ખલીલ અહમદની વિકેટની ઉજવણીની વિરાટ કોહલીએ ઉડાવી મજાક, જુઓ, VIDEO

બેંગલોરઃ તેમાં કોઈ શંકા નથી કે ટીમ ઈન્ડિયાના કેપ્ટન વિરાટ કોહલીની વિકેટ ઝડપવી કોઈપણ બોલરનું સપનું હોઈ શકે છે. શનિવારે જ્યારે ખલીલ અહમદે વિરાટને આઉટ કર્યો તો તેનું રિએક્શન જોવા લાયક હતું. ખલીલને લાગી રહ્યું હતું કે તે ચાંદ પર પહોંચી ગયો છે. પરંતુ મેચ બાદ વિરાટ કોહલીએ ખલીલ અહમદની આ ઉજવણીની મજાક ઉડાવી હતી. 

સોશિયલ મીડિયા પર વિરાટ કોહલીનો એક વીડિયો વાયરલ થઈ રહ્યો છે, જેમાં તે ખલીલ અહમદની ઉજવણીની મજાક કરતો જોવા મળી રહ્યો છે. વિરાટ કોહલીની આ મજાક પર તમામ ખેલાડીઓ જોર-જોરથી હસ્તા જોવા મળ્યા હતા. 

વિરાટ કોહલી પણ પોતાનું હસવું રોકી શક્યો નહતો. તે હાથથી ઈશારા કરીને ખલીલ અહમદની મજાક ઉડાવે છે અને પછી ત્યાં ઉભેલા તમામ લોકો હસવા લાગે છે. 

Virat Kohli is such an amazing guy. Here he mocks Khaleel’s celebration after Khaleel dismissed him. Always happy when youngsters do well. Can remember the way he rejoiced Karun Nair’s success. pic.twitter.com/y1OtzdqbNR

— The Goan Patiala 🥃🥃 (@TheGoanPatiala) May 4, 2019

મહત્વનું છે કે 176  રનનો પીછો કરતા વિરાટ કોહલી 16 રન બનાવી આઉટ થઈ ગયો હતો. ખલીલનો બોલ શોર્ટ વાઇડ હતો. કોહલી આ બોલને હિટ કરવા ઈચ્છતો હતો. પરંતુ બોલ તેના બેટના કિનારાને અડીને વિકેટકીપર સાહાના હાથમાં પહોંચી ગયો હતો. 

આ પહેલા કોહલીએ ખલીલના બોલ પર એક છગ્ગો અને એક ચોગ્ગો ફટકાર્યો હતો. વિરાટને આઉટ કરીને ખલીલે મેદાન પર મોટુ ઉજવણી કરતા પોતાની ખુશી વ્યક્ત કરી હતી. 

That moment when you get the key wicket of Virat Kohli.

Khaleel is loving it #RCBvSRH pic.twitter.com/OZLj53xqsb

— IndianPremierLeague (@IPL) May 4, 2019

આરસીબી પ્લેઓફની દોડમાંથી બહાર થઈ ગઈ છે અને આ તેનો અંતિમ મુકાબલો હતો. હૈદરાબાદની પાસે પ્લેઓફમાં પહોંચવાની થોડી સંભાવના છે. જો આજના મેચમાં કોલકત્તા મુંબઈ સામે હારે તો હૈદરાબાદ પ્લેઓફની ટિકિટ મેળવી શકશે.