Maruti Suzuki આ 2 કાર પર આપી રહી છે બમ્પર ડિસ્કાઉન્ટ, ગાડી લેવી હોય તો ચુકતા નહીં મોકો!

Maruti Suzuki is offering a Bumper Discount: જો તમે આ મહિને મારુતિ સુઝુકીની પ્રીમિયમ કાર ખરીદવાનું વિચારી રહ્યા છો, તો આ સમય તમારા માટે શ્રેષ્ઠ છે. કંપની ફેબ્રુઆરીમાં તેની 2 કાર પર બમ્પર ડિસ્કાઉન્ટ આપી રહી છે. સૂત્રોના જણાવ્યા અનુસાર, મારુતિની નેક્સા ડીલરશીપ પરથી વેચાતી ઈગ્નિસ અને સિયાઝ પર આ મહિને આકર્ષક ઑફર્સ આપી રહી છે. અહીં અમે તમને જણાવીશું કે તમે આ મહિને આ બંને કાર પર કેટલી બચત કરી શકો છો.

મારુતિ સુઝુકી ઈગ્નિસ-
ફેબ્રુઆરીમાં મારુતિ ઈગ્નિસના મેન્યુઅલ વેરિઅન્ટ પર 23,000 રૂપિયાનું કેશ ડિસ્કાઉન્ટ આપવામાં આવી રહ્યું છે. આ સાથે 15,000 રૂપિયાના એક્સચેન્જ બોનસ અને 5,000 રૂપિયાના કોર્પોરેટ લાભનો લાભ પણ આપવામાં આવી રહ્યો છે. એકંદરે આ મહિને તમે મારુતિ ઈગ્નિસના મેન્યુઅલ વેરિયન્ટને ખરીદવા પર રૂ.43,000 બચાવી શકો છો. ઓટોમેટિક વેરિયન્ટની વાત કરીએ તો તેમાં 10,000 રૂપિયાનું રોકડ ડિસ્કાઉન્ટ અને 15,000 રૂપિયા સુધીનું એક્સચેન્જ બોનસ મળી રહ્યું છે. Ignis ઓટોમેટિક વેરિયન્ટ પર રૂ. 5,000 સુધીના કોર્પોરેટ લાભો પણ ઉપલબ્ધ છે. તેથી જો તમે ફેબ્રુઆરી 2023માં મારુતિ સુઝુકી ઈગ્નિસ ઓટોમેટિક વેરિયન્ટ ખરીદવાનું વિચારી રહ્યા છો, તો તમે 30,000 રૂપિયા બચાવી શકો છો.

મારુતિ સુઝુકી સિયાઝ-
મારુતિ સુઝુકી ઈગ્નિસથી વિપરીત, મારુતિ સુઝુકી સિયાઝ સાથે ઓફર કરાયેલા ડિસ્કાઉન્ટ અને લાભો મેનુફેક્ચરિંગ યર એટલે કે MY 2022 અને MY 2023ના આધારે ઉપલબ્ધ છે. MY 2022 Ciaz પ્રીમિયમ સેડાન રૂ. 15,000ના કેશ ડિસ્કાઉન્ટ સાથે રૂ. 25,000ના એક્સચેન્જ બોનસ સાથે ઓફર કરવામાં આવી રહી છે. તે જ સમયે, તેના પર 5,000 રૂપિયાનો કોર્પોરેટ લાભ પણ ઉપલબ્ધ છે. Ciazના 2022 મોડલ પર કુલ 45,000 રૂપિયાની બચત કરી શકાય છે.

જ્યારે, MY 2023 Maruti Suzuki Ciaz મોડલ રૂ. 10,000ના કેશ ડિસ્કાઉન્ટ સાથે, રૂ. 25,000ના એક્સચેન્જ બોનસ સાથે રૂ. 5,000 સુધીના કોર્પોરેટ લાભો સાથે ઉપલબ્ધ છે. આ મોડલ પર કુલ બચત 40,000 રૂપિયા સુધી થઈ શકે છે.