Grah Gochar 2023: જૂન મહિનામાં ગ્રહ ગોચરથી 5 રાશિના જાતકોને મળશે લાભ, પ્રમોશન-ધનલાભનો પ્રબળ યોગ

નવી દિલ્હીઃ Grah Gochar 2023: વૈદિક જ્યોતિષ શાસ્ત્ર અનુસાર એક ચોક્કસ સમય પર દરેક ગ્રહ ગોચર કરે છે. દર મહિનામાં કેટલાક ગ્રહોનું ગોચર, માર્ગી થવું દરેક રાશિના જાતકોને શુભ અને અશુભ ફળ આપે છે. જૂનનો મહિનો શરૂ થવાનો છે. તેવામાં ઘણા ગ્રહ પોતાનું સ્થાન પરિવર્તન કરશે. નોંધનીય છે કે 7 જૂને બુધ મેષ રાશિમાંથી નિકળી વૃષભ રાશિમાં ગોચર કરવા જઈ રહ્યાં છે. તો 24 જૂને વૃષભમાંથી નિકળી મિથુન રાશિમાં ગોચર કરશે. 15 જૂને સૂર્ય વૃષભ રાશિમાંથી નિકળી મિથુન રાશિમાં પ્રવેશ કરશે. 

જ્યોતિષ શાસ્ત્ર અનુસાર, ન્યાયના દેવતા શનિ 17 જૂને પોતાની રાશિમાં વક્રી થશે અને મહિનાના અંતે 30 જૂને મંગળ સિંહ રાશિમાં સંક્રમણ કરશે. આ ગ્રહોના આ સંક્રમણ દરમિયાન અનેક રાશિના લોકોના જીવનમાં ઉતાર-ચઢાવ આવશે. જાણો 5 રાશિઓ વિશે, જેના સિતારા જૂનમાં ચમકશે.

મેષ રાશિ
જ્યોતિષ શાસ્ત્ર અનુસાર જૂનમાં 4 ગ્રહોના ગોચરનો લાભ આ રાશિના જાતકોને મળશે. નોકરી કરનાર લોકોની પ્રગતિની સંભાવના છે. આ દરમિયાન વિદેશમાં નોકરીની ઓફર આવી શકે છે. આ સમયમાં દરેક કાર્ય ભાગીદારીથી પૂરા કરશો. પરિવારમાં કોઈ નવા મહેમાનનું આગમન થઈ શકે છે. ભાઈ-બહેનની સાથે તાલમેલ બેસાડવામાં સફળ થશો. શનિના પ્રભાવથી પહેલાથી અટવાયેલા કેટલાક કામ જલદી પૂર્ણ થશે. 

આ પણ વાંચોઃ 30 તારીખે મકર રાશિમાં સર્જાશે 'લક્ષ્મી યોગ', આ રાશિઓના લોકો પર થશે ધન વર્ષા

મિથુન રાશિ
આ દરમિયાન મિથુન રાશિના જાતકો માટે સમય ખાસ રહેવાનો છે. જો વિદ્યાર્થીઓ આ સમયે એકાગ્રતાની સાથે કામ કરશે તો સારૂ પ્રદર્શન કરવામાં સફળતા મળશે. એટલું જ નહીં વ્યક્તિને સૂર્યની કૃપાથી ભાગ્યનો સાથ મળશે. તો આ દરમિયાન મિથુન રાશિના જાતક આર્થિક રૂપથી બચત કરવામાં સફળ થશે. બુધની કૃપાથી પારિવારિક જીવન સુખમય થશે. આ દરમિયાન કોઈ બીમારીથી પરેશાન છો તો તેમાં રાહત મળી શકે છે. 

કન્યા રાશિ
આ રાશિના જાતકોનું ભાગ્ય જૂન મહિનામાં ચમકવાનું છે. પારિવારિક લોકો સાથે તમારા સંબંધ મજબૂત થશે. આ સમયમાં જો રોકાણ કરશો તો સારો લાભ મળી શકે છે. દરેક કાર્યો પૂરા કરી શકશો. એટલું જ નહીં આ જાતકોને સરકારી યોજનાઓનો લાભ મળશે. જમીન કે વાહન ખરીદવાની ઈચ્છા પૂરી થશે. નોકરી કરનાર લોકોને  અધિકારીઓનો સહયોગ પ્રાપ્ત થશે. 

આ પણ વાંચોઃ Astro Tips: જો તમારા મનમાં પણ સતત રહેતો હોય ભય તો ઘરની આ દિશામાં કરી લો આ સરળ કામ

તુલા રાશિ
ગ્રહોના ગોચરથી તુલા રાશિના જાતકોને ખુબ ફાયદો થશે. આ દરમિયાન કારોબારમાં વૃદ્ધિ થશે અને આર્થિક સ્થિતિમાં સુધાર આવશે. તમારા અટવાયેલા નાણા પરત મળી શકે છે. તો સંબંધો પહેલાં કરતા વધુ મજબૂત થશે. બાળકોની પ્રગતિ થશે અને મન પ્રસન્ન રહેશે. જીવનસાથીની સાથે તીર્થ વગેરે પર જઈ શકો છો. 

મકર રાશિ
મકર રાશિના જાતકો માટે પણ આ સમય ફાયદાકારક છે. આ દરમિયાન કાર્યક્ષેત્રમાં પણ પ્રગતિની નવી તક પ્રાપ્ત થશે. અસવરનો યોગ્ય ઉપયોગ કરવો. જે લોકો નવો વેપાર શરૂ કરવાની યોજના બનાવી રહ્યાં છે, જૂનમાં તેને શુભ ફળ પ્રાપ્ત થઈ શકે છે. રોકાણ માટે પણ આ સમય અનુકૂળ છે. જીવનસાથીની સાથે સંબંધમાં મધુરતા આવશે. 

(Disclaimer: અહીં આપવામાં આવેલી માહિતી માન્યતાઓ અને જાણકારીઓ પર આધારિત છે. ઝી 24 કલાક તેની પુષ્ટિ કરતું નથી)

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube