Rose Day: જેવી રાશિ એવા રંગનું આપો ગુલાબ, હંમેશા મળશે પ્રેમ લાજવાબ

Rose Day 2024: આજે રોડ ડે છે. દર વર્ષે 14 ફેબ્રુઆરીના રોજ પ્રેમીઓનો દિવસ એટલેકે, વેલેન્ટાઈન દિવસ મનાવવામાં આવે છે. એના એક સપ્તાહ પહેલાંથી જ વેલેન્ટાઈન વીકની શરૂઆત થઈ જાય છે. ત્યારે 7 ફેબ્રુઆરી રોઝ ડે ની ઉજવણી કરવામાં આવતી હોય છે. આ દિવસે દરેક પ્રેમી પોતાની પ્રેમીકાને ગુલાબ આપીને પ્રેમની અભિવ્યક્તિ કરતો હોય છે. પણ શું તમે જાણો છો દરેક વ્યક્તિને તેની રાશિને અનુરૂપ ગુલાબ આપવાથી પ્રેમમાં વધારો થશે અને જીવનમાં પણ સકારાત્મક પરિવર્તન આવી શકે છે એવું જ્યોતિષશાસ્ત્ર કહે છે.

મેષ રાશિ-
મેષ રાશિના લોકો માટે આ સમય રોઝ ડેથી લઈને વેલેન્ટાઈન ડે સુધીનો સમય ખૂબ જ રોમાંચક અને રોમેન્ટિક રહેશે. પ્રેમ જીવનમાં, તમારા પ્રેમી સાથે તમારા સંબંધો વધુ મજબૂત અને સારા રહેશે. વાસ્તવમાં, રાશિનો સ્વામી મંગળ હાલમાં શુક્રની રાશિમાં છે અને અન્ય લોકો તમારી રાશિથી આગળ વધી રહ્યા છે. આવી સ્થિતિમાં તમારા સંબંધોમાં સહકાર અને સંવાદિતા વધશે.આ વેલેન્ટાઈન વીકમાં તમે તમારા સંબંધોને આગળ લઈ જવાની યોજના બનાવી શકો છો. જો તમે રોઝ ડે પર તમારા મેષ રાશિના પ્રેમીને ઘેરો લાલ ગુલાબ આપો છો, તો તે તમારા સંબંધોને વધુ મજબૂત કરશે. મેષ રાશિના લોકો ખૂબ જ ઉત્સાહી અને અગ્નિ તત્વના હોય છે, તેથી તેમને તે મુજબ ભેટ આપો.

વૃષભ રાશિ-
વૃષભ રાશિ માટે રોઝ ડે સામાન્ય રહેશે. આ રોઝ ડે પર તમારી રાશિનો સ્વામી શુક્ર શનિની સાથે કુંભ રાશિમાં છે તેથી તમને એન્ટીક વસ્તુ ગિફ્ટ લેવી પસંદ પડશે. જો તમારી પ્રેમી વૃષભ રાશિનો છે તો તમે તેને ગુલાબી રંગનું ગુલાબ આપી શકો છો. 

મિથુન રાશિ-
મિથુન રાશિનો સ્વામી બુધ રોઝ ડે પર મકર રાશિમાં આવશે અને તે તમારી રાશિના આઠમાં ઘરમાં સૂર્યની સાથે રહેશે. તેવામાં તમારે સંબંધ સારો રાખવા માટે સંયમિત ભાવથી કામ કરવું પડશે. કોઈ વાતથી પ્રેમીનું મૂડ ખરાબ થઈ શકે છે. તેથી મિથુન રાશિના પાર્ટનર કે પ્રેમી છે તો તેને એક નહીં બે કલરનું ગુલાબ ગિફ્ટ કરો. લાલ અને પીળુ બંને આપો તો સારૂ રહેશે. મિથુન રાશિના જાતકોને સંગીત અને કલામાં પ્રેમ હોય છે. તેથી તમે તે અનુસાર તેને ગિફ્ટ આપી શકો છો. 

કર્ક રાશિ-
કર્ક રાશિનો સ્વામી ચંદ્ર રોઝ ડે પર સિંહ રાશિમાં રહેશે. અનુકૂળ ગ્રહની રાશિમાં ચંદ્ર તમારા માટે શુભ રહેશે. તમે તમારા પ્રેમ જીવનમાં આનંદ અને પ્રસન્નતા લાવવા માટે કંઈક પ્લાન કરી શકો છો, જેથી તમારા પ્રેમીને તમારી સાદગી અને કુનેહથી ખાતરી થઈ જાય. તમારા સંબંધોમાં વિશ્વાસ અને આત્મીયતા રહેશે અને તમે આ દિવસને યાદગાર બનાવી શકશો. રોઝ ડે પર, જેમનો પ્રેમી કર્ક રાશિનો છે તેઓ ભેટ તરીકે લાલ ગુલાબની સાથે સફેદ ગુલાબનો ગુલદસ્તો બનાવીને પ્રેમીના દિલ પર રાજ કરી શકે છે. કર્ક રાશિના પ્રેમીને ભેટ તરીકે કપડાં, ચિત્રો, મૂર્તિઓ આપી શકાય.

સિંહ રાશિ-
સિંહ રાશિના સ્વામી સૂર્ય રોઝ ડે પર મકર રાશિમાં રહેશે અને સિંહ રાશિમાં ચંદ્રમાનો સંચાર થશે. તેવામાં તમારા માટે રોઝ ડે ખાટો મીઠો અનુભવ આપનારો રહી શકે છે. કામની વ્યસ્તતા વચ્ચે દિલની વાત તમને ફસાવી શકે છે. તમારા પ્રેમી સાથે હોવા છતાં, તમે માનસિક રીતે અન્ય જગ્યાએ હોઈ શકો છો જે તમારા પ્રેમીને ગમશે નહીં. જો તમે તમારા પ્રેમી અથવા જીવનસાથીથી દૂર છો, તો આજે વાતચીતનું માધ્યમ તમારા હૃદય વચ્ચેનું અંતર ઘટાડવા માટે સંદેશવાહકની જેમ કામ કરશે. જે લોકોનો પ્રેમી અને જીવનસાથી સિંહ રાશિના હોય તેઓ પ્રેમીને ક્યાંક સરપ્રાઈઝ આપી શકે છે. જો તમે રોઝ ડે પર સિંહ રાશિના પ્રેમીને નારંગી અને લાલ ગુલાબ આપો છો, તો તે તમારા માટે શુભ રહેશે. તમે તેમને કોઈપણ ઇલેક્ટ્રિક ગેજેટ ભેટ તરીકે આપી શકો છો.

કન્યા રાશિ-
કન્યા રાશિ માટે રોઝ ડે સારો રહેવાનો છે. રાશિ સ્વામી બુધ રાશિથી પંચમ સ્થાનમાં આવીને સંચાર કરશે તેવામાં તમે રોમેન્ટિક મૂડમાં રહેશો અને પ્રેમીને કોઈ સરપ્રાઇઝ ગિફ્ટ આપી શકો છો. રોઝ ડે પર તમારો પ્રેમી તમારી ઈચ્છા પૂરી કરી શકે છે. જે લોકોનો પ્રેમી કે પાર્ટનર કન્યા રાશિનો છે તેને રોઝ ડે પર પીળુ કે પિંક ગુલાબ આપી શકો છો. તમે પ્રેમીને આ દિવસે કોઈ ટ્રેન્ડી વસ્તુ ભેટમાં આપી શકો છો. 

તુલા રાશિ-
તુલા રાશિના લોકો માટે આ વખતે રોઝ ડે અને વેલેન્ટાઈન ડે ખૂબ જ યાદગાર બની રહેશે. ગ્રહોની એવી શુભ સ્થિતિ બનવા જઈ રહી છે જે તમારા સંબંધોમાં પ્રેમ અને સાહસ વધારશે. પ્રેમી અને જીવનસાથી સાથે તમારો તાલમેલ સંતુલિત રહેશે. જો તમને દિવસ દરમિયાન સમય ન મળે તો સાંજને રોમેન્ટિક બનાવવામાં તમે કમી રાખશો નહીં. જેમનો પ્રેમી તુલા રાશિનો છે તેઓએ રોઝ ડે પર પ્રેમીને ઘેરા લાલ રંગનું ગુલાબ ગિફ્ટ કરવું જોઈએ ગિફ્ટ તરીકે, તમે તમારા પ્રેમીને શોખ અને શણગારની વસ્તુઓ આપી શકો છો.

વૃશ્ચિક રાશિ-
વૃશ્ચિક રાશિના જાતકો માટે રોઝ ડેનો દિવસ લવ લાઇફના મામલામાં સારો રહેશે. રાશિ સ્વામી મંગળની દ્રષ્ટિ તેની રાશિ પર હશે તેવામાં તમારી લવ લાઇફને રોમાંચક બનાવવા માટે કંઈક સ્પેશિયલ કરવા ઈચ્છશે. પરંતુ અતિ ઉત્સાહથી તમારે બચવુ પડશે. પ્રેમી પર તમારો પ્રભાવ અને દબદબો બનાવવાનો પ્રયાસ ન કરો. પ્રેમી વૃશ્ચિક રાશિનો છે તો ગિફ્ટમાં પ્રેમીને એક્વેરિયમ, સોનાની કોઈ વસ્તુ આપી શકો છો. રોઝ ડે પર લાલ, ગુલાબી કલરનું ગુલાબ આપવું જોઈએ. 

ધન રાશિ-
ધનુ રાશિના લોકો માટે રોઝ ડે મિશ્રિત રહેશે. તે પોતાની વ્યસ્તતા અને કામકાજ વચ્ચે પોતાના જીવન જીવનનું સંચાલન કરવામાં મૂંઝવણ અનુભવી શકે છે. તેમ છતાં, તમે રોઝ ડે પર તમારા પ્રેમી સાથે વધુ સારો તાલમેલ જાળવી શકશો. જો તમે દિવસ દરમિયાન તમારા પ્રેમીને સમય આપી શકતા નથી, તો તમે પ્રેમના નામે તમારો સમય પસાર કરવાનો પ્રયાસ કરશો. ધનુ રાશિના પ્રેમીને ચાંદીની વસ્તુઓ ભેટમાં ન આપો. તમે તેમને પીળા રંગની ધાતુની કોઈપણ ભેટ આપી શકો છો અથવા ધાર્મિક કાર્યને લગતી કોઈ ભેટ આપી શકો છો. રોઝ ડે પર આ રાશિના પ્રેમીને નારંગી અને પીળા ગુલાબ આપવા શ્રેષ્ઠ રહેશે.

મકર રાશિ-
મકર રશિના જાતકો માટે રોઝ ડે મિશ્રિત રહેશે. તમે માનસિક રીતે મૂંઝવણમાં રહી શકો છો જેના કારણે તમે તમારા પ્રેમ જીવનને દિલથી માણી શકશો નહીં. તમે તમારા પ્રેમીને ભેટમાં કોઈ એન્ટીક વસ્તુ આપી શકો છો. રોઝ ડે પર લાલ ગુલાબની સાથે વાદળી ગુલાબ પણ પ્રેમીને આપો તો તે તમારા માટે ખુબ શુભ રહેશે. 

કુંભ રાશિ-
કુંભ રાશિ માટે આ વખતે રોઝ ડે સારો રહેશે. આ દિવસે તમારી રાશિમાં પ્રેમનો કારક ગ્રહ શુક્ર હશે. તેવામાં તમારી લવ લાઇફ રોઝ ડે પર ખુબ રોમેન્ટિક રહેશે. તમે પ્રેમીની સાથે સમય પસાર કરી શકો છો. જે લોકો નવા-નવા સંબંધમાં છે તે આજનો દિવસ યાદગાર બનાવવા સરપ્રાઇઝ પ્લાન કરી શકે છે. આ રાશિના જાતકો માટે પોતાની લવ સ્ટોરી આજથી શરૂ થઈ શકે છે. તમે પ્રેમીને રોઝ ડે પર લાલ અને સફેદ ગુલાબ ભેટમાં આપી શકો છો. તમે ચાંદીની કોઈ વસ્તુ કે બ્લેક ડ્રેસ ગિફ્ટ કરી શકો છો. 

મીન રાશિ-
મીન રાશિ માટે રોઝ ડે એટલે કે વેલેન્ટાઈન વીકનો પ્રથમ દિવસ સામાન્ય રૂપથી સારો કહી શકાય છે. તમારી લવ લાઇફ સંતુલિત અને આનંદદાયક રહેશે. લવ લાઇફમાં તમને પ્રેમીને કોઈ એવી ભેટ આપી શકે છે જેને જોઈને તમે ખુશ થઈ જશો. રોઝ ડેના અવસર પર તમે પ્રેમીને નારંગી કે પીળુ ગુલાબ આપી શકો છો, જે તમારા માટે શુભ રહેશે. મીન રાશિના પાર્ટનર અને પ્રેમીને તમે કોઈ ધર્મ કર્મ સંબંધિત ગિફ્ટ આપી શકો છો કે સોનાની ધાતુનો સામાન આપો તો તેની સાથે તમારો સંબંધ વધુ સારો થશે.