આ છે દુનિયાની સૌથી સસ્તી અને સૌથી નાની ઈલેક્ટ્રિક કાર! 300 કિમીની રેન્જ, જાણી લો કિંમત

નવી દિલ્હીઃ મીની ઇલેક્ટ્રિક કાર સાથે મોટી સફળતા બાદ, જેણે 2020માં 119,255 યુનિટ સાથે બીજા ક્રમે સૌથી વધુ વેચાતી EVનો રેકોર્ડ તોડ્યો તેવામાં હવે ચીનની કાર ઉત્પાદક વુલિંગ હોંગગુઆંગ નવી કાર લઈને આવી છે. તેણે તેને નેનો કહેવાનું નક્કી કર્યું છે, જે ભારતીય ટાટા મોટર્સ દ્વારા તેની અત્યાર સુધીની સૌથી નાની પ્રોડક્શન કાર માટે ઉપયોગમાં લેવાતું નામ છે.

વૂલીંગ નેનો ના માત્ર પ્રોડક્શનમાં જવા માટે સૌથી નાની ઇલેક્ટ્રિક કાર હશે. અહેવાલો અનુસાર, તે વિશ્વની સૌથી સસ્તી ઇલેક્ટ્રિક કાર પણ બની શકે છે. CarNewsChinaના રિપોર્ટ અનુસાર, Wuling Nano EV 20,000 યુઆન (અંદાજે 2.30 લાખ રૂપિયા)ની કિંમતે વેચવામાં આવશે. આનો અર્થ એ કે નેનો EVની કિંમત ખરેખર મારુતિ અલ્ટો કરતા ઓછી હોઈ શકે છે. જો આ સાચું છે, તો નેનો ચોક્કસપણે ચીનમાં સૌથી વધુ વેચાતી કોમ્પેક્ટ ઈલેક્ટ્રિક કાર વુલિંગ હોંગગુઆંગ મિની EV કરતા સસ્તી હશે.

શું છે ખાસ:
વિશ્વના સૌથી મોટા EV બજારમાં કાર ઉત્પાદકોના મોટા SAIC-GM-Wuling જૂથનો ભાગ વુલિંગ હોંગ ગુઆંગે 2021 તિયાનજિન ઈન્ટરનેશનલ ઓટો શોમાં નવી ઈલેક્ટ્રિક કાર નેનો EVને રજૂ કરી. આ મોડેલ Baojun E200ના વૈકલ્પિક સંસ્કરણ જેવું લાગે છે, જે વુલિંગ દ્વારા પણ બનાવવામાં આવે છે. શહેરી ઉપયોગ માટે રચાયેલ, નેનો EVમાં માત્ર બે બેઠકો છે, અને ચાર મીટરથી ઓછું ટર્નિંગ રેડિયસ છે.

ફીચર્સ:
નેનો EV 33ps ઈલેક્ટ્રિક મોટરથી સજ્જ છે અને 85Nmનો મહત્તમ ટોર્ક જનરેટ કરી શકે છે. તે 100 કિમી પ્રતિ કલાકની ઝડપે પણ જઈ શકે છે. નેનો EVમાં IP67- પ્રમાણિત લિથિયમ-આયન બેટરી હશે જે 28 kWhની ક્ષમતા ધરાવતી સીટ હેઠળ હશે. બેટરી આ નાની ઇલેક્ટ્રિક કારને એક જ ચાર્જ  કરવા પર 305 કિમીની રેન્જ આપે છે. વૂલિંગના જણાવ્યા મુજબ, નિયમિત 220-વોલ્ટ હોમ સોકેટનો ઉપયોગ કરીને બેટરીને સંપૂર્ણ રીતે રિચાર્જ કરવામાં 13.5 કલાક લાગે છે. તે 6.6 kW AC ચાર્જર વિકલ્પ સાથે પણ આવે છે જે EV ને માત્ર 4.5 કલાકમાં રિચાર્જ કરી શકે છે.

નાનુ કદ હોવા છતાં, નેનો ઈવી સુરક્ષા સુવિધાઓથી સજ્જ છે. આ ઈબીડી, ઈલેક્ટ્રોનિક પાર્કિંગ બ્રેક, આઈસોફિક્સ ચાઈલ્ડ સીટ માઉન્ટ સાથે ABS બ્રેકના ઈલેક્ટ્રોનિક સ્ટેબિલિટી કંટ્રોલ સિસ્ટમની સાથે આવે છે. નેનો ઈવીમાં રિવર્સિંગ કેમેરા, ટાયર પ્રેશર મૉનિટરિંગ સિસ્ટમ, એર કન્ડિશનીંગ, કી લેસ એન્ટ્રી સિસ્ટમ, ટેલીમેટિક્સ સિસ્ટમ, એલઈડી હેડલાઈટ્સ અને 7 ઈંચ ડિજિટલ સ્ક્રીન પણ મળે છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube