબર ક્રાઈમમાં ફરિયાદ કરી દો. પોતાના ડેટાને સુરક્ષિત રાખવાનો બીજો એક ઉપાય બે ફેક્ટર ઓથેન્ટિકેશનને એક્ટિવેટ કરવાનો છે.
 

ટેક્નોલોજી પર તમામ સમાચારો જાણવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube