Asia Cup 2023: એક ગુજરાતીએ જ કાપ્યું બીજા ગુજરાતીનું પત્તું! જાણો કોને લાગી લોટરી

Team India Vice CaptainFor Asia Cup 2023: એશિયા કપ 2023 માટે ટીમ ઈન્ડિયાની ટીમની જાહેરાત આજે એટલે કે 21 ઓગસ્ટે કરવામાં આવશે. એશિયા કપમાં ભારતીય ટીમ પૂરી તાકાત સાથે મેદાનમાં ઉતરશે. એશિયા કપ માટે 17 ખેલાડીઓને ટીમમાં સ્થાન મળી શકે છે. આ 17માંથી 15 ખેલાડીઓની પણ વર્લ્ડ કપ માટે પસંદગી કરવામાં આવશે. દિલ્હીમાં યોજાનારી પસંદગીકારોની બેઠકમાં કેપ્ટન રોહિત શર્મા અને કોચ રાહુલ દ્રવિડ પણ સામેલ છે. આ મીટિંગથી ટીમ ઈન્ડિયાના વાઈસ કેપ્ટનને લઈને મોટી માહિતી સામે આવી છે.

ટીમ ઈન્ડિયાના વાઇસ કેપ્ટન પર મોટો નિર્ણય-
હાર્દિક પંડ્યા છેલ્લા કેટલાક સમયથી T20 ફોર્મેટમાં કેપ્ટનશિપની જવાબદારી સંભાળી રહ્યો છે.  તે ODI ફોર્મેટમાં વાઈસ-કેપ્ટન છે. પરંતુ એશિયા કપ 2023માં ક્રિકેટ ચાહકો એક બોલરને વાઇસ-કેપ્ટન્સીની જવાબદારી સંભાળતા જોઈ શકે છે. સુત્રો પાસેથી મળેલી માહિતી મુજબ ઘાતક ફાસ્ટ બોલર જસપ્રીત બુમરાહને ટીમ ઈન્ડિયાનો વાઇસ કેપ્ટન બનાવવામાં આવી શકે છે. તેણે હાલમાં જ આયર્લેન્ડ સામે રમાઈ રહેલી ટી20 શ્રેણીમાં શાનદાર કેપ્ટનશિપ કરી છે.

હાર્દિક પંડ્યાનું પત્તું કપાશે!
આવી સ્થિતિમાં, જસપ્રીત બુમરાહને 5 ઓક્ટોબરથી શરૂ થઈ રહેલા ODI વર્લ્ડ કપ માટે ભારતીય ટીમના વાઈસ-કેપ્ટન બનવાના પ્રબળ દાવેદાર તરીકે જોવામાં આવે છે. હાર્દિક પંડ્યાને ટી20 ઈન્ટરનેશનલનો નિયમિત કેપ્ટન બનાવવામાં આવ્યો છે, જ્યારે બુમરાહને શુક્રવારથી આયર્લેન્ડ સામે શરૂ થઈ રહેલી ટી20 ઈન્ટરનેશનલ સિરીઝમાં કેપ્ટન બનાવવામાં આવ્યો છે, જેથી તે બરોડાના ઓલરાઉન્ડરને સખત પડકાર આપવા માટે તૈયાર છે.

પસંદગીકારોની બેઠકમાં મુખ્ય કોચ હાજર-
દિલ્હીમાં આયોજિત આ પસંદગીકારોની બેઠકમાં મુખ્ય કોચ રાહુલ દ્રવિડ પણ હાજર છે. BCCI (ભારતીય ક્રિકેટ બોર્ડ) એ પસંદગીની બેઠકની પરંપરાથી હટીને પ્રથમ વખત આ નિર્ણય લીધો છે. રવિ શાસ્ત્રી અને અનિલ કુંબલે જેવા અગાઉના દિગ્ગજ ખેલાડીઓ પણ મુખ્ય કોચ તરીકે પસંદગીકારોની બેઠકનો ભાગ લેવાનો હત મળ્યો ન હતો. ક્રિકેટ ઓસ્ટ્રેલિયામાં, મુખ્ય કોચ એનએસપી (નેશનલ સિલેક્શન પેનલ)નો એક ભાગ છે પરંતુ ભારતમાં રાષ્ટ્રીય ટીમના કોચ અને કેપ્ટનને પસંદગીની બાબતોમાં મત આપવાનો અધિકાર નથી.