આ Wi-Fi રાઉટરથી તમે દીવાલની આરપાર જોઈ શકશો, વૈજ્ઞાનિકોએ શોધી કાઢયો નવો રસ્તો

નવી દિલ્હીઃ બાળપણમાં ઘણા લોકો દિવાલની આરપાર જોવાની શક્તિ ઇચ્છતા હોય છે. આ પ્રકારની શક્તિ ધરાવતા સુપરહીરોને ઘણા કાર્ટૂન અથવા સિરિયલોમાં બતાવવામાં આવે છે, પરંતુ વાસ્તવિક જીવનમાં આ માટે મોંઘી ટેક્નોલોજીનો ઉપયોગ કરવામાં આવે છે. આ ટેક્નોલોજીની ઍક્સેસ માત્ર સરકારી એજન્સીઓને જ ઉપલબ્ધ છે અથવા ઉચ્ચ સ્તરીય સુરક્ષા પ્રદાતાઓ આ કરી શકે છે.

Carnegie Mellon યુનિવર્સિટીના વૈજ્ઞાનિકોએ મનુષ્યોને દિવાલોની બીજી બાજુ સેન્સર કરવાની સૌથી સસ્તી રીત શોધી કાઢી છે. વૈજ્ઞાનિકોએ વાઈ-ફાઈ રાઉટરની મદદથી દિવાલની આરપાર જોવાની ટેક્નોલોજી બનાવી છે. તે માત્ર વ્યક્તિનો 3D આકાર જ નહીં બનાવશે, પરંતુ તેના પોઝ વિશે પણ માહિતી આપશે.

ટેકનોલોજી શું છે?
સંશોધકોએ એક સંશોધન પેપર રજૂ કર્યું છે, જેમાં તેમણે Deep Nural Network (Dense Pose)નો ઉપયોગ કેવી રીતે કરવામાં આવ્યો છે તે સમજાવ્યું છે. ખરેખર, સંશોધકોએ Dense Pose ટેક્નોલોજીનો ઉપયોગ કર્યો છે, જે Wi-Fi સિગ્નલની મદદથી UV કોઓર્ડિનેટ મેપિંગ કરે છે.

આ પણ વાંચોઃ સાવધાન! જો તમે આ 5 કામ નહીં કરો તો તમારા ફોનનો તમામ ડેટા હેક થઈ શકે

આનો ઉપયોગ કરીને, 2D ફોટોમાં 3D મૉડલની સપાટી પ્રક્ષેપિત કરવામાં આવે છે.  Imperial College લંડન, ફેસબુક AI  અને યુનિવર્સિટી કોલેજ લંડનના સંશોધકો દ્વારા Dense Pose ટેકનોલોજી વિકસાવવામાં આવી છે.

આ પ્રોજેક્ટની મદદથી, બહુવિધ વિષયોના પોઝને યોગ્ય રીતે મેપ કરવામાં આવ્યા છે. જ્યાં આવા પરિણામો માટે મોંઘા RGB કેમેરા, LiDAR અને રડારનો ઉપયોગ કરવામાં આવે છે. આ ટેક્નોલોજી આ કામ સસ્તામાં કરે છે.

ટેકનોલોજી કેવી રીતે કામ કરે છે?
જો અહેવાલો પર વિશ્વાસ કરવામાં આવે તો સંશોધકો Wi-Fiનો ઉપયોગ કરીને માનવ પોઝ પણ અનુભવી શકે છે. આના પર સંશોધકોએ કહ્યું, 'આ અભ્યાસનું પરિણામ દર્શાવે છે કે અમારું મોડલ Wi-Fi સિગ્નલની મદદથી ઘણા વિષયોના Dense Pose નો અંદાજ લગાવી શકે છે. આ એક ખૂબ જ સસ્તી અને વધુ સુલભ પદ્ધતિ છે.

આ પણ વાંચોઃ Facebook એ કાઢી મુકેલા કર્મચારીનો ઘટસ્ફોટ! જાણી જોઈને તમારી સાથે ફેસબુક કરે છે આવું

સંશોધકોના જણાવ્યા અનુસાર, તેમની આ ટેક્નોલોજીનો ઉપયોગ હોમ હેલ્થકેરમાં થઈ શકે છે, જ્યાં દર્દીઓ કેમેરા દ્વારા દેખરેખ રાખવા માંગતા નથી. ખાસ કરીને બાથરૂમ જેવી જગ્યાએ તેનો ઉપયોગ કરી શકાય છે. આ ટેક્નોલોજી ખરાબ પ્રકાશ અથવા દિવાલ જેવા અવરોધોથી પ્રભાવિત થશે નહીં.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube