Relationship Tips: પતિના કટાક્ષ પત્નીના મન પર કરે છે ઊંડી અસર, સ્ત્રીના સ્વભાવમાં થવા લાગે છે આવા ફેરફાર
Relationship Tips: પતિ દ્વારા કરવામાં આવતા કટાક્ષના કારણે મહિલાઓ સતત પરેશાન રહેવા લાગે છે. જ્યારે વારંવાર પતિ કટાક્ષ કરે છે તો પરિવારના અન્ય સભ્યો પણ આ પ્રકારે વાત સંભળાવવા લાગે છે. જેના કારણે સ્ત્રીના સ્વભાવમાં પણ ફેરફાર થઈ જાય છે. સ્ત્રીના સ્વભાવમાં થતા આ ફેરફાર સંબંધો માટે પણ ઘાતક સાબિત થાય છે.
Trending Photos
- 5
- 6
- 8
- 7
)
Relationship Tips: ઘણા પુરુષોને આદત હોય છે કે તે પોતાની પત્નીને વાતે વાતમાં કટાક્ષ કરે છે અને દિલ દુભાવે તેવી વાત સંભળાવે છે. ઘણા પુરુષો હસતા હસતા પણ પત્નીને આ પ્રકારે કટાક્ષ કરી લેતા હોય છે. તો કેટલાક લોકો જાહેરમાં અન્ય લોકોની હાજરીમાં પણ પત્નીને કટાક્ષ કરવાનું ચૂકતા નથી. કેટલાક કિસ્સામાં પત્ની પણ પતિને સંભળાવી દેતી હોય છે પરંતુ જે મહિલાઓ પોતાના પતિની આવી વાતો સહન કરે છે તેમના સ્વભાવમાં કેટલાક ફેરફાર થવા લાગે છે. દરેક વ્યક્તિની સહનશક્તિની એક મર્યાદા હોય છે. જ્યારે તે મર્યાદા પૂર્ણ થાય ત્યારે સંબંધ તૂટી પણ જાય છે. સંબંધ તૂટવાની હદ સુધી પહોંચે ત્યાં સુધીમાં સ્ત્રીના સ્વભાવમાં ઘણા ફેરફાર થઈ ગયા હોય છે.
પતિ દ્વારા કરવામાં આવતા કટાક્ષના કારણે મહિલાઓ સતત પરેશાન રહેવા લાગે છે. જ્યારે વારંવાર પતિ કટાક્ષ કરે છે તો પરિવારના અન્ય સભ્યો પણ આ પ્રકારે વાત સંભળાવવા લાગે છે. જેના કારણે સ્ત્રીના સ્વભાવમાં પણ ફેરફાર થઈ જાય છે.
આ પણ વાંચો:
ઘણા પુરુષોને આદત હોય છે કે ઓફિસના સ્ટ્રેસની બધી જ ભડાશ ઘરે આવીને પત્ની પર ઉતારે છે. ક્યારેક ગુસ્સામાં તો ક્યારેક મજાક મસ્તીમાં પણ તે પત્નીને વ્યંગ ભાષામાં કેટલીક વાતો સંભળાવે છે. આ પ્રકારની ભાષાની સ્ત્રીના મન પર અને સ્વભાવ પર કેવી અસર થાય છે તે પણ જાણો.
સંબંધો માટે વિનાશકારી
કટાક્ષની ભાષા પતિ અને પત્નીના સંબંધોનો અંત લાવી શકે છે. કારણ કે મહિલાઓ આ પ્રકારની ભાષાને લઈને સંવેદનશીલ હોય છે. પુરુષ દ્વારા કહેવામાં આવેલી વાતને સ્ત્રી પોતાના દિલથી લગાવી લે છે અને તેને ભૂલી શકતી નથી.
સંકોચ અનુભવે છે
જ્યારે વારંવાર પતિ કોઈ વાતને લઈને પત્નીને કટાક્ષ કરતો રહે તો મહિલા વ્યક્તિગત રીતે પોતાને લઈને સંકોચ અનુભવવા લાગે. તેના મનમાં લાગણી ઉદભવવા લાગે છે કે તે કંઈક ખોટું કરે છે અને તેને લઈને તે હંમેશા પતિની સામે હિન ભાવના અનુભવે છે અનુભવે છે.
અસુરક્ષિત અનુભવ કરે છે
જ્યારે કોઈ મહિલા ને વારંવાર તીખી ટિપ્પણીઓ સાંભળવી પડે છે અને વ્યંગ સાંભળવા પડે છે તો તે સંબંધમાં અસુરક્ષિત અનુભવવા લાગે છે. જેના કારણે તે પોતાના માટે વધારે આક્રમક અને રક્ષાત્મક બનતી જાય છે.
પોતાને સમજે છે યુઝલેસ
જ્યારે વારંવાર પતિ પોતાની પત્ની પર કટાક્ષ જ કરે રાખે તો પત્ની પોતાની જાતને યુઝલેસ એટલે કે બેકાર અનુભવવા લાગે છે. મહિલાને લાગે છે કે તે કોઈ કામની નથી જેના કારણે તે ડિપ્રેશનમાં પણ સરી પડે છે.
(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
