ભારતમાં આવેલી છે આ એકમાત્ર એવી જગ્યા જ્યાં 5 નદીઓનો થાય છે સંગમ

Panchnad in UP: ભારતને નદીઓનો દેશ પણ કહેવામાં આવે છે. ઉત્તરથી દક્ષિણ અને પૂર્વથી પશ્ચિમમાં ડઝનબંધ નાની-મોટી નદીઓ વહે છે, જે કરોડો લોકોની તરસ છીપાવવાની સાથે સાથે ખેતીની જીવાદોરીનું કામ પણ કરે છે. આમાંથી ઘણી નદીઓ એક ચોક્કસ બિંદુ પર આવે છે અને બીજામાં ભળી જાય છે. આવા સ્થળોને સંગમ અથવા પ્રયાગ કહેવામાં આવે છે. ઉદાહરણ તરીકે, ગંગા, યમુના અને સરસ્વતી પ્રયાગરાજમાં મળે છે. પરંતુ શું તમે જાણો છો કે ભારતમાં એક એવી જગ્યા છે જ્યાં 1-2 નહિ પરંતુ 5 નદીઓ મળે છે. દર વર્ષે લાખો ભક્તો આ સ્થળે સ્નાન કરવા ઉમટી પડે છે. આવો જાણીએ ભારતમાં આ અનોખી જગ્યા ક્યાં છે.

રિપોર્ટ અનુસાર, ભારતનું આ અનોખું સ્થળ યુપીના ઈટાવા અને જાલૌનની બોર્ડર પાસે આવેલું છે. આ સ્થળ 'પંચનાદ' (Panchnad) તરીકે ઓળખાય છે. 5 નદીઓના સંગમને કારણે તેનું નામ પડ્યું. સ્થાનિક લોકોના મતે, આ તેમને કુદરત તરફથી મળેલી એક અનોખી અને વિશાળ ભેટ છે. વિશ્વમાં આ એકમાત્ર જગ્યા છે જ્યાં 5 નદીઓનો સંગમ જોવા મળે છે.

આ સ્થળે ચંબલ, કુંવારી, સિંધ, યમુના અને પહજ નદીઓ મળે છે. ઘણા લોકો 'પંચનાદ'ને મહાતીર્થરાજના નામથી બોલાવે છે. આ સંગમમાં દર વર્ષે કરોડો ભક્તો સ્નાન કરવા આવે છે. 

આ સ્થળ વિશે અનેક પ્રકારની વાર્તાઓ પ્રચલિત છે. કહેવાય છે કે મહાભારત કાળમાં પાંડવો 'પંચનાદ' પાસે રોકાયા હતા અને ભીમે ત્યાં બકાસુરનો વધ કર્યો હતો. બીજી વાર્તા છે કે તુલસીદાસજીએ મહર્ષિ મુચકુંદની પરીક્ષા લેવા પંચનાદની પદયાત્રા શરૂ કરી હતી. ત્યાં પહોંચ્યા પછી તુલસીદાસજીએ પાણી આપવા વિનંતી કરી, જેના પર મહર્ષિ મુચકુંદે પોતાના કમંડળમાંથી પાણી છોડ્યું. કહેવાય છે કે કમંડળમાંથી પડતું પાણી ક્યારેય સમાપ્ત થતું નથી.

(Disclaimer: અહીં આપવામાં આવેલી માહિતી સામાન્ય માન્યતાઓ અને માહિતી પર આધારિત છે. ZEE24KALAK તેની પુષ્ટિ કરતું નથી.)

આ પણ વાંચો:
દિલ્હીમાં ફરી વધ્યું યમુનામાં પાણી, ગુજરાતમાં આજથી અતિ ભારે વરસાદની આગાહી
બિલાડી પાળતાં પહેલાં આટલી જાણી લેજો? ક્યાંક આફત કે અશુભ ઘટના ન બને
ફરી સાચવજો! અંબાલાલ પટેલ આવી ગયા છે મેદાનમાં : ભુક્કા બોલાવે તેવા વરસાદની કરી આગાહી
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube