દુનિયાનો આ દેશ છે ચાનો શોખીન, ભારત કરતા 10 ગણી પીવે છે વધારે; પાકિસ્તાનનું સ્થાન જાણીને થશે આશ્ચર્ય

શિયાળો હોય કે ઉનાળો ચાના શોખીન ચાનો આનંદ માણવાની તક ક્યારેય છોડતા નથી. ઘરે આવતા મહેમાનોને ચા પીરસવામાં આવે છે. ભારતમાં ચા સામાન્ય છે. ભારત વિશ્વનો બીજો સૌથી મોટો ચા ઉત્પાદક દેશ છે. તેમ છતાં તમને આશ્ચર્ય થશે કે સૌથી વધુ ચા પીનારા લોકોમાં ભારત 23મા ક્રમે છે. આંકડા માથાદીઠ વાર્ષિક ધોરણે આપવામાં આવે છે.

અહીં અમે દુનિયાના ટોપ 10 દેશો વિશે જણાવી રહ્યા છીએ, જ્યાં ચા સૌથી વધુ પીવામાં આવે છે. સૌથી વધુ ચા પીનારા દેશોમાં તુર્કીનું નામ છે. અહીં માથાદીઠ ચાનો વપરાશ 3.16 કિગ્રા (વાર્ષિક) છે.

તુર્કી પછી બીજા સ્થાને આયર્લેન્ડ (2.19 કિગ્રા), , ત્રીજા સ્થાને યુકે (1.94 કિગ્રા) અને ચોથા સ્થાને સંયુક્ત રીતે પાકિસ્તાન (1.50 કિગ્રા) અને ઈરાન (1.50 કિગ્રા) છે. રશિયા પાંચમા સ્થાને (1.38 કિગ્રા) છે.

આ પછી મોરોક્કોમાં લોકો પ્રતિ વ્યક્તિ વાર્ષિક 1.22 કિલો ચા પીવે છે. આ પછી ન્યુઝીલેન્ડ (1.19 કિગ્રા), ચિલી (1.19 કિગ્રા) અને ઇજિપ્ત (1.01 કિગ્રા)નો નંબર આવે છે. અન્ય દેશોની વાત કરીએ તો જાપાનમાં (0.97 કિગ્રા), પોલેન્ડ (1 કિગ્રા), સાઉદી અરેબિયા (0.90 કિગ્રા), સાઉથ આફ્રિકા (0.81 કિગ્રા), નેધરલેન્ડ (0.78 કિગ્રા), ઓસ્ટ્રેલિયા (0.75 ​​કિગ્રા), યુએઈ (0.78 કિગ્રા) અને જર્મની (.69 કિગ્રા) છે.

ભારતની વાત કરીએ તો અહીં દર વર્ષે વ્યક્તિ દીઠ 0.32 કિલો ગ્રામ ચા પીવામાં આવે છે. આ રીતે ભારત વિશ્વમાં ચાના ઉત્પાદનમાં બીજા નંબરનો સૌથી મોટો દેશ છે. ચીન નંબર વન પર છે. ચીનમાં લોકો પ્રતિ વ્યક્તિ વાર્ષિક 0.57 કિલોના દરે ચા પીવે છે.