દર્દમાં દેખાયો કેપ્ટન રોહિત...રોહિત શર્માને લઈને આવ્યા ખરાબ સમાચાર, ટીમ ઈન્ડિયાને ઝટકો

Rohit Sharma hit on left knee during training at MCG: ટીમ ઈન્ડિયા અને ઓસ્ટ્રેલિયાની વચ્ચે ચોથી ટેસ્ટ મેચ 26થી 30 ડિસેમ્બર સુધી મેલબર્નમાં રમાશે. પાંચ મેચોની ટેસ્ટ સિરીઝમાં ભારત અને ઓસ્ટ્રેલિયા હાલ 1-1ની બરાબરી પર છે. મેલબર્ન ટેસ્ટ પહેલા ટીમ ઈન્ડિયાને જોરદાર ઝટકો લાગ્યો છે. કપ્ટન રોહિત શર્માને લઈને એક ખરાબ સમાચાર મળી રહ્યા છે. રવિવારે મેલબર્ન ક્રિકેટ ગ્રાઉન્ડમાં ભારતના બીજા ટ્રેનિંગ સેશન દરમિયાન કેપ્ટન રોહિત શર્મા ઈજાગ્રસ્ત થઈ ગયા.

રોહિત શર્માને લઈને આવી સૌથી ખરાબ સમાચાર
મેલબર્ન ક્રિકેટ ગ્રાઉન્ડમાં રવિવારે નેટ્સમાં બેટિંગ દરમિયાન રોહિત શર્માના ડાબા ઘૂંટણમાં ઇજા થઈ હતી. રોહત શર્મા થ્રોડાઉન વિશેષજ્ઞ દયાના બોલનો સામનો કરી રહ્યા હતા. થ્રોડાઉન વિશેષજ્ઞ દયાની એક બોલ રોહિત શર્માના ડાબા ઘૂંટણ પર લાગ્યો હતો, જેના કારણે તેઓ ઈજાગ્રસ્ત થયા હતા. રોહત શર્માએ પહેલા તો રમવાનું ચાલું રાખ્યું, પરંતુ થોડાક સમય પછી ટીમના ફિજિયોએ રોહિત શર્માની તપાસ કરી. કેપ્ટન રોહિત શર્મા ત્યારબાદ એક ખુરશી પર બેસી ગયા અને ફિજિયોએ તેમણે આઈસ પેક લગાવ્યું.

દર્દમાં દેખાયો કેપ્ટન રોહિત શર્મા
આઈસ પેક લગાવ્યા બાદ કેપ્ટન રોહિત શર્માના ચહેરા પર સ્પશ્ટ દર્દ છલકાતું હતું. બાદમાં ફિજિયોએ રોહિત શર્માને રાહત આપવા માટે તેમના ડાબા પગ પર ખુરશી રાખી. રોહિત શર્માની ઈજા એટલી ગંભીર લાગી રહી નહોતી, જોકે, ફિજિયો એ સુનિશ્ચિત કરી રહ્યા છે કે જો કોઈ અંદર સોજો છે તો તે ઓછો થઈ જાય.