Twitter એ 5 દેશોમાં શરૂ કરી પોતાની પેડ બ્લૂ ટિક સેવા, જાણો ભારતનું નામ છે કે નહીં? 8 ડોલરમાં મળશે શાનદાર ફીચર

Twitter Blue Tick Subscription: ટેસ્લાના CEO અને Twitterના નવા માલિક એલોન મસ્ક એ 8 ડોલરવાળા પ્લાનની શરૂઆત થઈ ચૂકી છે. Appleએ પોતાના ગ્રાહકોને ટ્વિટરના નવા નિર્ણય વિશે માહિતી આપવાનું શરૂ કરી દીધું છે. હવે એપલના એપ સ્ટોર પર ટ્વિટર એપ ડાઉનલોડ કરતી વખતે લખ્યું છે કે ટ્વિટર બ્લુ સેવા માટે તમારે દર મહિને $7.99 ડોલર પ્રતિ મહીને ચૂકવવા પડશે. હાલમાં ટ્વિટર બ્લુની સેવા માત્ર યુએસ, યુકે, કેનેડા, ઓસ્ટ્રેલિયા અને ન્યુઝીલેન્ડમાં જ ઉપલબ્ધ છે. 

ટ્વિટરે પોતાની માઇક્રોબ્લોગિંગ સાઈટ પર નવા એપ અપડેટ વિશે માહિતી આપી, "આજથી અમે Twitter Blue માં ખૂબ જ સારી નવી સુવિધાઓ ઉમેરી રહ્યા છીએ, જેમાં વધુ ટૂંક સમયમાં આવી રહી છે. જો તમે સાઇન અપ કરો તો 7.99 ડોલર એક મહિના માટે Twitter Blue કરો." સોશિયલ મીડિયા વેબસાઈટે વધુમાં ઉમેર્યું હતું કે, "બ્લુ ચેકમાર્ક: લોકોને શક્તિ આપશે. તમારા એકાઉન્ટને બરાબર એ જ રીતે બ્લૂ ટિક મળશે જેમ કે જાણીતી સેલિબ્રિટી, કંપનીઓ અને રાજકારણીઓ પાસે હોય છે, જેણે તમે પહેલાથી ફોલો કરો છો.

ટ્વિટરમાં શું શું બદલવા જઈ રહ્યું છે?
તેના સિવાય, ટ્વિટરે તે સુવિધાઓની એક યાદીનો ખુલાસો કર્યો જે બ્લૂ ટિક એકાઉન્ટ ધારકને મળશે. કંપનીએ જણાવ્યું છે કે ટ્વિટર બ્લૂના ગ્રાહકોને ઓછી જાહેરાત મળશે, તે લાંબા વીડિયો પોસ્ટ કરી શકે છે અને ગુણવત્તા કન્ટેન્ટ માટે પ્રાથમિકતા રેન્કિંગ પ્રાપ્ત કરી શકે છે. કંપનીએ જણાવ્યું છે કે, જલ્દી આવી રહ્યા છીએ... અડધી જાહેરાત અને ખુબ સરસ. જોકે, તમે બોટ્સ વિરુદ્ધ લડાઈમાં ટ્વિટરનું સમર્થન કરી રહ્યા છો, અમે તમને અડધી જાહેરાતો સાથે પુરસ્કાર આપીશું અને તેમને બમણી સુસંગત બનાવીશું."

લાંબા વીડિયો પોસ્ટ કરી શકશો
તેના સિવાય કંપની તરફથી કહેવામાં આવ્યું છે કે, લાંબા વીડિયો પોસ્ટ કરો, તમે અંતત: ટ્વિટર પર લાંબા વીડિયો પોસ્ટ કરી શકશો. ગુણવત્તાયુક્ત કન્ટેન્ટ માટે પ્રાધાન્યતા રેન્કિંગ: તમારી કન્ટેન્ટના જવાબો, ઉલ્લેખો અને સંશોધનમાં અગ્રતા રેન્કિંગ મળશે. તેનાથી કૌભાંડો, સ્પામ અને બૉટોની દૃશ્યતા ઘટાડવામાં મદદ કરે છે."

આ ફેરફાર ટ્વિટરની વર્તમાન વેરિફિકેશન સિસ્ટમનો અંત લાવશે, જે 2009માં સેલિબ્રિટી અને રાજકારણીઓ જેવા હાઈ-પ્રોફાઈલ એકાઉન્ટ્સની નકલ અટકાવવા માટે શરૂ કરવામાં આવી હતી. ટ્વિટર પાસે હવે લગભગ 4,23,000 વેરિફાઈડ એકાઉન્ટ્સ છે, જેમાંથી ઘણા વિશ્વભરના પત્રકારો છે. 

મસ્કે બદલ્યો પોતાનો જ પ્લાન?
એલોન મસ્ક જેમણે અગાઉ કહ્યું હતું કે તે ટ્વિટર પર "તમામ લોકોનું વેરિફિકેશન" કરવા માંગે છે, તે હવે પોતાની જ વાત પલટી રહ્યા હોય તેવું જણાઈ રહ્યું છે. તેમણે કહ્યું છે કે બ્લુ ચેક સિવાયના અન્ય માધ્યમથી જાહેર વ્યક્તિઓની ઓળખ કરવામાં આવશે. હાલમાં, ઉદાહરણ તરીકે સરકારી અધિકારીઓને નામ હેઠળ લખાણથી ઓળખવામાં આવે છે કે તેઓ સત્તાવાર સરકારી ખાતામાંથી પોસ્ટ કરી રહ્યાં છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube