મુસિબત ! આજથી તમારે Facebook અને Instagram ચલાવવા માટે ચૂકવવા પડશે રૂપિયા, જાણો કેટલા

સોશિયલ મીડિયા કંપનીઓએ તેમના યુઝર્સ માટે સબસ્ક્રિપ્શન મોડલ લોન્ચ કર્યું છે જેના કારણે સોશિયલ મીડિયા યુઝર્સને પૈસા ચૂકવવા પડે છે. મેટાએ ફેસબુક અને ઇન્સ્ટાગ્રામ માટે સબ્સ્ક્રિપ્શન શુલ્કની પણ જાહેરાત કરી છે. આ ચાર્જ અત્યારે યુરોપિયન દેશો માટે છે, પરંતુ ભારતમાં પણ તેને લાગુ કરી શકાય છે.

સોશિયલ મીડિયા યુઝર્સની પરેશાનીઓ સતત વધી રહી છે, કારણ કે મોટાભાગની સોશિયલ મીડિયા કંપનીઓ એક પછી એક સબસ્ક્રિપ્શન મોડલ લોન્ચ કરી રહી છે. મતલબ કે તમારે સોશિયલ મીડિયાનો ઉપયોગ કરવા માટે ચૂકવણી કરવી પડશે. આ યાદીમાં મેટા માલિકીના ફેસબુક અને ઇન્સ્ટાગ્રામના નામ ઉમેરાયા છે. મેટા દ્વારા Facebook અને Instagram માટે સબ્સ્ક્રિપ્શન શુલ્કની જાહેરાત કરવામાં આવી છે. હાલમાં, આ ચાર્જ યુરોપિયન દેશો માટે છે, પરંતુ આશા છે કે આવનારા દિવસોમાં તેને ભારત સહિત અન્ય દેશોમાં પણ લાગુ કરવામાં આવી શકે છે.

ચાર્જ કરવા પાછળનું કારણ?
તમને જણાવી દઈએ કે અત્યાર સુધી મેટા પોતાના યુઝર્સના ડેટાનો ઉપયોગ કરતી હતી, પરંતુ યુરોપીયન નિયમોના નવા ડેટા પ્રાઈવસી કાયદા બાદ મેટાએ ડેટા એક્સેસ ન કરવા બદલ ચાર્જ વસૂલવાનો નિર્ણય લીધો છે. મેટાનું નવું સબ્સ્ક્રિપ્શન મોડલ જાહેરાત મુક્ત છે. મેટા સબ્સ્ક્રિપ્શન શુલ્ક 18 વર્ષ અને તેથી વધુ વય જૂથ માટે છે. તમને જણાવી દઈએ કે Metaનું સબસ્ક્રિપ્શન મોડલ સંપૂર્ણપણે એડ ફ્રી છે. મતલબ કે જો તમે સબ્સ્ક્રિપ્શન લેશો, તો તમને જાહેરાતો દેખાશે નહીં.

કેટલો ચાર્જ લેવામાં આવશે
યુરોપિયન યુનિયન અને સ્વિટ્ઝર્લેન્ડ જેવા દેશો માટે મેટા ચાર્જ લાગુ કરવામાં આવ્યો છે. મેટા માલિકીનું સબસ્ક્રિપ્શન શુલ્ક આજથી એટલે કે 1 નવેમ્બર 2023થી લાગુ થશે. મેટાની વેબ સર્વિસ માટે તમારે દર મહિને 9.99 યુરો (લગભગ રૂ. 880) ચૂકવવા પડશે. ઉપરાંત, iOS અને Android વપરાશકર્તાઓએ 12.99 યુરો (લગભગ રૂ. 1,100) ચૂકવવા પડશે, જે X પ્લેટફોર્મની સબ્સ્ક્રિપ્શન કિંમત કરતાં ઘણી વધારે છે.

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube